ବଗେଇପୁରରେ କମ୍ବଳ ଓ କପଡ଼ା ବାଣ୍ଟିବ ” ମୋ ଅନୁଷ୍ଠାନ “
ଖଇରା,୧୩/୧୧/୨୫- ସାହିତ୍ୟ, ସମ୍ବାଦ ଓ ସମାଜସେବା କାର୍ଯ୍ୟକ୍ରମ ଜାରି ରଖିଛି “ମୋ ଅନୁଷ୍ଠାନ ସାହିତ୍ୟ ସଂ ସଦ ” । ବର୍ତ୍ତମାନ ଶୀତଋତୁ ପାଇଁ କମ୍ବଳ ବଣ୍ଟନ କରି ଚାଲିଛି ମୋ ଅନୁଷ୍ଠାନ । ୩ୟ ପର୍ଯ୍ଯାୟ କମ୍ବଳ ବଣ୍ଟା ସରିଛି । ଆସନ୍ତା ରବିବାର ଅର୍ଥାତ୍ ତା ୧୬/୧୧/୨୦୨୫ ରିଖ ଦିନ ବାଲେଶ୍ଵର ଜିଲ୍ଲା ଖଇରା ବ୍ଲକ ବଗେଇପୁର ଗ୍ରାମରେ କମ୍ବଳ ବଣ୍ଟନ ହେବ । ଗ୍ରାମର ଖେଳପଡିଆ ଠାରେ ବଣ୍ଟନ କାର୍ଯ୍ୟକ୍ରମ ଅନୁଷ୍ଠିତ ହେବ । ଗତବର୍ଷ ୧୦୬୨ ଖଣ୍ଡ କମ୍ବଳ, ୭୮୨ ଖଣ୍ଡ ମଶାରୀ, ୪୮୨ ଟି ଛତା ଏବଂ କପଡ଼ା ଇତ୍ୟାଦି ବଣ୍ଟନ ହୋଇଥିଲା । କିନ୍ତୁ ଚଳିତ ଶୀତ ଋତୁରେ ୨ ହଜାର ଖଣ୍ଡ କମ୍ବଳ ବଣ୍ଟନ କରିବ ଅନୁଷ୍ଠାନ । ଏଥିପାଇଁ ବହୁ ପୂର୍ବରୁ ଘୋଷଣା ସରିଛି । କମ୍ବଳ ବଣ୍ଟନ ପରେ ମଶାରୀ, ଛତା, ପାଣିବୋତଲ ବଣ୍ଟନ ସହିତ ନୂଆକରି ଯୋତା ଓ ରନ୍ଧା ଖାଦ୍ୟ ବଣ୍ଟନ କରାଯିବାର ପରିକଳ୍ପନା ହୋଇଛି । ସମ୍ପାଦକ ନରେନ୍ଦ୍ର ପ୍ରସାଦ ବେହେରା ଏବଂ ସଭାପତି କୁଞ୍ଜଲତା ମାହୁଁନ୍ତଙ୍କ ଆୟୋଜନ କ୍ରମେ ରବିବାର ଅନୁଷ୍ଠିତ ବଣ୍ଟନ କାର୍ଯ୍ୟକ୍ରମରେ ସହ-ସମ୍ପାଦିକା ବୀଣାପାଣି ଜେନା, ସଦସ୍ୟ ସମ୍ଭୁନାଥ ସେଠୀ, ଜଗବନ୍ଧୁ ବାରିକ, ଉପଦେଷ୍ଟା ବସନ୍ତ କୁମାର ବାରିକ, ମୁକ୍ତିକାନ୍ତ ପାଣିଗ୍ରାହୀ, ରାମଚନ୍ଦ୍ର ପତ୍ରି, ମନୋଜ ମହାପାତ୍ର, ଆଲୋକମୟ ପଣ୍ଡା ଏବଂ ଅନୁଷ୍ଠାନର ଶୁଭ ଚିନ୍ତକ ଓ ସୁପରାମର୍ଶଦାତା ଜଗନ୍ନାଥ ମହାପାତ୍ର, ଅଜୟ ମହାପାତ୍ର ଏବଂ ଅଜୟ ନାଇକ ଯୋଗଦେବେ ବୋଲି ଦୃଢ ପ୍ରତିଶୃତି ଦେଇଛନ୍ତି । କମ୍ବଳ ସହିତ କପଡ଼ା ମଧ୍ୟ ବଣ୍ଟନ କରାଯିବ । ଏହା ଚଳିତ ଋତୁର ୪ର୍ଥ ପର୍ଯ୍ଯାୟ କମ୍ବଳ ଓ କପଡା ବଣ୍ଟନ ଦେବ । ମୋ ଅନୁଷ୍ଠାନ ସେବା କାର୍ଯ୍ୟରେ ମୁଗ୍ଧ ହୋଇ ଯଦି କେହି କମ୍ବଳ ପାଇଁ କିଛି ଆର୍ଥିକ ସହଯୋଗ କରିବା ପାଇଁ ମନରେ ଭାବିଛନ୍ତି ତେବେ ମୋବାଇଲ ନମ୍ବର ୯୮୫୩୧୪୨୫୧୦ କୁ ଯୋଗାଯୋଗ କରିପାରିବେ ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
