ଛତିଶଗଡ଼ ରାଜ୍ୟର ଦେଭୋଗ ସହର କୁ ଗତ ୩ ଦିନ ତଳେ ପଶି ଆସିଥିବା ଜଙ୍ଗଲି ହାତୀ ଓଡ଼ିଶା ରେ ପହଞ୍ଚିଛି। ନୂଆପଡ଼ା ଜିଲ୍ଲା ସିନାପାଲି ରେଞ୍ଜ କୁସୁମଯୋର ପଞ୍ଚାୟତ ର ହଳଦୀଖୋଲ ଓ ନୂଆପଡ଼ା ପଞ୍ଚାୟତ ର ପିଠାପଡ଼ା ସ୍ଥିତ ଚେରପାଣି ଜଙ୍ଗଲ ଦେଇ ଖଡିଆଳ ବ୍ଲକ କିରକିଟା ପଞ୍ଚାୟତ ର ସମାଡ଼ପଦର ନିକଟରେ ରହିଥିବା ରେଞ୍ଜର ମୁରାରି ପ୍ରସାଦ ପଣ୍ଡା ସୂଚନା ଦେଇଛନ୍ତି। ରାତି ରେ କେଉଁ ଆଡେ ଯିବ ତାହା ସ୍ପଷ୍ଟ ହୋଇ ନାହିଁ ବୋଲି ଜଣାପଡ଼ଛି । ପ୍ରକାଶ ଯୋଗ୍ୟ ଯେ, ଏହି ହାତୀ ଟି ଗତ ୨୦ ତାରିଖ ଦିନ ଛତିଶଗଡ଼ ରାଜ୍ୟର ଦେଭୋଗ ରେ ରହିଥିବା ବେଳେ ଓଡ଼ିଶା ଆସିବାର ପୂର୍ବାନୁମାନ କରି ସିନାପାଲି ବନ ବିଭାଗ ସୀମାରେ କର୍ମଚାରୀ ନିୟୋଜିତ ରହି ହାତୀ ର ଗତିବିଧି ଉପରେ ନଜର ରଖିଥିଲା। ଗତ ଶୁକ୍ରବାର ଦିନ ସୀମା ଠାରୁ ମାତ୍ର ୪ କିଲୋ ମିଟର ଦୂର ଛତିଶଗଡ଼ ର ଧୂପକୋଟ ନିକଟରେ ରହିଥିଲା। ହେଲେ ଶନିବାର ଦିନ ଛତିଶଗଡ଼ ପାର ହୋଇ ଓଡିଶା ରାଜ୍ୟ ରେ ପହଞ୍ଚି ଥିଲା । ରବିବାର ଖଡିଆଳ ବ୍ଲକ ରେ ପହଞ୍ଚିଛି। ସ୍ଥାନୀୟ ଅଞ୍ଚଳ ର ଜନସାଧାରଣ ଙ୍କୁ ସତର୍କ ରହିବାକୁ କୁହାଯାଉଛି। ବନ କର୍ମଚାରୀ ମାନେ ଦିନ ରାତି ସେଠାରେ ରହି ହାତୀ ଟି କିପରି ସୁରକ୍ଷିତ ଚାଲିଯିବ ସେଥିପ୍ରତି ଦୃଷ୍ଟି ଦେଉଛନ୍ତି।
ନୂଆପଡା ରୁ ସୁଜିତ କୁମାର ପ୍ରଧାନ ଙ୍କ ରିପୋର୍ଟ
