କଳାହାଣ୍ଡିରେ ଲାଲବାହିନୀ ପୁଣି ନିଜର ସ୍ଥିତି ଜାହିର କରିଛନ୍ତି । ଭବାନୀପାଟଣା ସଦର ଥାନା ଅନ୍ତର୍ଗତ ଶଗଡ଼ା ପଞ୍ଚାୟତ କାର୍ଯ୍ୟାଳୟ ଓ ମାର୍କେଟ କମପ୍ଲେକ୍ସରେ ମଙ୍ଗଳବାର ସକାଳୁ ମାଓବାଦୀଙ୍କ ପୋଷ୍ଟର ଲାଗିଥିବା ଦେଖିବାକୁ ମିଳିଛି। ସରକାର ଓ ପୋଲିସର ମିଛ ପ୍ରଚାର କୁ ପ୍ରତ୍ୟାଖାନ କରନ୍ତୁ । ସତ୍ୟ ନ୍ୟାୟ ସପକ୍ଷରେ ଏକ ଜୁଟ ହେବାକୁ ଜନ ସାଧାରଣଙ୍କୁ ଆହ୍ଵାନ କରିଛନ୍ତି।ମାଓବାଦୀ ପ୍ରତିଷ୍ଠାତା କମ୍ରେଡ଼ ଚାରୁ ମଜୁମଦାରଙ୍କ ବଳିଦାନକୁ ଆସନ୍ତା ୨୮ ଜୁଲାଇରୁ ଅଗଷ୍ଟ ୩ ଯାଏ ସହିଦ ସପ୍ତାହ ଭାବରେ ପାଳନ କରିବାକୁ ଆହ୍ବାନ ଦିଆଯାଇଛି। ବି ଜି ଏନ ଡିଭିନାଲ କମିଟି ସିପିଆଇ ମାଓବାଦୀପକ୍ଷରୁ ଏହି ପୋଷ୍ଟର ଜାରି କରାଯାଇଛି । ମାଓବାଦୀଙ୍କ ଏହି ପୋଷ୍ଟର ପରେ ସ୍ଥାନୀୟ ଅଞ୍ଚଳରେ ଭୟର ବାତାବରଣ ଦେଖିବାକୁ ମିଳିଛି। ଘଟଣା ସ୍ଥଳରେ ସ୍ଥାନୀୟ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି।ପ୍ରକାଶଥାଉ କି,ଗତ କିଛି ଦିନ ତଳେ କଳାହାଣ୍ଡି ଜିଲା ଏମ୍ ରାମପୁର ଥାନା ଟପରାଙ୍ଗ ଗ୍ରାମରେ ମାଓବାଦୀ ଓ ପୋଲିସ ମଧ୍ୟରେ ଗୁଳିବିନିମୟ ଘଟଣାକୁ ନେଇ ମାଓବାଦୀ ପୋଷ୍ଟର ଲଗାଇଥିଲେ । ମାଓବାଦୀ ଓ ପୋଲିସ ମଧ୍ୟରେ ଗୁଳିବିନିମୟ ୩ ମାଓବାଦୀ ନିହତ ହୋଇଥିଲେ। ଘଟଣାକୁ ଅମାନବୀୟ କହିବା ସହ ପୋଲିସର ବର୍ବରତାକୁ ନିନ୍ଦା କରିଥିଲେ ମାଓ ସଂଗଠନ । ଏହା ସହିତ କ୍ରୁରତା ଲୁଚାଇ ଏନକାଉଣ୍ଟରର ରୂପ ଦେଇ ଖବର ପରିବେଷଣ କରିଥିବା ଗଣମାଧ୍ୟମ ପ୍ରତି ଆଙ୍ଗୁଳି ନିର୍ଦ୍ଦେଶ କରିଥିଲା ଲାଲବାହିନୀ ।
ବିଦ୍ୟାଧର ସାହୁଙ୍କ ରିପୋର୍ଟ…
