ବାଲେଶ୍ଵର,୦୩/୮/୨୩- କବିକବୟିତ୍ରୀ ମାନେ କବିତା ଲେଖୁଛନ୍ତି ସତ କିନ୍ତୁ ଯେପର୍ଯ୍ୟନ୍ତ ନିଜର ଗୋଟିଏ ପୁସ୍ତକ ଉନ୍ମୋଚନ ହୋଇ ନଥାଏ, ସେପର୍ଯ୍ୟନ୍ତ ନିଜ କବିତା ରଚନାର ପରିଶ୍ରମ ସାର୍ଥକ ହୋଇନଥାଏ । ବର୍ଷା ହେଲେ ବେଙ୍ଗ ଯେପରି ମନ ଆନନ୍ଦରେ ରଡି ଛାଡିଥାଏ, ଠିକ୍ ସେହିପରି କବିର କବିତା ବହିଟିଏ ଉନ୍ମୋଚିତ ହେଲେ ତା’ର ମନ ଆନନ୍ଦରେ ନାଚି ଉଠିଥାଏ ଏବଂ 
ନିଜର ସାହିତ୍ୟ ଜୀବନ ସାର୍ଥକ ହେଲା ବୋଲି ଗର୍ବ ଅନୁଭବ କରିଥାଏ । ଏହି ପରିପ୍ରେକ୍ଷୀରେ ନିକଟରେ ଓଡିଆ ଭାଷା ସାହିତ୍ୟ ବିଭାଗ : ବରୁଣେଶ୍ବର ମହାବିଦ୍ୟାଳୟ ଓ ସାରସ୍ୱତ ସାରାଂଶର ମିଳିତ ଆନୁକୂଲ୍ୟରେ ଯାଜପୁର ଜିଲ୍ଲା ମା ବିରଜା ଦେବୀଙ୍କ ପୀଠ ନିକଟବର୍ତ୍ତୀ ବରୁଣେଶ୍ବର ମହାବିଦ୍ୟାଳୟ ପରିସରରେ ଅନୁଷ୍ଠିତ ସଭେ ମଞ୍ଚାସୀନ ଅତିଥି ମାନଙ୍କ କରକମଳରେ ମୋ ଅନୁଷ୍ଠାନର ଆଜୀବନ ସଦସ୍ୟା ତଥା ସମୀକ୍ଷିକା ସରସ୍ୱତୀ ପଣ୍ଡାଙ୍କ ପୁସ୍ତକ ” ନୀଳନିମନ୍ତ୍ରଣ ” ଉନ୍ମୋଚିତ ହୋଇଯାଇଛି । ଉକ୍ତ ସମାରୋହରେ ବିଭିନ୍ନ କବି କବୟିତ୍ରୀ ମାନେ କବିତା ପାଠ କରିଥିଲେ । ଉକ୍ତ ବର୍ଣ୍ଣାଢ୍ଯ ପରିବେଶରେ ମଞ୍ଚାସୀନ ଥିବା ଅତିଥି ମାନେ ପୁସ୍ତକଟି ଉନ୍ମୋଚନ କରି ନିଜକୁ ଧନ୍ୟ ମନେ କରିବା ସଙ୍ଗେ ସଙ୍ଗେ ପ୍ରତ୍ୟେକଟି କବିତା, ରୋମାଣ୍ଟିକ ଭାବାବେଗ ସହିତ ହୃଦୟସ୍ପର୍ଶୀ ବୋଲି ପୁସ୍ତକଟିକୁ ପଢି କହିଥିଲେ । ଏତେଦିନ ପରେ ଶ୍ରୀମତୀ ପଣ୍ଡାଙ୍କ କବିତା ସଙ୍କଳନ ପ୍ରକାଶ ପାଇଥିବାରୁ ସମସ୍ତ କବି ମହଲରେ ଉତ୍ସାହ ଖେଳି ଯାଇଥିବାରୁ ଶ୍ରୀମତୀ ପଣ୍ଡା ସମସ୍ତଙ୍କୁ ଅଭିନନ୍ଦନ ଓ ଶୁଭେଚ୍ଛା ଜ୍ଞାପନ ଜଣାଇଛନ୍ତି ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
