ଡାବୁଗାଁ, ୮/୮ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ଥାନା ପକ୍ଷରୁ ସୋମବାର ରାତ୍ରିରେ ଗାଡି ମୋଟର ଯାଞ୍ଚ କରାଯାଇଥିଲା | ଏଥିରେ ପୋଲିସର ଲକ୍ଷ୍ୟ ଥିଲା ମଦ୍ୟପାନ କରି ଗାଡି ଚଳାଉ ଥିବା ଗାଡିଗୁଡିକ ଯାଞ୍ଚ କରାଯାଇଥିଲା | ଏଥିରେ ଯାଞ୍ଚ କରିବା ପରେ ଗୋଟିଏ ଗାଡି ଧରାପଡିଥିଲା | ଏହି ଗାଡି ର ଡ୍ରାଇଭର ମଦ୍ୟପାନ କରି ଗାଡି ଚଳଉଥିଲା | ଉକ୍ତ ଡ୍ରାଇଭର ହେଲା କୋଷାଗୁମୁଡା ଥାନା ଅଧୀନ ଘଡାଧନୁଆ ଗ୍ରାମର ବସନ୍ତ ପନକା (୨୧) ଙ୍କୁ ଗିରଫ କରଯାଇଥିଲା | ମଙ୍ଗଳବାର ଡ୍ରାଇଭର ବସନ୍ତ ପନକାକୁ ଡାକ୍ତରୀ ମାଇନା କରାଯାଇ କୋର୍ଟ ଚାଲାଣ କରାଯାଇଛି | ଏନେଇ ଥାନା କେସ ନଂ ୧୫୦/୨୩ ରେ ଏକ ମାମଲା ରୁଜୁ କରାଯାଇଛି | ଏହି ଯାଞ୍ଚ ସମୟରେ ଥାନା ଏଏସଆଇ ଶିଶିରକାନ୍ତ ଘୋଷ, ବିଜୟ କୁମାର ସାହୁ, ପୁଷ୍ପଲତା ସୁନାନୀ ଓ ପୋଲିସ କର୍ମଚାରୀ ମାନେ ସାମିଲ ଥିଲେ |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
