ପାପଡାହାଣ୍ଡି,12/08, —ନବରଙ୍ଗପୁର ଜିଲ୍ଲା ପାପଡାହାଣ୍ଡି ହରିଜନ ସାହି ପ୍ରାଥମିକ ବିଦ୍ୟାଳୟ ଠାରେ ଶନିବାର ଶିକ୍ଷକ ଓ ଅଭିଭାବକ ବୈଠକରେ ହଟ ଗଳ ଦେଖାଦେଇଥିଲା | ବିଦ୍ୟାଳୟର ସମସ୍ୟା ନେଇ ଅଭିଭାବକ ମାନେ ବିଗିଡ଼ିଥିଲେ | ଏହି ବୈଠକ ରେ ବିଦ୍ୟାଳୟ ସଭାପତି ସାବିତ୍ରୀ ସୋରାପୁଟଙ୍କ ସଭାପତିତ୍ୱରେ ୱାର୍ଡ ସଭ୍ୟ ଗଙ୍ଗାଧର ନାୟକ, ପ୍ରଧାନ ଶିକ୍ଷୟତ୍ରୀ ସୁନିତା ପରିଡା ପ୍ରମୁଖ ମଞ୍ଚାସିନ ରହିଥିଲେ | ଏହି ବିଦ୍ୟାଳୟ ରେ ପ୍ରଥମ ରୁ ପଞ୍ଚମ ଶ୍ରେଣୀ ପର୍ଯ୍ୟନ୍ତ 63 ଜଣ ଛାତ୍ରୀଛାତ୍ର ପାଠ ପଢନ୍ତି | ଜଣେ ହିଁ ଶିକ୍ଷୟତ୍ରୀ ସୁନିତା ପରିଡା ଦାୟିତ୍ୱ ରେ ଅଛନ୍ତି | ପିଲାଙ୍କ ଭବିଷ୍ୟତ କଣ ହେବ ଏନେଇ ଅଭିଭାବକ ବିଗିଡ଼ିଥିଲେ | ବିଦ୍ୟାଳୟ ଶ୍ରେଣୀ ଗୃହ ବର୍ଷା ହେଲେ ପାଣି ଗଲୁଛି | ବିଦ୍ୟାଳୟ ରେ ବିଦ୍ୟୁତ ନାହିଁ | ଲୋକ ବିଦ୍ୟାଳୟ ପରିସର ରେ ଆବର୍ଜନ ପକାଉଛନ୍ତି | ପରିବେଶ ବାତ୍ତାବାରଣ ଖରାପ ରହିଛି ବୋଲି ଅଭିଭାବକ ବିଗିଡିଥିଲେ | ଏନେଇ ପ୍ରଧାନ ଶିକ୍ଷୟତ୍ରୀ ସିଆରସୀ ମନୋଜ କୁମାର ମାଝୀ କୁ ଜଣେଇଥିଲେ | ଉକ୍ତ ବୈଠକ ରେ ଏବିଇଓ ପୂର୍ଣ୍ଣଚନ୍ଦ୍ର ପୂଜାରୀ, ଏବିଇଓ ସୁଦର୍ଶନ ନାୟକ ଓ ସିଆରସି ମନୋଜ କୁମାର ମାଝୀ ପହଁଚି ଅଭିଭାବକ ସମସ୍ୟା ବିଷୟରେ ବୁଝିଥିଲେ | ବିଦ୍ୟାଳୟ ସମସ୍ୟା ନେଇ ପ୍ରଧାନ ଶିକ୍ଷୟତ୍ରୀ ଜଣେଇଥିଲେ | ଏନେଇ ଏବିଇଓ ସୁଦର୍ଶନ ନାୟକ ଅଳ୍ପ ଦିନ ମଧ୍ୟରେ ଆଉ ଜଣେ ଶିକ୍ଷକ ଏହି ବିଦ୍ୟାଳୟ ରେ ଯୋଗ ଦେବେ, ଆମେ ପୂର୍ବ ରୁ ହିଁ ଡିଇଓ କୁ ଲିଖିତ ଜଣେଇଛୁ ବୋଲି କହିଥିଲେ | ବିଦ୍ୟାଳୟ ର ଅନ୍ୟ ସମସ୍ୟା ବିଦ୍ୟୁତ, ପାଚେରୀ, ବିଦ୍ୟାଳୟ ମରାମତି ସମସ୍ୟା ସ୍ଥାନୀୟ ବ୍ଲକ ଅଧକ୍ଷା, ବିଡ଼ିଓ,ସରପଞ୍ଚ କୁ ରେଜୁଲେସନ କରି ଦିୟନ୍ତୁ ଏହାର ସମସ୍ୟା ର ସମାଧାନ ହୋଇଯିବ ବୋଲି କହିଥିଲେ | ମୋ ସ୍କୁଲ ଅଭିଯାନ ରେ ଅଭିଭାବକ ଯେତେ ଟଙ୍କା ଜମା କଲେ ସରକାର ତାହାର ଦୁଇ ଗୁଣ ଟଙ୍କା ଦେବେ ସେହି ଟଙ୍କାରେ ବିଦ୍ୟାଳୟ ପରିବେଶ ସଫା କରିବା ସହ ଅନ୍ୟାନ୍ୟ କାମ ହୋଇପାରିବ ବୋଲି କହିଥିଲେ |
ପାପଡାହାଣ୍ଡି ରୁ ସ୍ବପ୍ନ ଜୀତ ପଟ୍ଟନାୟକ ଙ୍କ ରିପୋର୍ଟ୍
