ଜୀବନ ସଂଗ୍ରାମରେ ହାରିଗଲେ ରମାକାନ୍ତ
ବାଲେଶ୍ଵର,୨୭/୯/୨୩- ଗତ ତା ୨୪/୯/୨୩ ରିଖ ରବିବାର ରାସ୍ତା ଦୁର୍ଘଟଣାରେ ଗୁରୁତର ରମାକାନ୍ତ ଦାସ (୫୨) ଦୀର୍ଘ ୪ ଦିନଧରି ମେଡିକାଲରେ ମୃତ୍ୟୁ ସହିତ ସଂଗ୍ରାମ କରୁଥିଲେ । ଆଜି ତା ୨୭/୯/୨୩ ରିଖ ବୁଧବାର ତାଙ୍କର ମୃତ୍ୟୁ ଘଟିଛି । ପ୍ରକାଶ ଥାଉକି ଗତ ରଵିଵାର ରମାକାନ୍ତ ବାଇକ ଯୋଗେ ଖଇରା ଵଜାରରୁ ଘରକୁ ଫେରୁଥିଲେ ।କୋଚିଆକୋଇଲି ପୋଲ ଉପରେ ବାଇକ ସହିତ ଡ଼ମ୍ପର ଧକ୍କା ଯୋଗୁଁ ସେ ଗୁରୁତର ହୋଇପଡ଼ିଥିଲେ । ତାଙ୍କୁ 
ପ୍ରଥମେ ଖଇରା ଏବଂ ପରେ ଭଦ୍ରକ ମେଡ଼ିକାଲକୁ ଚିକିତ୍ସା ପାଇଁ ପରିବାର ଲୋକେ ନେଇଥିଲେ । ଅବସ୍ଥା ଗୁରୁତର ଦୃଏ ସେଠାରୁ ପୁଣି କଟକ ମେଡ଼ିକାଲ ନେଇଥିଲେ । ମସ୍ତିଷ୍କ ମୃତ ଅବସ୍ଥାରେ ୪ଦିନ ରହିବା ପରେ ଆଜି ଡ଼ାକ୍ତର ତାଙ୍କୁ ମୃତ ଘୋଷଣା କରିଥିଲେ । ମୃତ ରମାକାନ୍ତ ଵିଭିନ୍ନ ଯାତ୍ରୀବାହୀ ବସରେ ସହାୟକ ଭାବେ କାର୍ଯ୍ୟ କରୁଥିଲେ । ବାଲେଶ୍ଵର ଜିଲ୍ଲା ଖଇରା ଥାନା ଅର୍ଜୁନପୁର ଗ୍ରାମର ରଘୁନାଥ ଦାସଙ୍କ ବଡପୁଅ ହୋଇଥିଲା ଵେଳେ ସ୍ତ୍ରୀ ସମେତ ୩ଝିଅ ,୧ମାତ୍ର ପୁଅ ଅଛନ୍ତି । ତାଙ୍କର ମୃତ୍ୟୁରେ ବିଭିନ୍ନ ମହଲରେ ଶୋକର ଛାୟା ଖେଳିଯାଇଛି । ଖଇରା ପୋଲିସ ଡମ୍ପର ସହିତ ବାଇକ ଜଵଦ କରିଛି ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
