ଭୁବନ ଯୁବ ଯାଦବ ସମାଜର ଯୁବ ପ୍ରତିଭା ସମ୍ମାନିତ
କାମାକ୍ଷାନଗର (ମନିସ )10/12/23 // ବୃତ୍ତିରେ ଜଣେ ଶିକ୍ଷକ ହେଲେ ତାଙ୍କ ପାଖରେ ଆଉ ଦୁଇଟି ପ୍ରତିଭା ରହିଛି ଯାହା ତାଙ୍କୁ ପୁର ପଲ୍ଲୀରେ ବେଶ୍ ପରିଚିତ କରାଇଛି । ଶିକ୍ଷକତା ସହିତ ପ୍ରତିଭା ପ୍ରଦର୍ଶନ କରି ଜିଲ୍ଲା ସ୍ତରୀୟ ନାଁ କମେଇଥିବା ଏହି ଯୁବ ପ୍ରତିଭା ଜଣଙ୍କ ହେଉଛନ୍ତି ଶ୍ରୀ ବସନ୍ତ କୁମାର ଦାସ (ବାବୁ) । ଢ଼େଙ୍କାନାଳ ଜିଲ୍ଲା ଭୁବନ ଅରାସାହୀର ଶ୍ରୀ ଦାସ ନିଜ ପ୍ରତିଭା ଦ୍ବାରା ଭୁବନ ସହିତ ଆଖପାଖ ଜିଲ୍ଲାର ଅନେକ ଅଞ୍ଚଳରେ ନିଜକୁ ସୁପରିଚିତ କରିପାରିଛନ୍ତି । ଭୁବନର ଯେକୋୖଣସି ମନୋରଞ୍ଜନ କାର୍ଯ୍ୟକ୍ରମରେ ତାଙ୍କୁ ଉପସ୍ଥାପକ ଭାବେ ଦେଖିବାକୁ ମିଳିଥାଏ । ନିକଟରେ ବୁଦ୍ଧେଶ୍ବର ମହୋତ୍ସବ ଏବଂ ବର୍ତ୍ତମାନ ଭୁବନ ଉଚ୍ଚ ବିଦ୍ୟାଳୟର ୭୫ ତମ ସ୍ଵନକ୍ଷତ୍ର ଉତ୍ସବରେ ମଧ୍ୟ ସେ ଉପସ୍ଥାପକ ଭାବେ ନଜର ଆସୁଛନ୍ତି । ସେ ନିଜ ଗଳାରେ ଅଭିନେତା ଓ ଚର୍ଚ୍ଚିତ ନଟିଆ କମେଡି ଚରିତ୍ର ପାଇଁ ମଧ୍ୟ କଣ୍ଠ ଅନୁକରଣ କରିବାରେ ଲୋକପ୍ରିୟତା ହାସଲ କରିଛନ୍ତି । ଲେଖିବାରେ ବ୍ୟବହୃତ ଚକ୍ ଖଡ଼ିରେ ଅତି ନିଖୁଣ ଭାବେ ମୂର୍ତ୍ତି ମଧ୍ୟ ନିର୍ମାଣ କରିବା ନେଇ ପୁରସ୍କୃତ ହୋଇଛନ୍ତି । ଶିକ୍ଷକତା ସହିତ ପ୍ରତିଭା ପ୍ରଦର୍ଶନ ଦ୍ବାରା ନିଜକୁ ବିକଶିତ କରି ସମାଜର ନାମକୁ ବିକଶିତ କରିଥିବାରୁ ତାଙ୍କୁ ଆଜି ସମ୍ମାନିତ କରାଯାଇଛି । ଭୁବନ ଯୁବ ଯାଦବ ସମାଜ ପକ୍ଷରୁ ଭୁବନ ଅରାସାହୀ ଗୋପାଳ କୋଠଘରେ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ସମ୍ମାନୀତ ଶ୍ରୀ ଦାସ ଏଥିପାଇଁ ନିଜକୁ ଧନ୍ୟ ମନେ କରୁଛନ୍ତି ବୋଲି କହିବା ସହିତ ନିଜ ସମାଜରେ ଅନେକ ପ୍ରତିଭାଙ୍କ ବିକାଶ ପାଇଁ ପ୍ରୟାସ କରୁଥିବା କହିଛନ୍ତି । ସମାଜର ଶ୍ରୀ ସନାତନ ଦାସ (ଉପ-ସଭାପତି) , ଶ୍ରୀ ବିଳାସ ସାମଲ (ସମ୍ପାଦକ) , ଶ୍ରୀ ବଟକୃଷ୍ଣ ପୃଷ୍ଟି (ଉପଦେଷ୍ଟା) , ଶ୍ରୀ ବସନ୍ତ ଦାସ (ବରିଷ୍ଠ) , ଶ୍ରୀ ଲକ୍ଷ୍ମଣ ନାୟକ , ଶ୍ରୀ ବିଶ୍ଵନାଥ ଦାସ , ଶ୍ରୀ ରଞ୍ଜନ ମହାକୁଡ ଓ ପ୍ରକାଶ ଦାସ ପ୍ରମୁଖ ଉପସ୍ଥିତ ଥିଲେ । ଏହିଭଳି ପ୍ରତିଭା ଆମ ସମାଜ ପାଇଁ ଗର୍ବ ତେଣୁ ଏମାନଙ୍କ ମନୋବଳ ବଢ଼ାଇବା ପାଇଁ ଆଜିର ଏ କାର୍ଯ୍ୟକ୍ରମ ବେଶ୍ ପ୍ରଶଂସନୀୟ ବୋଲି ଉପସଭାପତି ଶ୍ରୀ ଦାସ କହିଥିଲେ । ଆଗକୁ ଭୁବନ ଯୁବ ଯାଦବ ସମାଜ ଏହିଭଳି ପ୍ରଶଂସନୀୟ କାର୍ଯ୍ୟ ଜାରି ରଖିବ ବୋଲି ସମ୍ପାଦକ ଶ୍ରୀ ସାମଲ କହିଥିଲେ ।
ପ୍ରହ୍ଲାଦ ମୁଦୁଲିଙ୍କ ରିପୋର୍ଟ
