ଭାବ ଭକ୍ତି 

 

ସୁଜାତା ରାଣୀ ଶତପଥୀ

 

ଭାବ ଭକ୍ତି ବନ୍ଧା ପଡିଛି କାଳିଆ

      ଶରୀର ଠାରୁ ଦୂରେଇ

ମୋ ମନକୁ ତୁହି ନ ବୁଝିବୁ ତେବେ

        ଫେରିବ ମନ ଶୁଖାଇ l

 

 ମନକୁ ଚିହ୍ନିବେ ଧନ ଥିଲେ ପାଖେ

       ନ ଥିଲେ ଜ୍ଞାନୀ ଅଜ୍ଞାନ

ମାନବିକତାର ଅଭାବ ହୋଇଲେ

      ବିବେକ ହୁଅଇ ଶୂନ୍ୟ l

 

ପ୍ରଭୁ ନାମ ମନ ସପୂର୍ଣ୍ଣତା ହେଲେ

    ନାହିଁ ଧନ ଆବଶ୍ୟକ

ବେଳେ ପୂର୍ଣ୍ଣତାରେ ଶୂନ୍ୟ ନ ଲାଗିବ 

     ଅଭାବେ ଦୁଃଖ ଅଧିକ l

 

 ଧନ କିଣିନେଲେ ଧର୍ମ ପଥ କେବେ

       ନ ରହିପାରେ ସଞ୍ଚିତ

ଅଧର୍ମ ଗ୍ରାହକ କିଣି ନ ପାରିବ

        ବ୍ୟୟିତେ ମୂଲ୍ୟ ସୂଚିତ l

 

ଭକ୍ତ ଭଗବାନ ଭାବର ବନ୍ଧନେ

      ଭକ୍ତି ହୋଇବ ବନ୍ଧକ

ଧନୀକ ବ୍ୟକ୍ତିତ୍ୱ କିଏ ଭାଙ୍ଗି ନେବ

     ତୁଟାଇ ସେହି ସମ୍ପର୍କ l

 

ପୁଣ୍ୟାତ୍ମାକୁ ପାପ କେବେ ନ ଛୁଇଁବ

     ଜାଣିଛି ବୋଲି ଧର୍ମlତ୍ମା

ଅବେଳରେ ପାପ ଲାଗିବ ସ୍ପର୍ଶରେ

        ଦେହୁ ଦୂରେଇବ ଆତ୍ମା l

 

ଭବିଷ୍ୟକୁ ରଖି ଦୃଷ୍ଟି ଅଗୋଚରେ

     ନ କରି ପାପ ବଳିଷ୍ଠ

ଧନ ଅହଂକାର ପାଶୁ ଛାଡି ଯାଇ

        ଦୁର୍ବଳତା ଦେବ କଷ୍ଟ l

 

ହେ ପ୍ରଭୁ ଆଶିଷ କରୁଥିବ ମୋତେ

       ଧର୍ମ ପଥ ଦେଇ ମୋତେ

ସତ କର୍ମ ଚିନ୍ତନ ଜ୍ଞାନ ମନ୍ଥନରେ

       ମିଳିବ ନାମ ବହୁତେ l

 

ଶିକ୍ଷୟିତ୍ରୀ

ଦିଗପହଣ୍ଡି

ଗଞ୍ଜାମ