ମନ୍ତ୍ରୀଙ୍କ ଦ୍ବାରା ସମ୍ବର୍ଦ୍ଧିତ
ଭାରତର ନିଷ୍ଟାଇକର ଭାବରେ ସୁପରିଚିତ ସଚିନ ବେହେରା ପାଞ୍ଚ କେଜି ଏଙ୍କେଲ ୱେଟ ବାନ୍ଧି ତିନି ମିନିଟ ଆଣ୍ଠୁ ପ୍ରଘାତ ବା ନିଷ୍ଟାଇକ କରି ପୂର୍ବରୁ ପାକିସ୍ତାନ ର ମୁଷ୍ଟି ଯୋଦ୍ଧା ମହମ୍ମଦ ରସିଦଙ୍କ ନାମରେ ଥିବା ୧୭୮ ନିଷ୍ଟାଇକ ଭାଙ୍ଗି ୨୦୪ଆଣ୍ଠୁ ପ୍ରଘାତ କରି ନୂତନ ଗିନିଜ ବୁକ୍ ରେକର୍ଡ ସ୍ଥାପନ କରିଛନ୍ତି । ତାଙ୍କର ଏହି କୃତିତ୍ବ ପାଇଁ ଜିଲ୍ଲା ତଥା ସାରା ଓଡ଼ିଶାର କୋଣ ଅନୁକୋଣରୁ ସଚିନଙ୍କ ପାଖକୁ ପ୍ରଶଂସା ଓ ଶୁଭେଚ୍ଛାର ସୁଅ ଛୁଟିଥିଲା l ମନ୍ତ୍ରୀ ହସ୍ତତନ୍ତ ଓ ବୟନ ଶିଳ୍ପ, ଓଡିଶା, ସରକାର ରୀତା ସାହୁ ଗଣତନ୍ତ୍ର ଦିବସ ଉପଲକ୍ଷେ ସଚିନ ବେହେରାଙ୍କୁ ସମ୍ବଦ୍ଧିତ କରିଛନ୍ତି ।
ମନ୍ତ୍ରୀ ହସ୍ତତନ୍ତ ଓ ବୟନ ଶିଳ୍ପ, ଓଡିଶା, ସରକାର ଶ୍ରୀମତୀ ରୀତା ସାହୁ ଗଣତନ୍ତ୍ର ଦିବସରେ ସଚିନଙ୍କୁ ଶୁଭେଚ୍ଛା ଜଣାଇବା ସହିତ ସମ୍ବର୍ଦ୍ଧିତ କରିଛନ୍ତି। ଏହି ଅବସରରେ ମନ୍ତ୍ରୀ କହିଥିଲେ ଯେ କ୍ରୀଡା କ୍ଷେତ୍ରରେ ସଚିନ ଯେଭଳି ଜିଲ୍ଲା ଓ ରାଜ୍ୟ ତଥା ଦେଶ ପାଇଁ ସୁନାମ ଆଣିଛନ୍ତି , ଆଜିର ୟୁବ୍ ଖେଳାଳିମାନେ ସଚିନଙ୍କ ପରି ନିଷ୍ଠା ଓ ପରିଶ୍ରମ କରିପାରିଲେ, ସଚିନଙ୍କ ଭଳି ଅନେକ ପ୍ରତିଭା ଓଡ଼ିଶା ପାଇଁ ଗୌରବ ଆଣିପାରିବେ l ମନ୍ତ୍ରୀ ଠାରୁ ସମ୍ବଦ୍ଧିତ ହେବାପରେ ସଚିନ ଭବିଷ୍ୟତରେ ଆହୁରି ଅନେକେ ବିଶ୍ୱ ରେକର୍ଡ କରିବେ ବୋଲି ଆଶାବ୍ୟକ୍ତ କରିଛନ୍ତି । ନୂଆପଡ଼ା ଜିଲ୍ଲାର ବୋଡ଼େନ ବ୍ଲକ ଲରକା ଗ୍ରାମ ପିତା ଲକ୍ଷ୍ମୀ ପ୍ରସାଦ ବେହେରା ଏବଂ ମାତା ଆରତୀ ବେହେରା ଙ୍କ ପୁତ୍ର ସଚିନ ବେହେରା l
ନୂଆପଡ଼ା ରୁ ସୁଜିତ କୁମାର ପ୍ରଧାନ ଙ୍କ ରିପୋର୍ଟ
