ଧନ୍ୟରେ ମାନବ ଜାତି
ଧନ୍ୟରେ ମାନବ ଜାତି
ଧନ୍ୟ ତୁମ ସ୍ୱାର୍ଥ ନୀତି
ଧନ୍ୟ ଧନ୍ୟ ଅଟ ତୁମେ
ଧନ୍ୟ ତୁମ ପ୍ରିୟାପ୍ରୀତି ।
ଜୀବଗଣେ ତୁମେ ଶ୍ରେଷ୍ଠ
ବୁଦ୍ଧି ଗୁଣରେ ଗରିଷ୍ଠ
ବିଶ୍ୱ ବ୍ରହ୍ମାଣ୍ଡରେ ଆଜି
ହୁଅ ରେ କିମ୍ପା ନିକୃଷ୍ଠ ।
ଜଗତ କଲ୍ୟାଣ ପାଇଁ
ଜନ୍ମ ତୁମ ଅଟେ ଭାଇ
ଦୁର୍ଲଭ ଜୀବନ ପାଇ
ହୁଅ କିମ୍ପା ଧଇଁ ସଇଁ ।
ଜନ୍ମରୁ ମରଣ ଯାଏ
ସୃଷ୍ଟି ତୁମ ସାଥେ ରହେ
ସୁନ୍ଦର ବିଶ୍ୱକୁ ଦେଖ
ପ୍ରକୃତି ବି କଥା କହେ ।
ସୂର୍ଯ୍ୟ ଚନ୍ଦ୍ର ତାରାଗଣ
ନ କରନ୍ତି କେବେ ରଣ
ନିଜ ନିଜ କାର୍ଯ୍ୟ ପାଇଁ
ଜଗତେ ଉଦାହରଣ ।
ଈଶ୍ୱରଙ୍କ ସୃଷ୍ଟି ଦେଖ
ପ୍ରକୃତିରୁ କିଛି ଶିଖ
ପରୋପକାରୀ ର ଗୁଣ
ଜୀବନର ଶ୍ରେଷ୍ଠ ସୁଖ ।
ଲକ୍ଷହୀନ ହୁଅ ନାହିଁ
ପଥ ଭ୍ରଷ୍ଟ ହେବ ଭାଇ
ଜଗତ ମାୟାର ଘର
ତା’ପଛରେ ନ ହୁଅ ବାଇ ।
ସତ୍ୟ ଧର୍ମ ନ୍ୟାୟବନ୍ତ
ନ ହୁଅନ୍ତି ହନ୍ତସନ୍ତ
ସତ୍ୟରେ ଚାଲଇ ଯିଏ
ଜଗତେ ସେ ବଳବନ୍ତ ।
ନିଃସ୍ୱାର୍ଥ ରୂପକ ଧନ
ଜୀବନରେ କର ଯତ୍ନ
ପରୋପକାରୀର ଗୁଣ
ଜୀବନର ଶ୍ରେଷ୍ଟ ରତ୍ନ ।
ଅଭୁଲା ନ ଯାଅ ଭୁଲି
ଅଟେ ମୋର ନିବେଦନ
ମାୟାର ଜଗତେ ବୁଲି
ନ ଭୁଲ ଜୀବନ ଧନ ।
ବିଭୁନାମ ତୁଣ୍ଡେ ଗାଇ
ସତ୍ୟ ପଥେ ଚାଲ ଭାଇ
କଣ୍ଟକ ନ ଥିବ ପଥେ
ଲୋଭରେ ନ ହେବୁ ବାଇ ।
ଜୟ ଶ୍ରୀଜଗନ୍ନାଥ…….
ରଞ୍ଜନ କୁମାର ପଣ୍ଡା
କୋରାପୁଟ
