ଜୟ ହନୁମାନ
ଚନ୍ଦ୍ରକଳା ଦେଵୀ,ବନ୍ଧୁଗାଁ,କୋରାପୁଟ
ଜୟ ଜୟ ହନୁମାନ ଶ୍ରୀରାମଙ୍କ ଦୂତ
ତଵ ପଦ ଯୁଗଳରେ କରେ ପ୍ରଣିପାତ |
ଦିବାକର ଶିଷ୍ୟ ତୁମେ ମହାନ ପଣ୍ଡିତ
ଆରକ୍ତ ନୟନ ସଦା ସିନ୍ଦୁରେ ଶୋଭିତ |
ପିତାତୁମ ପ୍ରଭଞ୍ଜନ ଅଞ୍ଜନାଯେ ମାତା
ସୁବିଶାଳ ଉରୁ ଭୂଜ ଶତ୍ରୁ ବିମର୍ଦ୍ଦିତ |
ଯାହାଙ୍କ ହୁଙ୍କାର ନାଦେ କମ୍ପଇ ମେଦିନୀ
ହୃଦୟ ମନରେ ସଦା ଜାଗେ ରାମବାଣୀ |
ଶ୍ରୀରାମ ସହିତ ସୁଗ୍ରୀବ ଙ୍କର କିଙ୍କର
ପରଂଯୋଗୀ ଜିତେନ୍ଦ୍ରିୟ ସର୍ବ ମନୋହର |
ସାତ ସମୁଦର ଲଙ୍ଘି ଜାନକୀ ସନ୍ଧାନ
ଗନ୍ଧମ|ର୍ଦ୍ଦନ ଯେ ଆଣି ଲଷ୍ମ6ଣ ଜୀବନ |
ମହାସତୀ ଚିତ୍ତତୋଷି ଲଙ୍କାରେ ପ୍ରବେଶ
ନିମିଷେକ ସ୍ବର୍ଣ୍ଣ ମୟ ଲଙ୍କା କଲ ଧ୍ବଂସ |
ବାଳକାଳେ ଉଦିତ ସୂର୍ଯ୍ୟଙ୍କୁ ପ୍ରଭୁ ତୁମେ
ଫଳ ବୋଲି ଭାବିକରି ଆହାରିଲ ଭବେ |
ନନ୍ଦିଘୋଷ ରଥେ ତୁମେ ସାରଥୀ ସାଜିଣ
ଭକ୍ତ ଶିରୋମଣି ରକ୍ଷସ କୂଳ ନିଧନ |
କଳ୍ପତରୁ ମୂଳବାସୀ କଳପ ପୁରୁଷ
ପାନକର ଭକ୍ତିଭରେ ପ୍ରେମେ ରାମରସ |
ଦ୍ୱାପରରେ ଥିଲ ତୁମେ ପଣ୍ଡୁ ମଧ୍ୟସୂତ
ଅଣଚାଶ ରୂପ ଦେଖି ସର୍ବେ ସ୍ତମ୍ଭିଭୂତ |
ଚାରି ଯୁଗେ ରହିଅଛ ଅମର ହୋଇଣ
ତଵ ପୂଜାକରି ଧନ୍ୟ ହେଉ ମୋଜୀବନ |
**************************
