ରଙ୍ଗ ଭରା ଫଗୁଣ
ଫୁଲ ଫରୁଆରେ ଫଗୁଣ ଆଣିଛି
ଅବିରର ବର୍ଣ୍ଣବିଭା
ପେନ୍ଥପେନ୍ଥା ଫୁଲ ଫୁଟାଏ ପ୍ରକୃତି
ରୂପକାନ୍ତି ମନଲୋଭା ।
ଅଧର ଉକୁଟେ ରକ୍ତ କରବୀରେ
ହସଭରେ କୃଷ୍ଣଚୁଡା
ପଦୁଅ ପଳାଶେ ଫୁଲର ସ୍ତବକ
ରଜନୀଗନ୍ଧାର ଜୁଡ଼ା ।
ଆମ୍ର କାନନର ପତ୍ର କୁଞ୍ଜରେ
ବନପିକ ସୁର ତୋଳେ
ନିଇତି ନିଇତି ସକାଳ ସଂଜେ
ମହୁଆ ମାଦକ ବୋଳେ ।
ଗୋଧୂଳି ରଂଗରେ ଚକ୍ରବାଳେ ସୂର୍ଯ୍ୟ
ବାରୁଣୀ ତରୁଣୀ ବିନ୍ଦି
ଫଗୁ ଦଶମୀରେ ପରମାନନ୍ଦଙ୍କ
ଭକ୍ତ ଦର୍ଶନରେ ବନ୍ଦୀ ।
ଚାଚେରୀ ବେଶରେ ଚତୁର୍ଦ୍ଧା ମୂରତୀ
ସିଂହାସନେ ଥାନ୍ତି ବସି
ହସି ଉଠୁଥାନ୍ତି ଯୁଗଳ ମୂରତୀ
ଫୁଲ ପଡ଼ୁଥାଏ ଖସି ।
କାଙ୍ଗାଳୀଚରଣ ସେଠୀ
ଯାଜପୁର
