ଚୋର ନେଇଗଲା ସୁନା ଓ ଟଙ୍କା, ଅଭିଯୋଗ ପରେ ତଦନ୍ତ ଆରମ୍ଭ
ଖଇରା,୦୫/୫/୨୪-ଵାଲେଶ୍ବର ଜିଲ୍ଲା ଖଇରା ବ୍ଲକ ସିମୁଳିଆ ଥାନା ଅଧିନ ଜଳଙ୍ଗ ଗଣ୍ଡିବେଡ ଗାଁରେ ତା ୦୪/୫/୨୪ ରିଖ ଶନିବାର ରାତ୍ରିରେ ଘଟିଛି ଏକ ଘଟଣା । ନଗଦ ଟଙ୍କା ଓ ସୁନା ହୋଇଛି ଚୋରି । ଅଭିଯୋଗ ହୋଇଛି ଥାନାରେ । ଖବର ସଂଗ୍ରହରୁ ଜଣାଯାଇଛି ଗାଁରେ ହରିହାଟ ଯାତ୍ରା ହେଉଥିଲା । ଘରେ ଚାବି ଦେଇ ମାୟାଧରଙ୍କ ପରିବାର ଯାତ୍ରା ଦେଖିବାକୁ ଯାଇଥିଲେ । ଏହାର ସୁଯୋଗ ନେଇ ରାତ୍ରି ପ୍ରାୟ ୧ ଘଟିକାରୁ ୨.୩୦ ଘଟିକା ମଧ୍ୟରେ ଚୋର ମାନେ କବାଟ ଭାଙ୍ଗି ଘର ଭିତରକୁ ପଶିଥିଲେ । ସବୁଆଡେ ଖୋଜାଖୋଜି ପରେ ଗଡ୍ରେଜ ପାଇଥିଲେ । କୌଣସି ପ୍ରକାରେ ଗଡ୍ରେଜଟିକୁ ଭାଙ୍ଗିଥିଲେ । ସେଥିରେ ଥିବା ୫ ଭରିରୁ ଉର୍ଦ୍ଧ୍ବ ସୁନା ଓ ନଗଦ ୧୦ ହଜାର ଟଙ୍କା ନେଇ ଯାଇଥିବା ମାୟାଧର ଶଙ୍ଖୁଆ ତା ୦୫/୫/୨୦୨୪ ରିଖ ରବିବାର ସିମୁଳିଆ ଥାନାରେ ଅଭିଯୋଗ କରିଛନ୍ତି । ଅଭିଯୋଗ ପାଇ ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ଦେଖାଯାଉ ଚୋରି ସାମଗ୍ରୀ ମିଳୁଛି କି ନାହିଁ ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
