ରାଉରକେଲା ଅବସର ପ୍ରାପ୍ତ ପୋଲିସ ଅଫିସର୍ସ କଲ୍ୟାଣ ଆସୋସିଏସନ ତରଫରୁ ଗତବର୍ଷ କରୋନା କାଳରେ ପ୍ରାଣ ହରାଇଥିବା ଏସପି ଶ୍ରୀ ପ୍ରସନ୍ନ କୁମାର ମହାନ୍ତି, IPS ଙ୍କୁ ତାଙ୍କର ପ୍ରଥମ ଶ୍ରାଦ୍ଧ ବାର୍ଷିକୀରେ ଭାବପୂର୍ଣ୍ଣ ଶ୍ରଦ୍ଧାଞ୍ଜଳି ଅର୍ପଣ କରାଯାଇଥିଲା l 
ତାଙ୍କର କାର୍ଯ୍ୟକାଳ ଭିତରେ ଦକ୍ଷତାର ସହ ଅନେକ ଦୃଷ୍ଟାନ୍ତ ମୂଳକ କାର୍ଯ୍ୟ କରିବା ସହ ପୋଲିସ ବିଭାଗରେ ବେଶ ସୁନାମ ଅର୍ଜନ କରିଥିଲେ l ପୋଲିସ ଏସଆଇ ହିସାବରେ ବିଭାଗରେ ଯୋଗଦାନ କରି ତାଙ୍କର କର୍ତ୍ତବ୍ୟନିଷ୍ଠା ପାଇଁ ସେ ଆଇପିଏସ ପାଇବା ସହ ବିଭିନ୍ନ ଜିଲ୍ଲାରେ ଏସପି ହିସାବରେ କାର୍ଯ୍ୟ କରି ସାଧାରଣ ଜନତା ତଥା ବିଭାଗରେ ବେଶ ପ୍ରିୟଭାଜନ ହୋଇ ପାରିଥିଲେ l ଅବସର ପରେ ରାଉରକେଲା ଛେଣ୍ଡ କଲୋନୀରେ ପରିବାର ସହ ରହିବା ସହିତ ବହୁତ ଜଣକଲ୍ୟାଣ କାର୍ଯ୍ୟର ମାର୍ଗ ଦର୍ଶନ କରୁଥିଲେ l 
ଗତବର୍ଷ କରୋନା କାଳରେ ଚିକିତ୍ସିତ ହେଉଥିଲା ବେଳେ ଆଜିର ତାରିଖରେ ସେ ଇହଲୀଳା ସମ୍ବରଣ କରିଥିଲେ l ତାଙ୍କର ଅବର୍ତମାନ ଏଇ ସମାଜ ପାଇଁ ଏକ ଅପୂରଣୀୟ କ୍ଷତି ବୋଲି ଆଜିର ଶ୍ରଦ୍ଧାଞ୍ଜଳି ସଭାରେ ଆସୋସିଏସନର ସାଧାରଣ ସମ୍ପାଦକ ଡ଼କ୍ଟର ସୁମନ ଦତ୍ତ ପ୍ରକାଶ କରିଥିଲେ l ଆସୋସିଏସନର ଉପସଭାପତି ଶ୍ରୀ ଯଦୁମଣି ପ୍ରଧାନ, ଶ୍ରୀ ସୁରେଶ ଚନ୍ଦ୍ର ପାଠୀ, ଶ୍ରୀ କୀର୍ତନ ସାମଲ, ଶ୍ରୀ ଅଭୟ କୁମାର ଦାସ, ଶ୍ରୀ ଅଜୟ ମହାନ୍ତି, ଶ୍ରୀ ବେଣୁଧର ମଲ୍ଲ ଓ ଅନ୍ୟ ମାନେ ପୁଷ୍ପ ଗୁଚ୍ଛ ଦେଇ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ l ବିଜେପିର ବରିଷ୍ଠ ନେତା ଓ ଜାତୀୟ ପ୍ରବକ୍ତା ଶ୍ରୀ ଧିରେନ ସେନାପତି, ପୂର୍ବତନ ବିଧାୟକ ଶ୍ରୀ ମହାପାତ୍ର, ପୂର୍ବତନ ଅଧ୍ୟକ୍ଷ ଜିତେନ୍ ପଟ୍ଟନାୟକ ସ୍ବର୍ଗତ ମହାନ୍ତିଙ୍କର ବିଭିନ୍ନ ଗୁଣାବଳୀ ବର୍ଣ୍ଣନା କରିଥିଲେ l ଶ୍ରଦ୍ଧାଞ୍ଜଳି ସଭାରେ ତାଙ୍କର ପୁତ୍ର ଆଶୀଷ,ରାଜେଶ, ଝିଅ ସ୍ମିତା, ସିପ୍ରା, ସ୍ନିଗ୍ଧା, ଜ୍ୱାଇଁ ଶଶାଙ୍କ, ସୁଶୀଲ, ସତୀଶ, ପୁତ୍ରବଧୂ ସ୍ନିଗ୍ଧା, ରେଖା, ନାତି ସିଦ୍ଧାର୍ଥ, ଶୁଭଙ୍କର, ଆୟୁଷ, ଶ୍ରେୟସ, ନାତୁଣୀ ଆଦ୍ୟାଶl, ଶ୍ରେୟା, ଆକାଂକ୍ଷା ଆଦି ଉପସ୍ଥିତ ଥିଲେ l ରାଉରକେଲା ରୁ କୁଞ୍ଜ ବିହାରି ରାଉତ ଙ୍କ ରିପୋର୍ଟ।
