ଡାବୁଗାଁ ବ୍ଲକରେ ୧୭ ଟି ମଡେଲ ବୁଥ
ଡାବୁଗାଁ, ୧୨/୫ (ମ.ନି.ସ.)- ରାତି ପାହିଲେ ସୋମବାର ଲୋକସଭା ଓ ବିଧାନସଭା ଆସନ ପାଇଁ ଓଡିଶାରେ ପ୍ରଥମ ପର୍ଯ୍ୟ|ୟ ନିର୍ନାଚନ କରାଯିବ | ଏହି କ୍ରମରେ ନବରଙ୍ଗପୁର ଲୋକସଭା ଏବଂଏହା ଅଧୀନରେ ଥିବା ସମସ୍ତ ନିର୍ବାଚନ ମଣ୍ଡଳୀରେ ମତଦାନ ହେବ | ଡାବୁଗାଁ ବ୍ଲକରେ ସକାଳ ୭ ଟା ରୁ ସନ୍ଧ୍ୟା ୬ ଟା ପର୍ଯ୍ୟନ୍ତ ଭୋଟ ଗ୍ରହଣ କରାଯିବ | ଏଥିପାଇଁ ରବିବାର ସନ୍ଧ୍ୟା ୬ ଟା ପୂର୍ବରୁ ସୁରକ୍ଷିତ ଭାବ ପ୍ରତି ବୁଥରେ ପୋଲିଂ ପାର୍ଟି ପହଞ୍ଚି ସାରିଛନ୍ତି | ପୋଲିସ ର କଡା ସୁରକ୍ଷା ମଧ୍ୟରେ ପୋଲିଂ ପାର୍ଟି ଏବଂ ଇଭିଏମ ବୁଥରେ ପହଞ୍ଚିଛି | ଡାବୁଗାଁ ନିର୍ବାଚନ ମଣ୍ଡଳୀ ଅଧୀନ ଡାବୁଗାଁ ବ୍ଲକ ର ସମସ୍ତ ବୁଥରେ ପୋଲିଂ ଅଧିକାରୀ ମାନେ ପହଞ୍ଚି ଛନ୍ତି | ଡାବୁଗାଁ ବ୍ଲକରେ ୫୫ ଟି ଭୋଟ ଗ୍ରହଣ କେନ୍ଦ୍ର କରାଯାଇଛି | ସେଥି ମଧ୍ୟରୁ ୧ ଟି ସଖୀ ବୁଥ, ୧ ଟି ପିଡବ୍ଲ୍ୟୁଡି ବୁଥ, ୧୧ ଟି ଇକୋ ଫ୍ରେଣ୍ଡଲୀ ବୁଥ, ୩ ଟି ଏଥିନିକ ବୁଥ ଓ ୧ ଟି ଅଦରଥିମ୍ସ ବୁଥ ରହିଛି | ମୁକ୍ତ, ଅବାଧ ଓ ନିରପେକ୍ଷ ମତଦାନ ପାଇଁ ପ୍ରଶାସନ ସଜାଗ ରହିଛି | ଡାବୁଗାଁ ବ୍ଲକ ପାଇଁ ବିଡିଓ ଶରତ ମାଝି ନିର୍ବାଚନ ପରିଚାଳନା କରୁଛନ୍ତି | ଡାବୁଗାଁ ବ୍ଲକରେ ପ୍ରାୟ ୮୬,୩୪୪ ଜଣ ଭୋଟର ଅଛନ୍ତି | ଏକା ସାଙ୍ଗରେ ବିଧାନସଭା ଓ ଲୋକସଭା ପାଇଁ ମତଦାନ ହେଉଥିବାରୁ ଭୋଟର ୨ ଥର ମତଦାନ କରିବେ | ଏଥିପାଇଁ ଭୋଟର ମାନଙ୍କ ମଧ୍ୟରେ ଉତ୍ସୁକତା ଦେଖିବାକୁ ମିଳିଛି | ବିଶେଷକରି ପ୍ରଥମ ଥର ପାଇଁ ଯୁବ ଭୋଟର ମତଦାନ କରୁଥିବାରୁ ବେସ ଉତ୍ସାହିତ ଥିବା ଦେଖିବାକୁ ମିଳିଛି |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
