ନିମନ୍ତ୍ରଣ ରକ୍ଷା କରି ପହଞ୍ଚିଲେ ସାଂସଦ ଓ ବିଧାୟକ
ବାଲେଶ୍ଵର,୧୪/୬/୨୪- ପବିତ୍ର ପ୍ରଥମ ରଜ ଉପଲକ୍ଷେ ବାଲେଶ୍ଵର ଜିଲ୍ଲା ଖଇରା ବ୍ଲକ ଗୋଳିହା ପଞ୍ଚାୟତର ପୂର୍ବତନ ସରପଂଚ ରମେଶ ଘଡେ଼ଇ ସାଂସଦ ଅଭିମନ୍ୟୁ ସେଠୀ ଏବଂ ବିଧାୟକ ପଦ୍ମଲୋଚନ ପଣ୍ଡାଙ୍କୁ ନିଜ ବାସଭବନକୁ ନିମନ୍ତ୍ରଣ କରିଥିଲେ । ତାଙ୍କ ନିମନ୍ତ୍ରଣ ରକ୍ଷା କରି ସାଂସଦ ଶ୍ରୀ ସେଠୀ, ବିଧାୟକ ଶ୍ରୀ ପଣ୍ଡା ଓ ତାଙ୍କ ସହଧର୍ମିଣୀ କୁନ୍ତଳା କୁମାରୀ ପଣ୍ଡା, ବିଜେପି ନେତା ତଥା ପୂର୍ବତନ ବ୍ଲକ ଉପାଧ୍ୟକ୍ଷ ଜୟନ୍ତ କୁମାର ରାଉତ, ଗୋଳିହା ସ୍ଥିତ ଶ୍ରୀ ଘଡେ଼ଇଙ୍କ ଘରେ ପହଞ୍ଚିବା ପରେ ସାଂସଦ ଏବଂ ବିଧାୟକଙ୍କୁ ପୁଷ୍ପଗୁଚ୍ଛ ଓ ଉତ୍ତରୀୟ ଦେଇ ସମ୍ବର୍ଦ୍ଧିତ କରିଥିଲେ । ବିଭିନ୍ନ ପଞ୍ଚାୟତ ଓ ଜନସାଧାରଣ ନବ ନିର୍ବାଚିତ ବିଧାୟକ ଓ ସାଂସଦଙ୍କୁ ଦେଖାକରି ଆଞ୍ଚଳିକ ସମସ୍ୟାର ସମାଧାନ ବିଷୟରେ ଆଲୋଚନା କରିଥିଲେ । ଏଥିରେ ବହୁ ଦଳୀୟ କର୍ମୀ ଓ କର୍ମକର୍ତ୍ତା ମାନେ ଉପସ୍ଥିତ ଥିବାର ଦେଖାଯାଇଥିଲା ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
