ବର୍ତି ଗଲା ଅନେକ ଜୀବନ ,ପାଣି ସୁଅରେ ଭାସି ଗଲା ଟ୍ରାକ୍ଟର
ବନ୍ଧୁଗାଁ ତା, ୧୫/୬/୨୪,ଓଡ଼ିଶା ଆନ୍ଧ୍ର ସୀମାନ୍ତ ରେ ଥିବା ବନ୍ଧୁଗାଁ ବ୍ଲକ୍ ର ହାତୀଗାଡ଼ା ଗ୍ରାମ ପାଖ ଦେଇ ବହି ଯାଇଥିବା ନଦୀରେ ଆଜି ଏକ ବଡ ଧରଣର ଅଘଟଣ ଟଳି ଯାଇଛି । ଏଥି ସହ ଏକ ଟ୍ରାକ୍ଟର ପାଣିର ସୁଅରେ ଭାଷୀ ଯାଇଥିବା ଜଣା ପଡ଼ିଛି । ଖବରରୁ ପ୍ରକାଶ ପଡୋଶୀ ରାଜ୍ୟର ପାର୍ବତିପୂର୍ ଅଞ୍ଚଳରୁ ଏକ ଟ୍ରାକ୍ଟର ଯୋଗେ ହାତୀଗାଡ଼ା ଗ୍ରାମକୁ କିଛି ଜିନିଷ ପତ୍ର ଅଣା ଯାଇଥିଲା । ଟ୍ରାକ୍ଟର ମାଲିକ ନିଜେହିଁ ଚାଳକ ଭାବେ ଆସି ଟ୍ରାକ୍ଟର ରୁ କିଛି ଶ୍ରମିକଙ୍କ ଦ୍ଵାରା ଜିନିଷ ଓହ୍ଲାଇଥିଲେ । ପରେ ଶ୍ରମିକ ମାନଙ୍କୁ ରାସ୍ତା ଉପରେ ଛାଡ଼ି ନିଜେ ଟ୍ରାକ୍ଟର ଧରି ଗ୍ରାମ ପାଖରେ ବହିଯାଉଥିବା ନଦୀରେ ଟ୍ରାକ୍ଟର ଧୋଇବାକୁ ଯାଇଥିଲେ । ସେଠାରେ ପହଂଚିବା କ୍ଷଣି ହଠାତ୍ ନଦୀରେ ପାଣି ମାଡିଆସିଥିଲା । ଫଳରେ ତାଙ୍କର ବୁଧି ହଜି ଯାଇଥିଲା । କଣ କରିବେ ଭାବି ଶେଷରେ ଟ୍ରାକ୍ଟର କୁ ଛାଡ଼ି ନିଜ ଜୀବନ ବଞ୍ଚାଇବା ଆଶାରେ ସେଠାରୁ ରାସ୍ତା ଉପରକୁ ଦୌଡ଼ି ପଳାଇ ଆସିଥିଲେ । ସେତିକି ଭିତରେ ଟ୍ରାକ୍ଟର ପାଣି ସୁଅରେ ଭାସି ଯାଇ ପାଖରେ ଥିବା ବ୍ରିଜ ତଳେ ଅଟକି ରହିଯାଇଥିଲା । ସେଠାରୁ ଟ୍ରାକ୍ଟର ଉଦ୍ଧାର କରିବା ସମ୍ଭବପର ହେଉ ନଥିବାରୁ ପାଣି କମିବା ପରେ ଟ୍ରାକ୍ଟର ଉଦ୍ଧାର କରାଯିବ ବୋଲି ଜଣା ପଡ଼ିଛି ।
ସଂଜୀବ କୁମାର ବାଙ୍ଗାରି ଙ୍କ ରିପୋର୍ଟ୍
