କୁମ୍ଭାରିପୁଟ ଗାଁର ଡିପଥେରିଆ ରୋଗରେ ଆକ୍ରାନ୍ତ ଶିଶୁର ବ୍ରହ୍ମପୁର ଏମ କେ ସି ଜି ମେଡିକାଲ ରେ ଚିକିତ୍ସାଧୀନ ଅବସ୍ଥାରେ ମୃତ୍ୟୁ,ଭୟରେ ଗ୍ରାମବାସି
ବନ୍ଧୁଗାଁ ତା ୨୦/୬/୨୪ କୋରାପୁଟ ଜିଲ୍ଲାକୁ ବ୍ୟାପି ଥିବା ମାରାତ୍ମକ ଡିପଥେରିଆ ରୋଗକୁ ନେଇ ଅନେକ ସତର୍କତା ସ୍ଥାନୀୟ ଓ ଜିଲ୍ଲା ସ୍ତରୀୟ ସ୍ୱାସ୍ଥ୍ୟ ବିଭାଗ ନେଉଥିବା ଦେଖିବାକୁ ମିଳିଛି।ସରକାରଙ୍କ ତରଫରୁ ବ୍ୟାପକ ଟୀକାକରଣ ଯୋଗୁଁ ଆଉ ଡିପଥେରିଆ ରୋଗ ଚିହ୍ନଟ ହୋଇ ନ ଥିଲେ। ଚଳିତ ବର୍ଷ ଅଳ୍ପ ଦିନ ତଳେ ବନ୍ଧୁଗାଁ ବ୍ଲକ କୁମ୍ଭାରିପୁଟ ଗାଁ ଆଦିବାସୀ ସାହିର ସୁବାରାଓ ମେଲେକାଙ୍କ ପୁଅ ଦୀପୁନା ମେଲେକାଙ୍କ ଡିପିଥେରିଆ ରୋଗରେ 
ଆକ୍ରାନ୍ତ ହୋଇ ବ୍ରହ୍ମପୁର ଏମକେସିଜି ମେଡିକାଲରେ ଚିକିତ୍ସାଧିନ ଅବସ୍ଥାରେ ମୃତ୍ୟୁ ହୋଇଯାଇଅଛି । ମୃତ ଦିପୁନର ମାଆ ଜଣେ ଅଙ୍ଗନୱାଡ଼ି କର୍ମୀ ଓ ତାଙ୍କର ବଡ ପୁଅ ବନ୍ଧିର ମେଲେକା (ମୁକ) କଥାବାର୍ତ୍ତା କରନ୍ତି ନାହିଁ , ଝିଅ ତେରିନା ମେଲେକା ୮ ମ ଶ୍ରେଣୀରେ ପାଠ ପଢନ୍ତି ଓ ମୃତ ଦିପୁନ ଗାଁ ସ୍କୁଲରେ ପଞ୍ଚମ ଶ୍ରେଣୀରେ ଭଲ ପାଠ ପଡୁଥିଲେ । ବାପା ମାଆଙ୍କ ଏକ ମାତ୍ର ସାହା ଭରଷା ଥିବା ମୃତ ପୁଅର ଅଜଣା ଡିପଥେରିଆ ରୋଗରେ ମୃତକୁ ନେଇ ମାଆ ବାପା ଦୁଃଖରେ ଭାଙ୍ଗି ପଡିଛନ୍ତି । ଗାଁରେ ଏହି ରୋଗରେ ମୃତ୍ୟୁ ହୋଇଥିବାରୁ ଲୋକେ ଆତଙ୍କିତ ହୋଇ ପଡିଛନ୍ତି।ଗତ କାଲି ସନ୍ଧ୍ୟା ୯ ଘଣ୍ଟା ସମୟରେ ଦୀପୁନ ମେଲେକା ର ମୃତ୍ୟ ହେବା ପରେ ସ୍ୱାସ୍ଥ୍ୟ ବିଭାଗ ପକ୍ଷରୁ ଶିଶୁ ଙ୍କ ଶବକୁ ଆମ୍ବୁଲାନ୍ସ ମାଧ୍ୟମରେ ନିଜ ଗାଁ କୁମ୍ଭାରିପୁଟ କୁ ପହଞ୍ଚି ଥିଲେ। ଶବ ଦାହ ପୂର୍ବରୁ ସ୍ଥାନୀୟ ଗୋଷ୍ଟି ସ୍ୱାସ୍ଥ୍ୟ କେନ୍ଦ୍ରରୁ ଡା ନିହାର ରଞ୍ଜନ ଷଡ଼ଙ୍ଗୀ ଓ ତାଙ୍କ ଟିମ ପହଞ୍ଚି ଉପସ୍ଥିତ ଥିବା ଲୋକଙ୍କୁ ମାରାତ୍ମକ ଡିପିଥେରିଆ ରୋଗରୁ ରକ୍ଷା ପାଇଁ ମାସ୍କ୍ ଓ ଗ୍ଲୋବସ ବଣ୍ଟନ କରି ପରିଧାନ କରିବାକୁ ବାଧ୍ୟ କରିଥିଲେ । ଶବ ଦାହ ପର୍ଯ୍ୟନ୍ତ ଡ଼ାକ୍ତରୀ ଟିମ୍, ସ୍ଥାନୀୟ ପଞ୍ଚାୟତର ସରପଞ୍ଚ ଲୁଦ୍ର ଯାକାକା ଏବଂ ପିଇଓ ଉପସ୍ଥିତ ରହି ଥିଲେ । ତିନୋଟି ଡ଼ାକ୍ତରୀ ଟିମରେ ଫାର୍ମାସିଷ୍ଟ,ଏଏନଏମ, ଅଙ୍ଗନୱାଡି କର୍ମୀ, ଆଶା କର୍ମୀ ଗାଁ ରେ ଥିବା ସମସ୍ତ ସାହିରେ ଥିବା ଘର ଘର ବୁଲି ଜ୍ଵର ରେ ଆକ୍ରାନ୍ତଙ୍କୁ ଚିହ୍ନଟିକରଣ ଆରମ୍ଭ କରିଥିଲେ ।
ସଂଜୀବ କୁମାର ବାଙ୍ଗାରି ଙ୍କ ରିପୋର୍ଟ୍
