ଟି – ୧୦ କ୍ରିକେଟ୍ ପ୍ରତିଯୋଗିତା, ବଲାଙ୍ଗୀର ଚାମ୍ପିଅନ୍
ରୁପ୍ରା, ୨୦/୬ (ମନିସ) : ନର୍ଲାବ୍ଲକ୍ ଟକର୍ଲା ଗ୍ରାମ ପଞ୍ଚାୟତ ଅଧିନ ଆଲିମ୍ ଗ୍ରାମର ମା’ ମାଣିକେଶ୍ୱରୀ କ୍ରିକେଟ୍ କ୍ଲବ୍ ଆୟୋଜନରେ ଗତ ୧୫ ତାରିଖରୁ ଅନୁଷ୍ଠିତ ହୋଇ ଆସୁଥିବା ଟି – ୧୦ କ୍ରିକେଟ୍ ପ୍ରତିଯୋଗିତା ଗୁରୁବାର ଉଦଯାପିତ ହୋଇଯାଇଛି। ଏହି ପ୍ରତିଯୋଗିତାରେ ବିଭିନ୍ନ ଗ୍ରାମର ୧୬ଟି କ୍ରିକେଟ୍ ଟିମ୍ ଭାଗ ନେଇଥିଲେ। ଫାଇନାଲ୍ ଖେଳ ଚିନ୍ତା ଡିଜେ ବଲାଙ୍ଗୀର ଓ ମୁଡିଙ୍ଗ୍ ଦଳ ମଧ୍ୟରେ ଅନୁଷ୍ଠିତ ମ୍ୟାଚରେ ବଲାଙ୍ଗୀର ଦଳ ୬ୱିକେଟ ହାତରେ ମ୍ୟାଚ୍ ବିଜୟୀ ହୋଇଥିଲେ। ଏହି ଅବସରରେ ମୁଖ୍ୟ 
ଅତିଥି ଭାବରେ ନର୍ଲା ଜୋନ୍ ନଂ ୩ ର ଜିଲ୍ଲା ପରିଷଦ ସଭ୍ୟ ହରିଶଙ୍କର ମାଝୀ, ସମ୍ମାନିତ ଅତିଥିଭାବେ ସମାଜସେବୀ ଜଗବୀର୍ ସିଂ, ସୁନୀଲ ସାହୁ ଓ ଧୀରେନ୍ଦ୍ର ରଥ ପ୍ରମୁଖ ଯୋଗଦାନ କରି ଖେଳାଳି ମାନଙ୍କୁ ଉତ୍ସାହିତ 
କରିବା ସହ ବିଜେତା ଓ ଉପବିଜେତା ଦଳକୁ ଟ୍ରଫି ସହ ନଗଦ ଅର୍ଥରାଶି ପ୍ରଦାନ କରିଥିଲେ। ଖେଳ ପରିଚାଳନା କୁମରମଣି ମାଝୀ, ଆଶିଷ କୁମାର ଓ କୈଳାସ ଭୋଇ କରିଥିବା ବେଳେ ଧାରାବିବରଣୀ ବିରଞ୍ଚି ସେନାପତି ପ୍ରଦାନ କରିଥିଲେ। କ୍ରିକେଟ କ୍ଳବର ସମସ୍ତ ସଦସ୍ୟ ସହଯୋଗ କରିଥିଲେ।
ଅଜୟ କୁମାର ସେନାପତି ଙ୍କ ରିପୋର୍ଟ୍
