ଜିଲ୍ଲା ଶିକ୍ଷାଧିକାରୀଙ୍କ କ୍ଲଷ୍ଟର ସ୍ତରୀୟ ବୈଠକ ପରିଦର୍ଶନ
ରାୟଗଡା ତା ୨୧.୬.୨୦୨୪ // ରାୟଗଡା ଜିଲ୍ଲା ର ସମସ୍ତ ବିଦ୍ୟାଳୟ କ୍ଲଷ୍ଟର ସ୍ତରରେ ଶୁକ୍ରବାର ବୈଠକ ମାନ ଅନୁଷ୍ଠିତ ହୋଇଯାଇଛି। ଜିଲ୍ଲା ଶିକ୍ଷାଧିକାରୀ ବସନ୍ତ କୁମାର ନାୟକ ରାୟଗଡା ସଦରରେ ଥିବା ବ୍ରାହ୍ମଣ ସାହି ଓ ଇନ୍ଦିରା 
ନଗର ଉଚ୍ଚ ପ୍ରାଥମିକ ବିଦ୍ୟାଳୟରେ ପହଞ୍ଚି ଏହାର ଅନୁଧ୍ୟାନ କରିବା ସହ ଉପସ୍ଥିତ ଶିକ୍ଷକ ଓ ଶିକ୍ଷୟିତ୍ରୀ ଙ୍କ ସହ ଶିକ୍ଷାର ସ୍ଥିତି ଓ ଅଗ୍ରଗତି ବିଷୟରେ ଆଲୋଚନା କରିଥିଲେ । ବିଦ୍ୟାଳୟ ଗୁଡିକରେ ସାମ୍ପ୍ରତିକ ସମସ୍ୟା, ଶିଶୁଙ୍କ ବିଦ୍ୟାଳୟ ପ୍ରତି ଆକୃଷ୍ଟ କରିବା, ଗୁଣାତ୍ମକ ଶିକ୍ଷା ଓ ପୋଷଣକୁ ଅଧିକ ପ୍ରାଧାନ୍ୟ ଦେବାକୁ ନିର୍ଦ୍ଦେଶ ଦେଇଥିଲେ। ନ୍ୟୁନତମ ଶିକ୍ଷଣ ସ୍ତର ହାସଲ ସହ ମୂଲ୍ୟବୋଧ ଭିତ୍ତିକ ଆନନ୍ଦମୟ ଶିକ୍ଷା, ଗୁରୁ ଶିଷ୍ୟ ସମ୍ପର୍କ, ଶିକ୍ଷା ଉପକରଣର 
ବ୍ୟବହାର ଓ ନିରନ୍ତର ମୂଲ୍ୟାୟନ ଆଦି ବିଷୟରେ ଶିକ୍ଷକ ଶିକ୍ଷୟିତ୍ରୀଙ୍କୁ ମାର୍ଗ ଦର୍ଶନ କରିଥିଲେ । ପେଡାଗୋଜି ସଂଯୋଜକ ଜ୍ଞାନ ରଞ୍ଜନ ସାହୁ ପ୍ରାଥମିକ ଶିକ୍ଷାକୁ ସୁଦୃଢୀକରଣ ନିମନ୍ତେ କେତେକ ମୂଳ ବିନ୍ଦୁ ଉପରେ ଆଲୋଚନା କରିଥିଲେ। ଆନ୍ତର୍ଜାତିୟ ଯୋଗ ଦିବସ ଅବସରରେ ସମସ୍ତ ଅଂଶଗ୍ରହଣକାରୀ ଯୋଗ ଅଭ୍ୟାସ କରିଥିଲେ । ଜିଲ୍ଳାରେ ପ୍ରାଥମିକ ଶିକ୍ଷାର ସଫଳତା ନିମନ୍ତେ ଶିକ୍ଷକ, ଶିକ୍ଷୟିତ୍ରୀ ଗୁରୁଦାୟିତ୍ଵ ବହନ କରିବା ଜରୁରୀ ବୋଲି ଜିଲ୍ଲା ଶିକ୍ଷାଧିକାରୀ ଶ୍ରୀଯୁକ୍ତ ବସନ୍ତ କୁମାର ନାୟକ ପ୍ରକାଶ କରିଛନ୍ତି ।
ଗୌରୀ ପଟ୍ଟନାୟକ ଙ୍କ ରିପୋର୍ଟ୍
