ଖୋଲିଲା ବିଦ୍ୟାଳୟ, ମଧ୍ୟାହ୍ନ ଭୋଜନ କୁ ନେଇ ଚିନ୍ତାରେ ଶିକ୍ଷକ ଓ ଅଭିଭାବକ
ନବରଙ୍ଗପୁର:( ୨୪/୬/୨୪)(ରବି ନାରାୟଣ ମହାନ୍ତି)ସରକାରୀ ଘୋଷଣା ଅନୁଯାୟୀ ଆଜିଠାରୁ ଦିବା ସ୍କୁଲ ପାଠ ପଢ଼ା ଆରମ୍ଭ ହୋଇଛି । ଏହି ଅବସରରେ ଧରାକୋଟ ବ୍ଲକର ୬୭ଗୋଟି ପ୍ରାଥମିକ ବିଦ୍ୟାଳୟ,,୩୮ ଗୋଟି ଉଚ୍ଚ ପ୍ରାଥମିକ ବିଦ୍ୟାଳୟ,୨୦ ଗୋଟି ଉଚ୍ଚ ବିଦ୍ୟାଳୟ,୯ ଗୋଟି ଶିଶୁ ମନ୍ଦିର,୨ ଗୋଟି ଆଶ୍ରମ ବିଦ୍ୟାଳୟ ଓ ଓଡ଼ିଶା ଆଦର୍ଶ ବିଦ୍ୟାଳୟ ରେ ଶିକ୍ଷାଦାନ ଆରମ୍ଭ ହୋଇଛି। ନୂତନ ଶିକ୍ଷା ବର୍ଷ ଆରମ୍ଭ ହୋଇଥିବାରୁ ଛାତ୍ର ଛାତ୍ରୀ ମାନେ ନୂତନ ଆଶା ଉଦ୍ଦୀପନା ନେଇ ବିଦ୍ୟାଳୟ କୁ ଆସିଥିବା ବେଳେ ପନିପରିବା ଦରରେ ମାହାଙ୍ଗା ମାଡ଼ ଯୋଗୁଁ ଶିକ୍ଷକ ଓ ପରିଚାଳନା କମିଟି ସଦସ୍ୟ ମାନେ ଚିନ୍ତାରେ ପଡ଼ିଛନ୍ତି। ସରକାର ପ୍ରାଥମିକ ବିଦ୍ୟାଳୟ ର ପିଲାଙ୍କ ପାଇଁ ଟ ୫.୯୦ ଓ ଉଚ୍ଚ ପ୍ରାଥମିକ ବିଦ୍ୟାଳୟର ପିଲାଙ୍କ ପାଇଁ ଟ ୮.୮୨ ସ୍ଥିର କରିଛନ୍ତି । ସୋମ ଓ ଗୁରୁବାର ରେ ଡାଲମା,ମଙ୍ଗଳ ଓ ଶନିବାର ରେ ସୋୟାବିନ ବଡି, ବୁଧ ଓ ଶୁକ୍ର ବାର ପାଇଁ ଅଣ୍ଡା ଦେବା ପାଇଁ ଛାତ୍ର ଛାତ୍ରୀ ମାନଙ୍କୁ ନିର୍ଦ୍ଦେଶ ରହିଛି । ସଂପ୍ରତି ଆଳୁ କିଲୋ ପିଛା ବଜାର ଦର ୩୫ ଟଙ୍କା,ପିଆଜ୪୦ ଟଙ୍କା, ବାଇଗଣ ୬୦ ଟଙ୍କା,ଟମାଟୋ ୮୦ ଟଙ୍କା, ଭଣ୍ଡା ୫୦ ଟଙ୍କା, ସାରୁ ୫୦ ଟଙ୍କା , ଜହ୍ନି ୬୦ ଟଙ୍କା ଓ ଅଣ୍ଡା ଗୋଟିଏ ୭ ଟଙ୍କାରେ ବଜାରରେ ବିକ୍ରି ହେଉଛି । ଏପରି ସ୍ଥିତିରେ କିପରି ପିଲାଙ୍କୁ ମଧ୍ୟାହ୍ନ ଭୋଜନ ସୁଚାରୁ ରୁପେ ଦିଆଯିବ ତାକୁ ନେଇ ଉଭୟ ଶିକ୍ଷକ ଓ ବିଦ୍ୟାଳୟ ପରିଚାଳନା କମିଟି ସଦସ୍ୟ ମାନେ ଚିନ୍ତାରେ ପଡ଼ିଛନ୍ତି। ବଜାର ଦରରେ ଯଦି ନିୟନ୍ତ୍ରଣ ନଅ ଆସେ ତାହେଲେ ସରକାର ଛାତ୍ର ଛାତ୍ରୀ ଙ୍କ ପିଛା ଦରବୃଦ୍ଧି ପାଇଁ ପି ଟି ଏ ସଦସ୍ୟ ମାନେ ଦାବି କରିବେ ବୋଲି ପ୍ରକାଶ କରିଛନ୍ତି।
ମସିହା ନିୟୁଜ୍ ସର୍ଭିସ୍
