ୱାଇ.ଏମ.ଏଫ.ଆଇ ଓ ୟୁନିଟେକ ପକ୍ଷରୁ ମେଧାବୀ ଛାତ୍ର ଛାତ୍ରୀଙ୍କୁ ସମ୍ବର୍ଦ୍ଧନା
ରାଉରକେଲା:- ୟୁଥ ମୁଭମେଣ୍ଟ ଫେଡେରେସନ ଅଫ ଇଣ୍ଡିଆ ଓ ‘ୟୁନିଟେକ’ ର ମିଳିତ ସହଯୋଗ ରେ ଚଳିତ ବର୍ଷ ବିଭିନ୍ନ ବୋର୍ଡ ପରୀକ୍ଷାରେ ଉତୀର୍ଣ୍ଣ ହୋଇଥିବା ମେଧାବୀ ଛାତ୍ର ଛାତ୍ରୀଙ୍କୁ ଛେଣ୍ଡ ସ୍ଥିତ ରିମ୍ସ ଅଡ଼ିଟୋରିୟମ ଠାରେ ସମ୍ବର୍ଦ୍ଧିତ କରାଯାଇଛି l ଏଥିରେ ଶିଳ୍ପପତି ତଥା ଲେଖକ ଇଂ ରାଜେନ୍ଦ୍ର ପ୍ରସାଦ ଗୁପ୍ତା ମୁଖ୍ୟ ଅତିଥି ଭାବେ ଯୋଗ ଦେଇଥିଲେ l ୟୁନିଟେକ ଗ୍ରୁପର ଅଧ୍ୟକ୍ଷ ନରେଶ ଆର୍ଯ୍ୟ ମୁଖ୍ୟବକ୍ତା ଓ ସମ୍ମାନିତ ଅତିଥି ଭାବେ ସମାଜସେବୀ କମଲ ଅଗ୍ରୱାଲ ଓ ୟୁନିଟେକ ର ନିର୍ଦ୍ଦେଶକ ହର୍ଷ ଆର୍ଯ୍ୟ 
ଯୋଗ ଦେଇ ଛାତ୍ର ଛାତ୍ରୀ ଙ୍କୁ ଉତ୍ସାହିତ କରିଥିଲେ l ୱାଇ.ଏମ.ଏଫ.ଆଇ ର ଅଧ୍ୟକ୍ଷ ଇଂ ନଳିନୀ କାନ୍ତ ଧର ସ୍ୱାଗତ ଭାଷଣ ପ୍ରଦାନ କରିଥିବା ବେଳେ ଓ ସାଧାରଣ ସମ୍ପାଦକ ବିବେକାନନ୍ଦ ଦାସ ଙ୍କ ତତ୍ୱାବଧାନରେ କାର୍ଯ୍ୟକ୍ରମ ଆୟୋଜିତ ହୋଇଥିଲା l ସିବିଏସସି, ଆଇ.ସି.ଏସ.ସି ଓ ଓଡିଶା ବୋର୍ଡ ରୁ ଉତୀର୍ଣ୍ଣ ହୋଇଥିବା ଦଶମ ଓ ଦ୍ୱାଦଶ ଶ୍ରେଣୀର ଶତାଧିକ ଛାତ୍ର ଛାତ୍ରୀ ଏବଂ ସେମାନଙ୍କ ଅଭିଭାବକ ମାନେ ଏହି କାର୍ଯ୍ୟକ୍ରମରେ ଉପସ୍ଥିତ ଥିଲେ l
ଅତିଥି ମାନଙ୍କସହ ସମାଜସେବୀ ସୁବାଷ ବାପୁଡିଆଙ୍କୁ ମଧ୍ୟ ଉତ୍ତରୀୟ, ପୁଷ୍ପଗୁଚ୍ଛ ଓ ଟ୍ରଫି ପ୍ରଦାନ ପୂର୍ବକ ସମ୍ବର୍ଦ୍ଧିତ କରାଯାଇଥିଲା l
କେତେକ ଛାତ୍ର ଛାତ୍ରୀ ସେମାନଙ୍କ ସଫଳତାର କାହାଣୀ ବଖାଣି ଥିଲେ l କାର୍ଯ୍ୟକ୍ରମକୁ ଅମିତାଭ ମିତ୍ର ସଂଯୋଜନା କରିଥିଲେ l ଆଶା ଆର୍ଯ୍ୟ ଓ ଅନିତା ଅଗ୍ରୱାଲ ଙ୍କ ସମେତ ବହୁ ମାନ୍ୟ ଗଣ୍ୟ ବ୍ୟକ୍ତି ଉପସ୍ଥିତ ଥିଲେ l କାର୍ଯ୍ୟକ୍ରମ ପରିଚାଳନାରେ ଅକ୍ଷୟ ଧଳ, ଅମର ବର୍ମା, କୁନିଆ ବାରିକ, ଗ୍ରେସୀ ଡାଭିଡ଼, ପ୍ରିୟଙ୍କା, ରଶ୍ମିତା, ମୀରା, ଜୁହି, ସଂଗୀତାଙ୍କ ସମେତ ଅନୁଷ୍ଠାନର ସ୍ବେଛାସେବୀ ମାନେ ସହଯୋଗ କରିଥିଲେ l ଶେଷରେ ସମ୍ପାଦକ ଶ୍ରୀ ଦାସ ଧନ୍ୟବାଦ ଅର୍ପଣ କରିଥିଲେ।
ରାଉଲକେଲା ରୁ କୁଞ୍ଜ ବିହାରି ରାଉତ ଙ୍କ ରିପୋର୍ଟ୍
