ବାଡିରେ ଫୁଟିଲା ବ୍ରହ୍ମକମଳ ଫୁଲ
ଖଇରା,୧୫/୭/୨୪- ବାଲେଶ୍ଵର ଜିଲ୍ଲା ଖଇରା ବ୍ଲକ ଖଇରା ପଞ୍ଚାୟତ ଆଳଦା ଗ୍ରାମରେ ତପନ କୁମାର ପରିଡାଙ୍କ ଘର । ସେ ଜଣେ ସରକାରୀ କର୍ମଚାରୀ ଅଟନ୍ତି । ସେ ଜଣେ ପ୍ରକୃତି ପ୍ରେମୀ । ପ୍ରକୃତିର ଶୋଭା ବର୍ଦ୍ଧନ ପାଇଁ ବୃକ୍ଷ ରୋପଣ ତାଙ୍କର ମହାନ ନିଶା । ବିଭିନ୍ନ ସ୍ଥାନରେ ବୃକ୍ଷ ରୋପଣ ସହିତ ନିଜ ବାଡିରେ ବିଭିନ୍ନ ଫଳପୁଷ୍ପ ବୃକ୍ଷ ଲଗାଇବାକୁ ଭଲ ପାଆନ୍ତି ଏବଂ ପ୍ରତ୍ୟେକ ଦିନ ସଠିକ୍ ଯତ୍ନ ମଧ୍ୟ ନିଅନ୍ତି । ଏହି ପରିପ୍ରେକ୍ଷୀରେ ୩ ବର୍ଷ ପୂର୍ବ ନିଜ ବାଡିରେ ଏକ ବ୍ରହ୍ମକମଳ ଫୁଲ ଗଛ ଲଗାଇ ତା’ର ଯତ୍ନ ନେଉଥିଲେ । ଗତକାଲି ଅର୍ଥାତ ପବିତ୍ର ବାହୁଡା ଯାତ୍ରା ପୂର୍ବଦିନ ରାତ୍ରିରେ ବାଡିରେ ଗୋଟିଏ ବ୍ରହ୍ମକମଳ ଫୁଲ ଫୁଟିବା ତାଙ୍କ ପରିବାର ପ୍ରତି ମହାପ୍ରଭୁ ଶ୍ରୀଜଗନ୍ନାଥଙ୍କ ଆଶୀର୍ବାଦ ବୋଲି ଶ୍ରୀ ପରିଡ଼ା ଏବଂ ପରିବାର ବର୍ଗ ପ୍ରକାଶ କରିଛନ୍ତି । ପ୍ରଥମ କରି ଫଲଟି ଫୁଟିଥିବାରୁ ଶ୍ରୀ ପରିଡ଼ା ସକାଳେ ସ୍ନାନ ଶୌଚ ସାରି ନିକଟସ୍ଥ ବଟେଶ୍ବର ଜଗନ୍ନାଥ ମନ୍ଦିରକୁ ଯାଇ ଜଗତରନାଥ ଶ୍ରୀଜଗନ୍ନାଥଙ୍କୁ ସମର୍ପଣ କରି ଫେରିଛନ୍ତି । ପରିବାର ପ୍ରତି ଏହା ଅତ୍ୟନ୍ତ ଶୁଭ ଏବଂ ଜଗନ୍ନାଥ ମହାପ୍ରଭୁଙ୍କ ଆଶୀର୍ବାଦ ବୋଲି ସଂପୃକ୍ତ ଅଞ୍ଚଳବାସୀ କହୁଛନ୍ତି ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
