ଆଧ୍ୟାତ୍ମିକ କବି ଶ୍ରୀ ଚିତ୍ରସେନ ମହାରଣାଙ୍କୁ କବିତ୍ଵ ସମ୍ମାନ
ପୁରୁଷୋତ୍ତମପୁର ବ୍ଲକ ଝାଡ଼ବାଇ ଗ୍ରାମ ପଞ୍ଚାୟତ ନିକଟସ୍ଥ ଗାଙ୍ଗନାପୁର ଗ୍ରାମର ଆଧ୍ୟାତ୍ମିକ କବି ଶ୍ରୀ ଚିତ୍ରସେନ ମହାରଣାଙ୍କୁ କବିତ୍ଵ ସମ୍ମାନ ପ୍ରଦାନ କରାଯାଇଛି l ଶ୍ରୀ ମହାରଣାଙ୍କ ଲେଖା ସବୁ ଉଚ୍ଚ କୋଟିର ଅଟେ ପାଠକମାନଙ୍କୁ ଆକୃଷ୍ଟ କରି ସଚେତନତା ମୂଳକ ବାର୍ତ୍ତା ଦେଇଥାଏ l ସେ କେବଳ ଜଣେ କବି ନୁହନ୍ତି ଗାଳ୍ପିକ, ପ୍ରାବନ୍ଧିକ ମଧ୍ୟ l ଗଞ୍ଜାମ ଜିଲ୍ଲା ର ପୁରୁଷୋତ୍ତମପୁର ଠାରେ, ଆୟୋଜିତ ସାହିତ୍ୟ ଆଲୋଚନା ଚକ୍ର ରେ ଭାଗ ନେଇ ୩୫ ଜଣ କବି କବୟିତ୍ରୀ ମାନଙ୍କ ମଧ୍ୟରୁ ପ୍ରଥମ ସ୍ଥାନରେ ଚୟନ ହୋଇଛନ୍ତି ଓ ଅନୁଷ୍ଠାନ ତରଫରୁ ‘ରାଜ୍ୟ ସ୍ତରୀୟ ଆଧ୍ୟାତ୍ମିକ କବି ସମ୍ମାନ’ ଦେଇ ସମ୍ୱର୍ଦ୍ଧିତ କରିଛନ୍ତି l ବିଭିନ୍ନ ସାହିତ୍ୟ ଅନୁଷ୍ଠାନ ରେ ଯୋଗଦେଇ ବିଭିନ୍ନ କବିତା ମାନ ପ୍ରେରଣ କରି ସମ୍ମାନିତ ହେଉଛନ୍ତି l ହିଞ୍ଜିଳିକାଟୁ ରେ ଆଧ୍ୟାତ୍ମିକ ସାହିତ୍ୟ ସଂସଦ ଦ୍ୱାରା ଆୟୋଜିତ ଶ୍ରୀଜଗନ୍ନାଥଙ୍କ କବିତା ପ୍ରତିଯୋଗିତାରେ ଭାଗନେଇ ଆଧ୍ୟାତ୍ମିକ ସାହିତ୍ୟ ସମ୍ମାନ ରେ ସମ୍ମାନିତ ହୋଇ ଅନୁଷ୍ଠାନ ତତଫରୁ ମଧ୍ୟ ପ୍ରଶଂସା ପତ୍ର ହାସଲ କରିଛନ୍ତି l ଠିକ୍ ସେହିପରି କୋଦଳା, ଗଞ୍ଜାମ ଜିଲ୍ଲାର କବିଙ୍କ କବିତା ଆସର କୁ ପ୍ରତି ସପ୍ତାହ କବିତା, ଗଳ୍ପ ଓ ପ୍ରବନ୍ଧ ପ୍ରେରଣ କରି ପ୍ରଶଂସା ପତ୍ର ଦ୍ୱାରା ସମ୍ମାନିତ ହେଉଛନ୍ତି l ଦକ୍ଷିଣାଞ୍ଚଳ ସାହିତ୍ୟ ସଂସଦ, ବ୍ରହ୍ମପୁର ରେ ମଧ୍ୟ କବିତା ଆସର ଓ ଆଲୋଚନା ଚକ୍ର ରେ ଭାଗନେଇ ଦ୍ୱିତୀୟ ସ୍ଥାନ ଅଧିକାର କରି କବି ସମ୍ମାନ ରେ ସମ୍ମାନିତ ହୋଇଛନ୍ତି | ସାହିତ୍ୟିକ ଏଵଂ ପାଠକ ସମାଜ, ଭୁବନେଶ୍ୱର ରେ ଆୟୋଜିତ କବି ସମ୍ମିଳନୀ ରେ ଯୋଗ ଦେଇ ସାହିତ୍ୟ ଓ ଶ୍ରୀରାମଙ୍କ ଜନ୍ମ ବିଷୟ ରେ ଆଲୋଚନା କରି ସମ୍ମାନ ସନ୍ତକ ରେ ସମ୍ମାନିତ ହୋଇଛନ୍ତି | ଶ୍ରୀଜଗନ୍ନାଥ ସାହିତ୍ୟ ଅନୁଷ୍ଠାନ, ପୁରୁଷୋତ୍ତମପୁର ରୁ ପ୍ରଶଂସା ପତ୍ର ପାଇଛନ୍ତି ଓ ପ୍ରତିଭା ସାହିତ୍ୟ ସଂସଦ, ବେଗୁନିଆପଡ଼ା ରୁ ପ୍ରତିଭା ସମ୍ମାନ ରେ ସମ୍ମାନିତ ହୋଇଛନ୍ତି ଏବଂ ବିନାୟକ ସାହିତ୍ୟ ପ୍ରତିଷ୍ଠାନ, ଛତ୍ରପୁର ରୁ ରାଜ୍ୟ ସ୍ତରୀୟ କବି ସମ୍ମାନ ରେ ସମ୍ମାନିତ ହୋଇଛନ୍ତି |
