ଡ଼.ନିଆଲ ରାଇଟର ଇଣ୍ଟେରନେସନାଲ ର କାର୍ଯକାରୀ ସମ୍ପାଦକ ମନୋନୀତ
ବିଶ୍ୱର ପ୍ରମୁଖ ସାହିତ୍ୟ ପତ୍ରିକା ରାଇଟର ଇଣ୍ଟରନେସନାଲ ଏଡିସନର କାର୍ଯକାରୀ ସମ୍ପାଦକ ଭାବରେ ଡ଼.ଭବାନୀ ଶଙ୍କର ନିଆଲ ମନୋନୀତ ହେଇଛନ୍ତି। ଏହାର ସ୍ୱୀକୃତି ଉକ୍ତ ସାହିତ୍ୟ ପତ୍ରିକାର ପ୍ରତିଷ୍ଠାତା ପ୍ରଫେସର ପ୍ରିଥ ନାମ୍ବିଆର ଏବଂ ଏଡିଟର ଇନ ଚି଼ଫ ପ୍ରଫେସର ଆଇରିନ କାଭାଡ଼ିଆ ଙ୍କର ହସ୍ତାକ୍ଷରର ରେ ଏହି ଏସଆଇନମେଣ୍ଟ ଡ଼. 
ନିଆଲଙ୍କୁ ଦିଆଯାଇଛି। ସୂଚନା ଯୋଗ୍ୟ ଯେ, ସମଗ୍ର ପୃଥିବୀର ଗୁଣାତ୍ମକ କାର୍ଯ୍ୟଗୁଡ଼ିକୁ ଦର୍ଶାଇବା ପାଇଁ ରାଇଟର୍ସ ସଂସ୍କରଣ ଏକ ସମ୍ପୂର୍ଣ୍ଣ ଅନଲାଇନ୍ ସାହିତ୍ୟ ପତ୍ରିକା ଭାବରେ କଳ୍ପନା କରାଯାଇଛି। ଉଲ୍ଲେଖନୀୟ ଲେଖକମାନଙ୍କ ଦ୍ୱାରା ସମସାମୟିକ ସାହିତ୍ୟରେ ଉଲ୍ଲେଖନୀୟ କାର୍ଯ୍ୟଗୁଡ଼ିକୁ ପ୍ରୋତ୍ସାହିତ କରିବା ଏହି ଉଦ୍ୟମର ଉଦ୍ଦେଶ୍ୟ। ସାହିତ୍ୟ ବ୍ୟତିତ ବିଭିନ୍ନ ସୃଜନଶୀଳ କାର୍ଯ୍ୟ ଯେପରିକି ଡକ୍ୟୁମେଣ୍ଟାରୀ, ଚଳଚ୍ଚିତ୍ର, କଳାତ୍ମକ କାର୍ଯ୍ୟ,ଫଟୋଗ୍ରାଫି ଇତ୍ୟାଦି ପ୍ରକାଶିତ ହୋଇଥାଏ । କଳା, ସାହିତ୍ୟ ଏବଂ ଅନ୍ୟାନ୍ୟ ସୃଜନଶୀଳ ଅଭିବ୍ୟକ୍ତି ମାଧ୍ୟମରେ ଗଣମାଧ୍ୟମ ମାଧ୍ୟମରେ ମାନବିକତାର ମୂଲ୍ୟବୋଧ ତଥା ବିଶ୍ୱ ଶାନ୍ତି ଏବଂ ସୌହାର୍ଦ୍ଦ୍ୟକୁ ଏହି ପତ୍ରିକା ସାଧାରଣତଃ ପ୍ରୋତ୍ସାହିତ କରିଥାଏ। ଡ଼. ନିଆଲ ଜଣେ ଆନ୍ତର୍ଜାତିକ ଖ୍ୟାତି ସମ୍ପନ୍ନ କବି। ତାଙ୍କର ବହୁ କବିତା ପୃଥିବୀର ବିଭିନ୍ନ ପତ୍ର ପତ୍ରିକାରେ ପ୍ରକାଶିତ ହେଉଅଛି ଏବଂ ତାଙ୍କର କବିତା ପୃଥିବୀର ୨୩ଟି ଭାଷାରେ ଅନୁବାଦିତ ହେଇ ସମଗ୍ର ବିଶ୍ୱରେ ଏକ ପ୍ରଭାବ ପକାଇଛି। ତତ୍ ସଂଗେ ସଂଗେ ଡ଼.ନିଆଲ ଓଡ଼ିଆ ସାହିତ୍ୟ ପତ୍ରିକା ମହୁରି ର ମୁଖ୍ୟ ସମ୍ପାଦକ ଏବଂ ପ୍ରତିଷ୍ଠାତା ଅଟନ୍ତି। ଏହି ଅବସରରେ ପ୍ରଫେସର ଆଇରିନ କାଭାଡିଆ ଏବଂ ପ୍ରଫେସର ପ୍ରୀତ ନାମ୍ବିଆରଙ୍କୁ ଧନ୍ୟବାଦ ଜଣାଇଛନ୍ତି।
ମସିହା ନିୟୁଜ୍ ସର୍ଭିସ୍
