ସହିଦ୍ ରଘୁ ସର୍ଦ୍ଦାର ଙ୍କ ପୁଣ୍ୟତିଥିରେ ଶ୍ରଦ୍ଧାଂଜଳି ଅର୍ପଣ
କଟକ : କଟକ ସଦର ୪୨ ମୌଜା ବରାଳ ଗ୍ରାମରେ ୧୮୯୨ ମସିହାରେ ରଘୁ ସର୍ଦ୍ଦାର ଜନ୍ମ ଗ୍ରହଣ କରିଥିଲେ । ବ୍ରିଟିଶ ଶାସନ ବିରୁଦ୍ଧରେ ଜାତିର ପିତା ମହାତ୍ମା ଗାନ୍ଧୀଙ୍କ ଅହିଂସା ଆନ୍ଦୋଳନର ବାର୍ତ୍ତାରେ ପ୍ରେରିତ ହୋଇ ସେ ଭାରତର ସ୍ବାଧୀନତା ସଂଗ୍ରାମରେ ଯୋଗ ଦେଇଥିଲେ । ବ୍ରିଟିଶ ସାମ୍ରାଜ୍ୟବାଦୀ ଶକ୍ତିର ଶୋଷଣ,ନିର୍ଯାତନା,ଅତ୍ୟାଚାର ବିରୁଦ୍ଧରେ ସଂଗ୍ରାମ କରି ୧୯୪୭ ମସିହା ଅଗଷ୍ଟ ୧୪ ତାରିଖରେ ଦେଶର ସ୍ବାଧୀନତା ପାଇଁ ନିଜର ଜୀବନକୁ ଉତ୍ସର୍ଗ କରିଥିଲେ । ତାଙ୍କର ଦେଶପାଇଁ ବଳିଦାନକୁ ସ୍ମରଣ କରି ସାମାଜିକ ସଙ୍ଗଠନ ଦୟାନିଧି ପ୍ରତିଭା ବିକାଶ ପ୍ରତିଷ୍ଠାନର ସଭାପତି,ସମସ୍ତ ସଭ୍ୟ ଓ ରାଧାମୋହନ ଷ୍ଟଡି ସର୍କଲର ଗୁରୁଜୀ, ଛାତ୍ରଛାତ୍ରୀ ମାନେ ଭକ୍ତିପୂତ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ ।
ଶ୍ରୀକାନ୍ତ ବେଉରା ଙ୍କ ରିପୋର୍ଟ୍
