ଠିଆ ରହିଥିବା ଟ୍ରଲର କୁ ପଛରୁ ଧକ୍କାଦେଇ ଦୁଇ ବାଇକ ଆରୋହୀ ଗୁରୁତର
ନବରଙ୍ଗପୁର(୨୬/୦୮)(ରବି ନାରାୟଣ ମହାନ୍ତି)-ନବରଙ୍ଗପୁର ଜିଲ୍ଲା ପାପଡାହାଣ୍ଡି ଥାନା ଅନ୍ତର୍ଗତ ଗୋଲଡେନଫିସ ଢ଼ାବା ସମ୍ମୁଖରେ ଠିଆ ରହିଥିବା ଏକ ଟ୍ରଲରକୁ ଧକ୍କା ଦେଲା ଏକ ବାଇକ, ଏଥିରେ ଦୁଇଜଣ ବାଇକ ଆରୋହୀ ଗୁରୁତର ହୋଇଛନ୍ତି | ଦୁଇ ଗୁରୁତରଙ୍କୁ ନବରଙ୍ଗପୁର ଜିଲ୍ଲା ମୁଖ୍ୟ ଚିକିତ୍ସାଲୟ ରେ ଭର୍ତ୍ତି କରାଯାଇଥିବା ସୂଚନା ମିଳିଛି |ମିଳିଥିବା ସୂଚନା ପ୍ରକାରେ ନବରଙ୍ଗପୁର ଜିଲ୍ଲା ଝରୀଗାଁ ବ୍ଲକ ଚଚା ପଂଚାୟତ ସଦର ମହକୁମାର ରାକେଶ ପୂଜାରୀ ଓ ଗୋପବନ୍ଧୁ ସତନାମୀ ନାମକ ଦୁଇ ବ୍ୟକ୍ତି କୌଣସି ଏକ କାମରେ ନବରଙ୍ଗପୁର ଯାଇଥିଲେ |ସନ୍ଧ୍ୟା ସମୟରେ ଦୁହେଁ ଏକ ବାଇକ ଓଡି ୨୪ସି ୫୭୯୨ ଯୋଗେ ନିଜ ଘରକୁ ଫେରୁଥିଲେ | ପାପଡାହାଣ୍ଡି ଗୋଲଡେନଫିସ ଢ଼ାବା ସମ୍ମୁଖରେ ୨୬ ନମ୍ବର ଜାତୀୟ ରାଜପଥ କଡ଼ରେ ଏକ ଟ୍ରଲର ଠିଆ ହୋଇ ରହିଥିଲା |ରାସ୍ତା କଡ଼ରେ ଠିଆ ହୋଇ ରହିଥିବା ଟ୍ରଲରକୁ ପଛ ପଟେ ବାଇକ ଧକ୍କା ଦେଇ ଦୁଇ ବାଇକ ଆରୋହୀ ଗୁରୁତର ହୋଇ ରାସ୍ତା କଡ଼ରେ ଛିଟିକି ପଡିଥିଲେ | ଦୁହିଁଙ୍କୁ ଗ୍ରାମବାସୀ ଉଦ୍ଧାର କରି ୧୦୮ ଆମ୍ବୁଲାନ୍ସ ଯୋଗେ ନବରଙ୍ଗପୁର ଜିଲ୍ଲା ମୁଖ୍ୟ ଚିକିତ୍ସାଲୟରେ ଭର୍ତ୍ତି କରିଥିବା ସୂଚନା ରହିଛି | ଘଟଣାସ୍ଥଳରେ ପାପଡାହାଣ୍ଡି ପୋଲିସ ପହଞ୍ଚି ତଦନ୍ତ ଆରମ୍ଭ କରିଥିବା ସୂଚନା ମିଳିଛି |
ମସିହା ନିୟୁଜ୍ ସର୍ଭିସ୍
