ବିଷୁବ ସଂକ୍ରାନ୍ତି@ନବବର୍ଷ
ଉପେନ୍ଦ୍ର କୁମାର ବସ୍ତିଆ
ଆସ ତୁମେ ଓଡ଼ିଆ ନୂଆବର୍ଷ
ବିଷୁବ ସଂକ୍ରାନ୍ତି
ତୁମ ପାଇଁ ସଜାଡି ରଖିଛି
ଅଭିନନ୍ଦନର ପ୍ରୀତି
ବର୍ଷଟିଏ ବିତିଗଲା ଯଥାରୀତି
ଦୁଃଖ ସୁଖ ଭୟ ଭିତ୍ତି …..
କାହା ପାଇଁ ଫୁଲ ହେଲ
କାଭାଗ୍ୟେ ପଥର
କିଏ ମତୁଆଲ କିଏ ଦୁଷ୍କର
ମହକରେ କାର ପୁରିଲା ଘର
ଦିନ ଯାଇ ଚିହ୍ନ ରହିଗଲା
ବର୍ଷଟିଏ ଆଜି ପୁରା ହେଲା
ସୁଖ ଆଶା ବହିଲା
ଆସ ଆସ ନବବର୍ଷ
ଅଭିନନ୍ଦନ ମୋ ରହିଲା …..
କିଛି ହସ କିଛି ଲୁହ ଦୁଃଖ ଆଉ ସୁଖ
ଆଉ କିଛି ଆୟୂଷ
ଜୀବନର ବେଳାଭୂମି ପରେ
ଅବଶିଷ୍ଟ ଅବଶୋଷ
ଘେନ ଏଇ ଅନୁରୋଧ
କାହାରି ମୁହଁରେ ନଦିଅ ଦୁଃଖ
ନଲିଭୁ ହସ
ଆସ ତୁମେ ଓଡ଼ିଆ ନୂଆବର୍ଷ
ସଂକ୍ରାନ୍ତି ବିଷୁବ
ସର୍ବକାର୍ଯ୍ୟେ ଭରିଦିଅ ଶିହରଣ
ହେଉ ସର୍ବ ଶୁଭ ……
ରାଉଲକେଲା