ବଲିଉଡ କଳାକାର ରାମ୍ ସିର୍କାଙ୍କ ସାହିକୁ ରାସ୍ତା ନିର୍ମାଣ କେବେ ?
ମୟୂରଭଞ୍ଜ – ୨୦/୦୯ ( ମସିହା) ବିଜାତଳା ବ୍ଲକ ଖନ୍ତ ଗ୍ରାମର ରାମ ସିର୍କା ବଲିଉଡ ଚଳଚ୍ଚିତ୍ର ଜଗତରେ ଜଣେ କଳାକାର ଭାବେ ନିଜର ସ୍ୱତନ୍ତ୍ର ପରିଚୟ ସୃଷ୍ଟି କରି ପାରିଛନ୍ତି l ଅତି ସାଧାରଣ ଆଦିବାସୀ ପରିବାରରୁ ଆସି ବଲିଉଡ଼ ଜଗତରେ ଜଣେ ଆକ୍ସନ ମାଷ୍ଟର ସାଜିଛନ୍ତି l ବହୁ ନାମୀଦାମୀ କଳାକାରମାନଙ୍କ ସହିତ ହିନ୍ଦୀ ଚଳଚ୍ଚିତ୍ରରେ ଅଭିନୟ କରିବାର ସୁଯୋଗ ପାଇଛନ୍ତି l ବର୍ଷକୁ ଥରୁଟିଏ ନିଜ ଗାଁ ସାହିକୁ ଆସିଥାନ୍ତି l ତାଙ୍କରି ପରିବାର ଖନ୍ତ ଗ୍ରାମର ବାଙ୍କବଳ ନଦୀ କୂଳରେ ଥିବା ଆଦିବାସୀ ପଡ଼ାସାହି ରେ ବସବାସ କରୁଛନ୍ତି l ରାଜ୍ୟ ରାଜପଥଠାରୁ ମାତ୍ର 200 ମିଟର ଦୂରରେ ଏହି ପଡ଼ାସାହି ଟି ରହିଥିଲେ ମଧ୍ୟ ଏଠାକୁ ଯିବାଆସିବା ପାଇଁ ସ୍ଥାୟୀ ରାସ୍ତାଟିଏ ନାହିଁ l ଏଠାରେ ରହିଥିବା ସାହିପଡ଼ା ବାସିନ୍ଦାଙ୍କର ବର୍ଷା ଦିନେ ଦୁଃଖ କହିଲେ ନ ସରେ l ସରକାର ଆଦିବାସୀ ଅଞ୍ଚଳକୁ ସ୍ଥାୟୀ ରାସ୍ତା ନିର୍ମାଣ, ପାନୀୟ ଜଳ ଯୋଗାଣ, ଶିକ୍ଷା, ସ୍ୱାସ୍ଥ୍ୟ ପାଇଁ କୋଟି କୋଟି ଟଙ୍କା ଖର୍ଚ କରୁଛନ୍ତି l ଆଦିବାସୀ ଓ ଆଦିବାସୀ ଅଂଚଳବାସୀଙ୍କର ବିକାଶ ପାଇଁ ସ୍ୱତନ୍ତ୍ର ଉନ୍ନୟନ ପରିଷଦ (ଏସ ଡ଼ିସି), ସମନ୍ୱିତ ଆଦିବାସୀ ଉନ୍ନୟନ ସଂସ୍ଥା (ଆଇଟିଡ଼ିଏ) କାର୍ଯ୍ୟ କରୁଛି l
ପ୍ରାୟ 1ବର୍ଷ ତଳେ ନିଜ ସାହି ଅଞ୍ଚଳକୁ ସ୍ଥାୟୀ ରାସ୍ତା ସଂଯୋଗ ନିମନ୍ତେ ସରପଞ୍ଚ, ଜିଲ୍ଲା ପରିଷଦ, ବିଡ଼ିଓଙ୍କୁ ଗୁହାରି କରିଥିଲେ l ଏପରିକି ବାମନଘାଟି ଉପଜିଲ୍ଲାପାଳଙ୍କ ପ୍ରକୋଷ୍ଠରେ ଜିଲ୍ଲାପାଳଙ୍କ ଅଭିଯୋଗ ଶୁଣାଣି ବେଳେ ଜିଲ୍ଲାପାଳ ବିନୀତ ଭରଦ୍ୱାଜଙ୍କୁ ଭେଟି ରାସ୍ତା ନିର୍ମାଣ ନିମନ୍ତେ ଅନୁରୋଧ କରିଥିଲେ l ସାଙ୍ଗେ ସାଙ୍ଗେ ଜିଲ୍ଲାପାଳ ମହାଶୟ ଏହାର ତଦନ୍ତ କରି ରାସ୍ତା ନିର୍ମାଣକୁ ସୁନିଶ୍ଚିତ କରିବା ପାଇଁ ନିକଟରେ ଉପସ୍ଥିତ ରାଇରଙ୍ଗପୁର ଏଡିଏମ ତଥା ପି. ଏ. ଆଇ. ଟି. ଡ଼ି. ଏଙ୍କୁ ନିର୍ଦେଶ ଦେଇଥିଲେ l ମାତ୍ର ଜିଲ୍ଲାପାଳଙ୍କ ନିକଟରେ ଅଭିଯୋଗ କରିବାର ଇତି ମଧ୍ୟରେ 1ବର୍ଷ ବିତି ଯାଇଥିଲେ ସୁଦ୍ଧା ରାସ୍ତା ନିର୍ମାଣ ପାଇଁ ପ୍ରଶାସନ ତରଫରୁ କୌଣସି ପଦକ୍ଷେପ ନିଆ ଯାଇନାହିଁ l ଏ ସମ୍ପରେ ବଲିଉଡ଼ ଅଭିନେତା ରାମ ସିର୍କାଙ୍କର ପ୍ରକ୍ରିୟା ନେବାକୁ ସେ ବର୍ତ୍ତମାନ ମୁମ୍ବାଇରେ ଅଛନ୍ତି l ନଭେମ୍ବର ମାସ ସୁଦ୍ଧା ରାସ୍ତା ନିର୍ମାଣ ନିମନ୍ତେ ପଦକ୍ଷେପ ନିଆ ଯିବାରେ ବିଳମ୍ବ ଘଟିଲେ, ଉପଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଧାରଣରେ ବସିବେ ବୋଲି ଚେତାବନୀ ଦେଇଛନ୍ତି l
ମୟୂରଭଞ୍ଜ ରୁ ଅକ୍ଷୟ ବିଶ୍ବାଳ ଙ୍କ ରିପୋର୍ଟ୍
