ନୂଆପଡା ଜିଲ୍ଲା ସ୍ଵଚ୍ଛ ଭାରତ ମିଶନ କାର୍ଯ୍ୟକ୍ରମରେ ସର୍ବୋତ୍ତମ ପ୍ରଦର୍ଶନ ପାଇଁ ଦୁଇଟି ପୁରଷ୍କାର ରେ ସମ୍ମାନିତ
ନୂଆପଡା, ସ୍ଵଛ ଭାରତ ମିଶନ କାର୍ଯ୍ୟକ୍ରମରେ ସାମଗ୍ରିକ ଭାବରେ ସର୍ବୋତ୍ତମ ପ୍ରଦର୍ଶନ କରିଥିବାରୁ ନୂଆପଡା ଜିଲ୍ଲାକୁ ଗୁରୁବାର ଦୁଇଟି ସମ୍ମାନ ମିଳିଛି l
ଗୁରୁବାର କେନ୍ଦ୍ର ସରକାରଙ୍କ ଜଳଶକ୍ତି ବିଭାଗ ମନ୍ତ୍ରୀ ସି ଆର ପାଟିଲ, ଏବଂ ରାଜ୍ୟ ସରକାରଙ୍କ ପଂଚାୟତିରାଜ ଓ ପାନୀୟଜଳ ବିଭାଗ ମନ୍ତ୍ରୀ ରବି ନାରାୟଣ ନାୟକ, ପ୍ରମୁଖ ସଚିବ ସୁଶୀଲ କୁମାର ଲୋହାନି,ସତ୍ୟବାଦୀ ବିଧାୟକ ଓମ ପ୍ରକାଶ ମିଶ୍ର, ପୁରୀ ଜିଲ୍ଳା ସତ୍ୟବାଦୀ ବ୍ଲକ 
ବିରରାମଚନ୍ଦ୍ରପୁର ଗ୍ରାମ ପଂଚାୟତରେ ଅନୁଷ୍ଠିତ ଏକ ବିଶେଷ ସମାରୋହରେ ଅତିଥି ଭାବରେ ଯୋଗଦେଇଥିଲେ l ଏହି ଅବସରରେ ଏହି ସମ୍ମାନଜନକ ପୁରଷ୍କାର ଅତିଥି ମାନଙ୍କ ଠାରୁ ଜିଲ୍ଲାପାଳ ମଧୁସୂଦନ ଦାଶ ଓ ଜିଲ୍ଳା ମୁଖ୍ୟ ଉନ୍ନୟନ ଅଧିକାରୀ ଲମ୍ବୋଦର ଧରୁଆ ଗ୍ରହଣ କରିଛନ୍ତି l ସେହିପରି ସ୍ୱଚ୍ଛ ଭାରତ ମିଶନ ଗ୍ରାମୀଣ ବିଭାଗରେ ଉତ୍ତମ ଆଚରଣ ପାଇଁ ଜିଲ୍ଲାର ଭାଲେଶ୍ବର ପଂଚାୟତ ସମ୍ବର୍ଦ୍ଧିତ ହୋଇଛି l ଏଠାକାର ସ୍ୱୟଂ ସହାୟକ ଦଳ ନିଜର ଏକ ଅଭିନବ ବିଚାର ଧାରା ବର୍ତନ ବ୍ୟାଙ୍କ ପାଇଁ ସମ୍ମାନିତ ହୋଇଛନ୍ତି l ଏମାନେ ଗ୍ରାମରେ ଷ୍ଟିଲର ବାସନ ବର୍ତ୍ତନ ରଖି ତାହାକୁ ବିଭିନ୍ନ ବିବାହ ବ୍ରତ ଉତ୍ସବ ଇତ୍ୟାଦିରେ ଭଡା ଦେଉଛନ୍ତି l ଏହାଦ୍ୱାରା ଏବେ ବହୁଳ ଭାବରେ ବ୍ୟବହୃତ ପ୍ଲାଷ୍ଟିକ ଖଲି ଦନା ଗ୍ଲାସ ର ବ୍ୟବହାର କୁ ରୋକା ଯାଇପାରିଛି ଏବଂ ପର୍ଯ୍ୟାବରଣ କୁ ସଫା ସୁତରା ରଖା ଯାଇ ପାରିଛି l ଏଥି ପାଇଁ ସ୍ଥାନୀୟ ସରପଞ୍ଚ, ପଂଚାୟତ କାର୍ଯ୍ୟନିର୍ବାହୀ ଅଧିକାରୀ ଓ ସମ୍ପୃକ୍ତ ସ୍ୱୟଂ ସହାୟକ ଦଳକୁ ପୁରଷ୍କୃତ କରାଯାଇଛି lଜିଲ୍ଲାକୁ ସ୍ୱଚ୍ଛ ଭାରତ ମିଶନ ଗ୍ରାମୀଣ ବିଭାଗରେ ଦୁଇଟି ପୁରଷ୍କାର ମିଳିଥିବାରୁ ଜିଲ୍ଲାରେ ଖୁସି ର ଲହରୀ ଖେଳି ଯାଇଛି l ଜିଲ୍ଲାପାଳ ଏହି ପୁରଷ୍କାରକୁ ଜିଲ୍ଲାବାସୀଙ୍କ ସାମୁହିକ ଉଦ୍ୟମର ଫଳ ବୋଲି କହିଛନ୍ତି।
ନୂଆପଡା ରୁ ସୁଜିତ କୁମାର ପ୍ରଧାନ ଙ୍କ ରିପୋର୍ଟ
