ତାଲିମପ୍ରାପ୍ତ ଛତୁଚାଷୀ ମାନଙ୍କୁ ନାବାର୍ଡ ତରଫରୁ ମାନପତ୍ର ପ୍ରଦାନ
ତେନ୍ତୁଳିଖୁଣ୍ଟି ୨୯/୦୯/୨୪ // କୃଷି କ୍ଷେତ୍ରରେ ଗ୍ରାମୀଣ ଯୁବକମାନଙ୍କୁ ଉତ୍ସାହିତ କରିବା ନିମନ୍ତେ ERYA (Encouraging Rural Youth in Agriculture) ପ୍ରକଳ୍ପ ଅନ୍ତର୍ଗତ “ବ୍ୟବସାୟିକ ଛତୁ ଚାଷ” ଉପରେ ଦକ୍ଷତା ବୃଦ୍ଧି ତାଲିମ କାର୍ଯ୍ୟକ୍ରମର ସାର୍ଟିଫିକେଟ୍ ବଣ୍ଟନ ସମାରୋହ ଆଜି ଜିଲ୍ଲା ମୁଖ୍ୟ କୃଷି ଅଧିକାରୀ ଙ୍କ କନଫରେନ୍ସ ହଲ ରେ ଅନୁଷ୍ଠିତ ହୋଇଯାଇଛି ।
ଏହି କାର୍ଯ୍ୟକ୍ରମକୁ ଶ୍ରୀ ମହେଶ୍ୱର ଚନ୍ଦ୍ର ନାୟକ, ଏଡିଏମ୍ (ଜେନେରାଲ୍), ନବରଙ୍ଗପୁର ପରିଚାଳନା କରିଥିଲେ। ଜିଲ୍ଲା ମୁଖ୍ୟ କୃଷି ଅଧିକାରୀ ପି.ଭି.ରମଣ ରାଓ, ADVO ସୁନୀଲ କୁମାର ପ୍ରଧାନ, ଜିଲ୍ଲା କୃଷି ଅଧିକାରୀ ଅନିଲ କୁମାର ପ୍ରହରାଜ, ADVO ଡକ୍ଟର ପ୍ରସାନ୍ତ କୁମାର ସାମଲ, ନବରଙ୍ଗପୁର ସହକାରୀ କୃଷି ଅଧିକାରୀ ପ୍ରଣୟ କୁମାର ମନ୍ତ୍ରୀ ଏହି କାର୍ଯ୍ୟକ୍ରମରେ ଯୋଗଦେଇ କାର୍ଯ୍ୟକ୍ରମ କୁ ସଫଳ କରିବାରେ ସାହାଯ୍ୟ କରିଥିଲେ । ଅନ୍ୟମାନଙ୍କ ମଧ୍ୟରେ AFO ଚନ୍ଦ୍ରଶେଖର ମହାପାତ୍ର, DDM ବିକାଶ ଟିଗା ଏବଂ ଅଗ୍ରଗାମୀ ର ପ୍ରକଳ୍ପ ନିର୍ଦ୍ଦେଶକ ଜଗନ୍ନାଥ ଜେନା ଯୋଗ ଦେଇଥିଲେ ।
ଚଳିତ ମାସ 10 ରୁ 19 ସେପ୍ଟେମ୍ବର 2024 ରେ ଅଗ୍ରଗାମୀ ଦ୍ଵାରା NABARD ସହାୟତା ରେ ERYA ପ୍ରକଳ୍ପ ମାଧ୍ୟମରେ ପରିଚାଳିତ “ବ୍ୟବସାୟିକ ଛତୁ ଚାଷ” ଉପରେ 10 ଦିନର ତାଲିମ କାର୍ଯ୍ୟକ୍ରମ ସଫଳତାର ସହିତ ସମାପ୍ତ ହୋଇଯାଇଛି ଏବଂ 25 ଜଣ ଯୁବକ/ଯୁବତୀ ତାଲିମ ପ୍ରାପ୍ତ ହୋଇଥିଲେ।
ଏଡିଏମ୍, ନବରଙ୍ଗପୁର ଏବଂ ଅନ୍ୟାନ୍ୟ ପ୍ରୋଜେକ୍ଟ ମନିଟରିଂ ଏବଂ ରିଭ୍ୟୁ କମିଟି ସଦସ୍ୟମାନେ ଆନନ୍ଦରେ 25 ଜଣ ଯୁବକ/ଯୁବତୀ ଅଂଶଗ୍ରହଣକାରୀଙ୍କୁ ତାଲିମ ପ୍ରମାଣପତ୍ର ବଣ୍ଟନ କରିଥିଲେ ଏବଂ ସଫଳ ଉଦ୍ୟୋଗୀ ହେବା ପାଇଁ ସେମାନଙ୍କୁ ଛତୁ ଚାଷ ପ୍ରକ୍ରିୟା ଆରମ୍ଭ କରିବାକୁ କହିଥିଲେ।
ନବରଙ୍ଗପୁରରେ ଛତୁ ଏବଂ ଏହାର ମୂଲ୍ୟଯୁକ୍ତ ଉତ୍ପାଦ ବିକ୍ରୟ ପାଇଁ ଓ ଏଲ ଏମ ଏବଂ ଓର୍ମାସ ସହଯୋଗରେ ଏକ ସପିଂ ଆଉଟଲେଟ୍ ଖୋଲିବାକୁ ଏ ଡି ଏମ ନବରଙ୍ଗପୁର ଅଂଶଗ୍ରହଣକାରୀମାନଙ୍କୁ ପ୍ରତିଶ୍ରୁତି ଦେଇଥିଲେ |
ଗୋବର୍ଦ୍ଧନ ସାହୁ , ତେନ୍ତୁଳିଖୁଣ୍ଟି
