ସ୍କୁଲ କୋଠା ନିର୍ମାଣ ଦାବୀରେ ଛାତ୍ରଛାତ୍ରୀ, ଅଭିଭାବକ ସମୂହ ଙ୍କ ସ୍କୁଲ ସାମ୍ନାରେ ଧାରଣା
କଲମପୁର -୨/୧୧(ମସିହା) କଲମପୁର ବ୍ଲକ ନୂଆଗାଁ ପଞ୍ଚାୟତ ଅନ୍ତର୍ଗତ ଭାଲୁ ବୁଟୁରା ଗ୍ରାମର ସରକାରୀ ପ୍ରାଥମିକ ବିଦ୍ୟାଳୟରେ ସ୍କୁଲ କୋଠା ନିର୍ମାଣ ଦାବୀରେ ଛାତ୍ରଛାତ୍ରୀ, ଅଭିଭାବକ ସମୂହ ସ୍କୁଲ ବନ୍ଦ କରି ସ୍କୁଲ ସାମ୍ନାରେ ଧାରଣା ଦେଇ ଦାବୀ ରଖିଥିଲେ l ତାଙ୍କ ଅଭିଯୋଗ ହେଲା ସ୍କୁଲ ବିଗତ ୧୯୪୯ ମସିହାରେ ସ୍ଥାପିତ ହୋଇଥିବା ବେଳେ ସ୍କୁଲ ବର୍ତ୍ତମାନ ଶୋଚନୀୟ ଘେରରେ ଗତି କରୁଛି l ଏହି ସ୍କୁଲ ଉନ୍ନୀତ ହୋଇ ପ୍ରଥମରୁ ଅଷ୍ଟମ ଶ୍ରେଣୀ ପର୍ଯ୍ୟନ୍ତ ପାଠପଢା ଚାଲି ଆସୁଛି l ଚଳିତ ବର୍ଷ ୧୦୮ 
ଜଣ ଛାତ୍ରଛାତ୍ରୀ ସ୍କୁଲରେ ଅଧ୍ୟୟନ କରୁଥିବା ବେଳେ ଏଭଳି ଅବ୍ୟବସ୍ଥା ହେତୁ ଅନେକେ ସ୍କୁଲରୁ ମୁହଁ ଫେରାଇ ଅନ୍ୟ ସ୍କୁଲ ଗୁଡିକରେ ପାଠ ପଢିବାକୁ ବାଧ୍ୟ ହେଉଛନ୍ତି l ସ୍କୁଲ ଶ୍ରେଣୀ ପାଇଁ କେବଳ ଦୁଇ କୋଠା ବିଶିଷ୍ଟ ଏକ ଛାତ ଘର ନିର୍ମାଣ କରାଯାଇଥିବା ବେଳେ ଗୋଟିଏ କୋଠରୀରେ ଅଫିସ ଏବଂ ଗୋଟିଏ କୋଠରୀରେ ପାଠପଢ଼ା ଚାଲିଛି l ଅନ୍ୟ ସର୍ବ ପୁରାତନ ଖପର ଘର ବିପଦ ସଂକୁଳ ପରିସ୍ଥିତିରେ ରହିଛି l ତେଣୁ ସେହି କୋଠରୀ ଭଗ୍ନାବସ୍ଥାରେ ରହିଥିବାରୁ କେବଳ ଗୋଟିଏ କୋଠାରେ ଆଠଟି ଶ୍ରେଣୀ ଚlଳିବା ଦୁର୍ଭାଗ୍ୟଜନକ l ଏଭଳି ପରିସ୍ଥିତି ଥିଲେ ମଧ୍ୟ ନିହାତି ଗରିବ, ଅବହେଳିତ ପରିବାରର ଛାତ୍ରଛାତ୍ରୀ ମାନେ କେବଳ ଏହି ସ୍କୁଲ ଉପରେ ଭରସା ଯୋଗ୍ୟ ହୋଇ ରହିଛନ୍ତି l ଯେଉଁ ସ୍କୁଲ କୋଠା ରହିଛି ତାହା ମହlଜନୀ ପ୍ଲଟ ଗୁଡିକରେ ରହିଥିବାରୁ ବିଭିନ୍ନ ସମସ୍ୟା ଉପୁଜୁଛି l ଏଣୁ ଗ୍ରାମବାସୀ ଗ୍ରାମରେ ଉପଯୁକ୍ତ ସ୍ଥାନରେ ଥିବା ସରକାରୀ ଜାଗା ୮0 ଡେସିମିଲକୁ ସ୍କୁଲ ଏବଂ ଅଙ୍ଗନବାଡି କେନ୍ଦ୍ର କରାଯିବାକୁ ନିଷ୍ପତ୍ତି ନେଇଛନ୍ତି l ସେଠାରେ ସ୍କୁଲ ନିର୍ମାଣ କରାଯିବାକୁ ଦେଢ଼ ବର୍ଷ ତଳେ ମଧ୍ୟ ଏହି ସମାନ ଅଭିଯୋଗ ରଖି ଗ୍ରାମବାସୀ ଏବଂ ଛାତ୍ରଛାତ୍ରୀ ଆନ୍ଦୋଳନ କୁ ଓହ୍ଲାଇଥିଲେ l ସେହି ସମୟରେ ମଧ୍ୟ ବହୁତ ଶୀଘ୍ର ସେହି ନୂତନ ଜାଗାରେ ସ୍କୁଲ କୋଠା ନିର୍ମାଣ ପ୍ରତିଶୃତି ମିଳିବା ପରେ ଆନ୍ଦୋଳନ ପ୍ରତ୍ୟାହୃତ ହୋଇଥିଲା l କିନ୍ତୁ ପରିତାପର ବିଷୟ ଦେଢ଼ ବର୍ଷ ବିତିଯାଇଥିଲେ ମଧ୍ୟ କୌଣସି ପଦକ୍ଷେପ ନିଆଯାଇ ନ ଥିବାରୁ ସ୍କୁଲ ଛାତ୍ରଛାତ୍ରୀ, ଅଭିଭାବକ ଏବଂ ଗ୍ରାମବାସୀ ସମୂହ ଶୁକ୍ରବାର ଦିନ ସ୍କୁଲ ବନ୍ଦ କରି ଧାରଣା ଦେଇ ଆନ୍ଦୋଳନ କରିଥିଲେ l ଖବର ଜାଣି କଲମପୁର ବିଡ଼ିଓ ବିଜୟ କୁମାର ମାଡାଙ୍ଗୀ, ସହକାରୀ ଯନ୍ତ୍ରୀ ସନ୍ତୋଷ କୁମାର ବେହେରା, ଏବିଇଓ ହେମନ୍ତ କୁମାର ପଣ୍ଡା, ସୁଶୀଲ କୁମାର ମୁଣ୍ଡ, ଜେଇ ସୁମନ୍ତ ଦଣ୍ଡପାଟ, ସରପଞ୍ଚ ସୁଶାନ୍ତ କୁମାର ମାଝୀ ଉପସ୍ଥିତ ରହିଥିଲେ l ସ୍କୁଲ ପକ୍ଷରୁ ସିଅରସି ଶ୍ରୀରାମ ପଣ୍ଡା ଏବଂ ଶିକ୍ଷକ ସମୂହ ମଧ୍ୟ ଉପସ୍ଥିତ ଥିଲେ l ବିଡ଼ିଓ ଏବଂ ସହକାରୀ ଯନ୍ତ୍ରୀ ସ୍କୁଲ ଏବଂ ଅଙ୍ଗନବାଡି କେନ୍ଦ୍ର ପାଇଁ ରହିଥିବା ଅନୁଦାନକୁ ନୂତନ ଜାଗାରେ ନିର୍ମାଣ କରାଯିବ ଏଥି ପାଇଁ ଆସନ୍ତା ସୋମବାର ଦିନ ଲେଆଉଟ ଦେବାକୁ ବ୍ଲକ ପ୍ରଶାସନ ଆନ୍ଦୋଳନ କାରୀ ମାନଙ୍କୁ ପ୍ରତିଶୃତି ଦେଲେ l ଏହାପରେ ଆନ୍ଦୋଳନ ପ୍ରତ୍ୟାହୃତ ହୋଇଥିଲା l ଏହାପରେ ସମସ୍ତେ କୋଠା ଗୁଡିକ ହେବାକୁ ଥିବା ନୂତନ ଜାଗାକୁ ଯାଇ ଦେଖିଥିଲେ l ଗ୍ରାମବାସୀ ପକ୍ଷରୁ ସ୍କୁଲ ସଭାପତି ଦୁଃଶାସନ ଖରସେଲ, ଅଜିତ କୁମାର ମୁଣ୍ଡ, ସୋମେଶ୍ୱର ସେଠୀ, ସତ୍ୟ ନାରାୟଣ ସାହୁ, ଶଙ୍କର୍ଷଣ ସାହୁ, ଯୁଧିଷ୍ଠିର ପାନ, ହର ମାଝୀ, ଗଙ୍ଗା ଖରସେଲ, ହରିଶଙ୍କର ସାହୁ ସମେତ ଶତାଧିକ ଗ୍ରାମବାସୀ ସାମିଲ ରହିଥିଲେ ।
କଳାହାଣ୍ଡି ରୁ ପରମାନନ୍ଦ ଠାକୁର ଙ୍କ ରିପୋର୍ଟ୍
