ସକାଳର ଜଣାଣ
ବିଜୟ କୁମାର ଜେନା
ମଣିଷ ଶରୀର ପଞ୍ଚାଭୂତେ ଦିନେ
ମିଶିଯିବ ବାଇମନ
ସଂସାର ଭିତରେ ଘର କରିଥିଲେ
ଭଜସଦା ହରି ନାମ।
କଦବା କେମିତି ବେମାର ଆସିଲେ
ଶରୀରେ ହୁଅଇ କଷ୍ଟ
ସବୁ ପଛ କରି ଭଜୁ ଜଗନ୍ନାଥ
ଖଣ୍ଡିବାକୁ ଏହି ରିଷ୍ଟ।
ଏହା ଯଦି ସତ୍ୟ ତେବେ ତୁ କାହିଁକି
ଧନ ପଛରେ ଗୋଡ଼ାଇ
ରୂପ ଯଉବନ ମଳିନ ପଡ଼ିବ
କରୁ କାହିଁକି ବଡ଼ାଇ।
ଜଗତ କଲ୍ୟାଣ ଧର୍ମ ହେଉ ତୋର
ଏ କଥାରେ ଦିଅ ଧ୍ୟାନ
ସୁନ୍ଦର ଭାବରେ ଦିନଚର୍ଯା କରି
ବିତାଅ ମଣିଷ ଜନ୍ମ।
ଜଗନ୍ନାଥ ପ୍ରୀତି ରଖି କାର୍ଯ୍ୟ କଲେ
ସର୍ବ କାର୍ଯ୍ୟରେ ସଫଳ
ହସିବ ତୋ ଘର ହସିବ ସମାଜ
ଏହା ହେଉ ତୋର ମୂଳ।
ଅବସର ପ୍ରାପ୍ତ ପ୍ରାଧ୍ୟାପକ ଶାମୁକା ସାହି ରଣପୁର ନୟାଗଡ଼
