ବିଶ୍ଵ ଏଡ଼ସ୍ ଦିବସ” ପାଳିତ
ରାୟଗଡ଼ା ସ୍ଵୟଂଶାସିତ ମହବିଦ୍ୟାଳୟ ର ସୁବର୍ଣ୍ଣ ଜୟନ୍ତୀ କକ୍ଷରେ ଯୁବ ରେଡ୍ କ୍ରସ ତରଫରୁ “ ବିଶ୍ଵ ଏଡ଼ସ୍ ଦିବସ” ପାଳିତ ହୋଇଯାଇଛି। ରାୟଗଡା ଯୁବ ରେଡ କ୍ରସ, ଏନ୍.ସି.ସି, ଏନ୍.ଏସ.ଏସ ସ୍ୱେଚ୍ଛାସେବୀ ଓ ମହାବିଦ୍ୟାଳୟର ଛାତ୍ରଛାତ୍ରୀମାନଙ୍କୁ ନେଇ ଏକ ଏଡ଼ସ୍ ସଚେତନତା ଶୋଭାଯାତ୍ରା କରାଯାଇଥିଲା । ଏହି 
କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ଡଃ. ଆନନ୍ଦ ପାଢ଼ୀ ଓ ଡଃ. ଭେଙ୍କଟରମଣ ଯୋଗଦେଇଥିଲେ । ପ୍ରଥମେ ଭଗବାନଙ୍କ ଠାରେ ଦୀପ ପ୍ରଜ୍ଵଳନ କରାଯାଇ ସ୍ୱାଗତ ସଙ୍ଗୀତ ଗାନ କରାଯାଇଥିଲା । ଏହା ପରେ ମହାବିଦ୍ୟାଳୟର ଅଧ୍ୟକ୍ଷା ଡ଼ଃ. ବବିଲତା ସରାଫ ଅଭିଭାଷଣ ଦେଇ ଅତିଥି ମାନଙ୍କର ପରିଚୟ ପ୍ରଦାନ କରିଥିଲେ । ମୁଖ୍ୟ ଅତିଥି ମାନେ ଏଡ଼ସ ରୋଗରୁ କେମିତି ସଚେତନ ହେବା ଓ ସୁସ୍ଥ ରହିବା ବିଷୟରେ ଅବଗତ କରାଇଥିଲେ । ୩୦-୧୧-୨୦୨୪ ତାରିଖ ରେ ଏଡ଼ସ୍ ଦିବସ ଉପଲକ୍ଷେ ଚିତ୍ରାଙ୍କନ, ରଙ୍ଗୋଲୀ ଓ ବକ୍ତୃତା ପ୍ରତିଯୋଗିତା ହୋଇଥିଲା। ମୁଖ୍ୟ ଅତିଥିଙ୍କ ଦ୍ଵାରା ବିଜେତାମାନଙ୍କୁ ପୁରସ୍କାର ଓ ପ୍ରମାଣ ପତ୍ର ପ୍ରଦାନ କରାଯାଇଥିଲା । ଏହି କାର୍ଯ୍ୟକ୍ରମରେ ଯୁବ ରେଡ କ୍ରସ ର କାଉନସିଲର ଶ୍ରୀ ପ୍ରଶାନ୍ତ କୁମାର ସାହୁ ,ତୃପ୍ତିମୟୀ ଭୋଇ, ଏନ୍.ଏସ୍.ଏସ୍ ପ୍ରୋଗ୍ରାମ ଅଫିସର ମୋନାଲିସା ପାଣିଗ୍ରାହୀ, ଏନ.ସି.ସି ଅଫିସର ଲେଫ୍ଟନାନ୍ଟ ଉଦୟ ନାଏକ, ଡଃ. ସରସ୍ଵତୀ ରାୟ ଓ ଅଧ୍ୟାପକ ଅଧ୍ୟାପିକା ବୃନ୍ଦ ସହ ଛାତ୍ରଛାତ୍ରୀ ଯୋଗ ଦେଇଥିଲେ । ଶେଷରେ ଶ୍ରୀ ପ୍ରଶାନ୍ତ କୁମାର ସାହୁ ଧନ୍ୟବାଦ ଅର୍ପଣ କରିଥିଲେ ।
ଗୌରୀ ପଟ୍ଟନାୟକ ଙ୍କ ରିପୋର୍ଟ୍
