ମୋଟର ସାଇକେଲ ଦୁର୍ଘଟଣା ୩ ଯୁବକ ଗୁରୁତ୍ତର
ଡାବୁଗାଁ, ୧/୧୨ (ମ.ନି.ସ.) ନବରଙ୍ଗପୁର ଜିଲା ବ୍ଲକ ଅଧୀନ ଚିକିଲି ଛକ ନିକଟରେ ରବିବାର ଅପରାହ୍ନରେ ମୋଟର ସାଇକେଲ ଦୁର୍ଘଟଣା ଘଟି ୩ ଜଣ ଗୁରୁତ୍ତର | ଆଜି ଅପରାହ୍ନରେ ୩ ଜଣ ଯୁବକ ନିଜ ମୋଟର ସାଇକେଲ ରେ ଡାବୁଗାଁ ଠାରୁ ନିଜ ଗ୍ରାମ କକଡାଗୁଡା ଯାଉଥିବା ସମୟରେ ଚିକିଲି ଗ୍ରାମ ଛକ ନିକଟରେ ଥିବା ନଦୀରେ ପୋଲ ପୂର୍ବରୁ ଗାର୍ଡ ପୋଷ୍ଟରେ ଭାରସାମ୍ୟ ହରାଇ ପିଟି ହୋଇଥିଲେ | ଫଳରେ ମୋଟର ସାଇକେଲ ରେ ଥିବା ତିନିଜଣ ଯୁବକ ଆହତ ହୋଇଥିଲେ | ତିନିଜଣ ଯୁବକଙ୍କ ର ଗୋଡକ ଭାଙ୍ଗି ଯାଇଛି। ଯୁବକ ମାନେ ହେଲେ କକଡାଗୁଡା ଗ୍ରାମର ମଧୁ ଗୌଡ଼, ଈଶ୍ୱର ଗୌଡ଼ ଓ ରାଜଶ ଗୌଡ଼ । ଘଟଣା ସ୍ଥଳରୁ ସ୍ଥାନୀୟ ଲୋକେ ତାଙ୍କୁ ଉଦ୍ଧାର କରି ଆମ୍ବୁଲାନ୍ସ ଯୋଗେ ଡାବୁଗାଁ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ | ସେଠାରେ ୩ ଜଣ ଙ୍କର ଅବସ୍ଥା ଗୁରୁତ୍ୱର ହେବାରୁ ଜିଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି | ଏନେଇ ଡାବୁଗାଁ ଥାନାରେ କୌଣସି ଅଭିଯୋଗ ହୋଇନାହିଁ |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
