ଡ଼ାବୁଗାଁ, ୨୬/୧୨ (ମ.ନି.ସ.)- ନବରଙ୍ଗପୁର ଜିଲା ଡ଼ାବୁଗାଁ ବ୍ଲକ ର ବୋରିଗାଁ ପଞ୍ଚାୟତ ଅଧୀନ ଗୋଦମାଗୁଡା ଗ୍ରାମରେ ସୋମବାର ଅପରାହ୍ନରେ ନିଆଁ ଲାଗି ଧାନ ଗଦା ପୋଡି ନଷ୍ଟ ହୋଇଯାଇଛି | ଗ୍ରାମର ୪ ଜଣ ବ୍ୟକ୍ତିଙ୍କର ୮ ଏକର ଜମିରୁ ଖଳାରେ ଥିବା ୧୦ ଟି ଧାନଗଦା ରୁ କୌଣସି କାରଣ ବଶତଃ ୩ ଟି ଧାନ ଗଦାରେ ନିଆଁ ଲାଗିଯାଇଥିଲା | ଗୋଦମାଗୁଡା ଗ୍ରାମର ଜ୍ୟୋତି ମାଝି, ଘେନୁଆ ମାଝି, ପଦମ ମାଝି ଓ ଚୈତନ ମାଝି ନିଜ ନିଜ ଜମିରୁ ଧାନ ସବୁ କାଟିଆଣି ଘର ପାଖ ଖଳାରେ ଗଦା କରି ରଖିଥିଲେ | ଦୁଃର୍ଭାଗ୍ୟ ବଶତଃ କୌଣସି ସୂତ୍ରରୁ ଧାନ ଗଦା ରେ ନିଆଁ ଲାଗି ଯାଇଥିଲା | ଏହାଦେଖି ଗ୍ରାମବାସୀ ନିଆଁ କୁ ଆୟତ କରିବା ନିମନ୍ତେ ଚେଷ୍ଟା କରିଥିଲେ ପରେ ଡ଼ାବୁଗାଁ ଦମକଳ ବାହିନୀ କୁ ଖବର ଦିଆଯାଇଥିଲା ଖବର ପାଇ ଦମକଳ ବାହିନୀ ସେଠାରେ ପହଞ୍ଚି ନିଆଁ କୁ ଆୟତ କରିଥିଲେ । ଏହି ଅଗ୍ନିକାଣ୍ଡ ରେ ମୋଟ ୫୦ହଜାର ଟଙ୍କା ର ଧାନ ନଷ୍ଟ ହୋଇଥିବା ସୂଚନା ମିଳିଛି । ଡାବୁଗାଁ ଅଗ୍ନିଶମ ବିଭାଗ ର ଏଲ ଏଫ ଏମ୍ ଉପେନ୍ଦ୍ର ମହାରଣା , ଆଗ୍ନିକ ପ୍ରସନ୍ନ ବିଶ୍ୱାସ , ହିରୋଜ କୁମାର ବେହେରା , ମାନସିଂ ଶବର ଓ ହେମନ୍ତ ମାଝୀ ସେଠାରେ ପହଞ୍ଚି ନିଆଁ କୁ ଆୟତ କରିଥିଲେ । କୁ ସୂଚନା ଦେଇଥିଲେ |ଅଗ୍ନିଶମ ଗାଡି ଗ୍ରାମ ରେ ପହଞ୍ଚି ନିଆଁ କୁ ଆୟତ କରିଥିଲେ |
ଡାବୁଗାଁରୁ ପ୍ରଜ୍ଞା ରଞ୍ଜନ ପରିଡାଙ୍କ ରିପୋର୍ଟ