ଦୃଷ୍ଟିବାଧିତ ମଙ୍ଗୁଳିଙ୍କୁ ତାଙ୍କର ଦାନ ଵୀର କାର୍ଯ୍ୟ ନେଇ ଶ୍ରୀ ଜଗନ୍ନାଥ ଟ୍ରଷ୍ଟ ପକ୍ଷରୁ ସମ୍ବର୍ଧନା
କଟକ: ସମୟ ସ୍ରୋତରେ ମଙ୍ଗୁଳି ବସନ୍ତିଆ ଦୃଷ୍ଟିହୀନ । ମନ ତାଙ୍କର ଦାନ ବୀର । ସେ ମହାକାଳପଡ଼ା ଅଞ୍ଚଳର ବିଜୟନଗର ନିକଟସ୍ଥ ବଢ଼ିହି ଗ୍ରାମ lରେ ଏକ ଛୋଟିଆ କୁଡିଆ ଘରେ ବସବାସ କରନ୍ତି। ଘରଟି ଚାଳ ଛପର ଉପରେ ମଧ୍ୟ ପାଲ ପଡ଼ିଛି । ମଙ୍ଗୁଳିଙ୍କର ନିତିଦିନିଆ କର୍ମ ହେଉଛି ବିଭିନ୍ନ ସ୍ଥାନରେ ଥିବା ମଠ ଓ ମନ୍ଦିରକୁ ଯାଇ ଭଜନ ଗାଇ ଭିକ୍ଷା କରିବା । ଏଥିରୁ ଯାହା ରୋଜଗାର ହୁଏ,ସେ ଚଳିବା ପାଇଁ ରଖି ସେହି ମନ୍ଦିରରେ ଦାନ କରିଦେଇଥାନ୍ତି । ତାଙ୍କର କିଛି ଗଚ୍ଛିତ ଅର୍ଥରେ ସେ ହରପାର୍ବତୀ ମନ୍ଦିରରେ ପ୍ରସାଦ ଦାନ ଦେଇଥିଲେ । ମନ୍ଦିର ପୂଜକଙ୍କ କଥା ଅନୁସାରେ ଏହି କର୍ମରେ ମଙ୍ଗୁଳି ୩୦ ହଜାର ଟଙ୍କା ପ୍ରଦାନ କରିଥିଲେ । ଏହିପରି ଜାଗୁଳାଇ ମନ୍ଦିରର କାର୍ଯ୍ୟ ପାଇଁ ମଧ୍ୟ ୧୦ ହଜାର ଦାନ କରିଛନ୍ତି । ସେ ଜଗନ୍ନାଥଙ୍କ ଭଜନ ଜଣାଣ ଗାଇଥାନ୍ତି । ମଙ୍ଗୁଳି ବାସନ୍ତିଆଙ୍କ ଏହିପରି ଦାନଧର୍ମି କାର୍ଯ୍ୟ ପାଇଁ ଶ୍ରୀ ଜଗନ୍ନାଥ ଚାରିଟେବୁଲ ଟ୍ରଷ୍ଟ ପକ୍ଷରୁ ତାଙ୍କୁ ସମ୍ବର୍ଦ୍ଧନା କରାଯାଇଛି । ଟ୍ରଷ୍ଟ ପକ୍ଷରୁ ତାଙ୍କ ପରିବାର ପାଇଁ ପୋଷାକ ସହ ଶୀତ ବସ୍ତ୍ର ପ୍ରଦାନ କରାଯାଇଛି । ସେ ଜଗନ୍ନାଥ ପ୍ରେମୀ ହୋଇଥିବାରୁ ତାଙ୍କୁ ମହାପ୍ରଭୁଙ୍କ ପ୍ରତିମୂର୍ତ୍ତି ମଧ୍ୟ ପ୍ରଦାନ କରାଯାଇଛି । ମଙ୍ଗୁଳିଙ୍କ ଭାଷାରେ ଲୋକ ମାନେ ଦେଇଥିବା ଦାନର ଅର୍ଥ ପ୍ରଭୁଙ୍କ ହୁଣ୍ଡି କୁ ଗଲେ ଦାତାଙ୍କର ପୂର୍ଣ୍ଣ ଆମର ବି ପୂର୍ଣ୍ଣ । ଆଜିର ଏହି କାର୍ଯ୍ୟକ୍ରମ ରେ ସହଯୋଗୀ ବ୍ୟକ୍ତି ଗଣ ହେଲେ ଶ୍ରୀ ଜଗନ୍ନାଥ ଚାରିଟେବୁଲ ଟ୍ରଷ୍ଟର ସଭାପତି ସମାଜସେବୀ ଦମନ ମହାନ୍ତି,ଟ୍ରଷ୍ଟର ଉପଦେଷ୍ଟା ବିଷ୍ଣୁ ଚରଣ ମହାପାତ୍ର,ଟ୍ରଷ୍ଟର କର୍ମକର୍ତା ଅନୁଗୋଳ କଣିହାଁର ଇଂ.ପ୍ରଶାନ୍ତ କୁମାର ଦାଶ,କାଳନ୍ଦୀ ମଲ୍ଲିକ ଓ ତୋଫାନ ଚନ୍ଦ୍ର ସାହୁ ପ୍ରମୁଖ ।
ଶ୍ରୀକାନ୍ତ ବେଉରା ଙ୍କ ରିପୋର୍ଟ୍
