କାଳିଆ
କିଛି ମାଗୁନାହିଁ ତୋତେରେ କାଳିଆ
ବଡଦାଣ୍ଡେ ଛିଡା ହୋଇ
ତୋ ବଡ ଦାଣ୍ଡରେ ଚାଲିଗଲେ ଥରେ
ଦୁଃଖ ବୋଲି କିଛି ନାହିଁ
କିଛି ମାଗୁନାହିଁ…………….୧
ନୟନ ଦେଖୁଛି କେତେଯେ ଭକତ
ଆସୁଛନ୍ତି ଦେଖାକରି
ଧାଡି ଧାଡି ହୋଇ ଚାଲନ୍ତି ଭକତେ
ତୋ ନାମକୁ ଜପ କରି
ଭକତିରେ ଭରା ସବୁରି ହୃଦୟ
ତୋ ସେବା କରିବା ପାଇଁ
କିଛି ମାଗୁନାହିଁ…………….୨
ଯାହାର ସାଥିରେ ଭାବର ବନ୍ଧନ
କିକଥା ମାଗିଵି ଯାଇ
ଭକତି ଭାବରେ ବାନ୍ଧିଦେବି ତୋତେ
ଚିରକାଳ ଥିବୁ ରହି
ଏତିକି ମାଗୁଣି ତୋ ପାଦ କମଳେ
ସେବକ ମୁଁ ତୋର ପାଇଁ
କିଛି ମାଗୁନାହିଁ ତୋତେରେ କାଳିଆ
ବଡଦାଣ୍ଡେ ଛିଡା ହୋଇ…………୩
ସତ୍ୟ ରଞ୍ଜନ ସ୍ୱାଇଁ
ଅବଦଲପୁର, ଯାଜପୁର
