ଭାରତ ର ସବୁଠାରୁ ସଫଳ ପ୍ରଧାନମନ୍ତ୍ରୀ ଡଃ ମନମୋହନ ସିଂହ ଙ୍କ ମୃତ୍ୟୁ ଦେଶ ପାଇଁ ଅପୂରଣୀୟ କ୍ଷତି
ନବରଙ୍ଗପୁର:(୨୭|୧୨)(ରବି ନାରାୟଣ ମହାନ୍ତି)ଶତାବ୍ଦୀ ର ଭାରତ ର ସବୁଠାରୁ ସଫଳ ପ୍ରଧାନମନ୍ତ୍ରୀ ଡଃ ମନମୋହନ ସିଂହ ଦେଶ କୁ ଏକ ସମୃଦ୍ଧ ଅର୍ଥନୀତି ଦେଇଥିବା ବିଶିଷ୍ଟ ଅର୍ଥନୀତିଜ୍ଞ ଡ଼ଃ ମନମୋହନ ସିଂ ଆଉ ଆମ ଗହଣରେ ନାହାନ୍ତି, ତାଙ୍କ ମୃତ୍ୟୁ ଦେଶ ପାଇଁ ଅପୂରଣୀୟ କ୍ଷତି l ଡଃ ମନମୋହନ ସିଂହ ୨୦୦୪ ଠାରୁ ୨୦୧୪ ପର୍ଯ୍ୟନ୍ତ ପ୍ରଧାନମନ୍ତ୍ରୀ ଥିବା ପୂର୍ବରୁ ସେ ଭାରତ ସରକାରଙ୍କ ରିଜର୍ଭ ବ୍ୟାଙ୍କର ଗଭର୍ଣ୍ଣର, ଅର୍ଥ ସଚିବ ଓ ଅର୍ଥମନ୍ତ୍ରୀ ରହିଥିଲେ l ତାଙ୍କର ପ୍ରଧାନମନ୍ତ୍ରୀ ସମୟରେ ମହାତ୍ମାଗାନ୍ଧୀ ଜାତୀୟ ନିଶ୍ଚିତ କର୍ମ ନିଯୁକ୍ତି ଯୋଜନା ର ପଥ ପ୍ରଦର୍ଶକ ଥିଲେ l ଦେଶର ଅର୍ଥନୀତି କୁ ସଙ୍କଟରୁ ଉଦ୍ଧାର କରି ଆଗକୁ ନେବାରେ ତାଙ୍କର ଏକ ଗୁରୁତ୍ୱପୂର୍ଣ୍ଣ ଅବଦାନ ଥିଲା l ୧୯୯୧ ମସିହାରେ ଆରମ୍ଭ ହୋଇଥିବା ଦେଶର ଅର୍ଥନୈତିକ ଅଭିବୃଦ୍ଧି ହାର ଆଗକୁ ବଢ଼ାଇବା ରେ ପ୍ରମୂଖ ଭୂମିକା ଗ୍ରହଣ କରିଥିଲେ l ତାଙ୍କର ଅଧ୍ୟୟନ ପଞ୍ଜାବ ରୁ ଆରମ୍ଭ ହୋଇ ବ୍ରିଟେନର କେମ୍ବ୍ରିଜ ବିଶ୍ଵବିଦ୍ୟାଳୟ ପର୍ଯ୍ୟନ୍ତ ଲମ୍ବିଥିଲା l ସେ ଏପରି ଏକ ବ୍ୟକ୍ତି ଥିଲେ, ଶାସକ ଦଳ ହେଉ କି ବିରୋଧୀ ଦଳ ହେଉ, କୌଣସି ବ୍ୟକ୍ତି ରାଜନେତା ତାଙ୍କର ବ୍ୟକ୍ତିତ୍ୱ ଉପରେ ସମାଲୋଚନା କରି ନାହାନ୍ତି l ଭଗବାନଙ୍କ ନିକଟରେ ଏଭଳି ଏକ ମହାନ ଅମର ଆତ୍ମା ର ସଦଗତି ନିମନ୍ତେ ପ୍ରାର୍ଥନା କରିବା ସହ ଏଭଳି ଏକ ଯୁଗଜନ୍ମା ବ୍ୟକ୍ତି ପୃଥିବୀର ସବୁଠାରୁ ବଡ ଗଣତନ୍ତ୍ର ରାଷ୍ଟ୍ର ଭାରତରେ ବାରମ୍ବାର ଜନ୍ମ ଗ୍ରହଣ କରନ୍ତୁ ବୋଲି ଜନସାଧାରଣରେ ଚର୍ଚ୍ଚା ହେଉଛି l ଏଥିନେଇ ଓଡିଶା ଅମଲା ସଂଘ ସଭାପତି ତ୍ରିପତି ବାଲାଜୀ ସାହୁ ଗଭୀର ଦୁଃଖ ପ୍ରକାଶ କରି ପୂର୍ବତନ ପ୍ରଧାନମନ୍ତ୍ରୀ ଙ୍କ ଅମର ଆତ୍ମାର ସଦାଗତୀ ନିମନ୍ତେ ଜଗତର ନାଥ ଶ୍ରୀ ଜଗନ୍ନାଥ ଙ୍କ ପାଖରେ ପ୍ରାର୍ଥନା ଜଣାଇଛନ୍ତି l
( ମ ନି ସ )
