ଜାନୁଆରୀ ୪ ଓ ୫ରେ ଯୁଗଯାତ୍ରୀ ସାହିିତ୍ୟ ସଂସଦର ରାଜ୍ଯ ସ୍ତରୀୟ ସୁବର୍ଣ୍ଣ ଜୟନ୍ତୀ ମହୋତ୍ସବ
କବି ଭାରତ ମାଝୀଙ୍କୁ ଯୁଗଯାତ୍ରୀ ସୁବର୍ଣ୍ଣ ଜୟନ୍ତୀ ସାହିତ୍ୟ ସମ୍ମାନ
ମ.ରାମପୁର:୩୧/୧୨(ମସୀହା): କଳାହାଣ୍ଡି ଜିଲ୍ଳାର ଅଗ୍ରଣୀ ସାହିତ୍ୟ ଅନୁଷ୍ଠାନ ଯୁଗଯାତ୍ରୀ ସାହିତ୍ୟ ସଂସଦର ରାଜ୍ଯ ସ୍ତରୀୟ ସୁବର୍ଣ୍ଣ ଜୟନ୍ତୀ ମହୋତ୍ସବ ଆସନ୍ତା ଜାନୁଆରୀ ୪ ଓ ୫ ଦୁଇ ଦିନ ଧରି ମହାସମାରୋହରେ ପାଳିତ ହେବ । ଏହି ଅବସରରେ ଯୁଗଯାତ୍ରୀ ସୁବର୍ଣ୍ଣ ଜୟନ୍ତୀ ସାହିତ୍ୟ ସମ୍ମାନ ପାଇବାକୁ କବି ଭାରତ ମାଝୀ ମନୋନୀତ ହେଇଛନ୍ତି । କବି ଭାରତ ମାଝୀ ସମକାଳର ଓଡ଼ିଆ ସାହିତ୍ୟ ଜଗତରେ ଏକ ସ୍ପର୍ଦ୍ଧିତ ଉଚ୍ଚାରଣ । କବିଙ୍କ କବିତା ପୁସ୍ତକ ଅଗାଧୁ ଦୁଆରୀ,ସରଳ ରେଖା, ମୂର୍ତ୍ତିକାର,ମହାନଗର ପଦ୍ୟ, ଭାରତ ମାଝୀ ଡ଼ଟ୍ କମ.ଢୋ, ହାଇୱେ ରେ କୁହଡ଼ି,ମାର୍ଫତ ,ଫୁଟପାଥ୍ ଓ ମାଝୀ ଗୀତ ପ୍ରକାଶିତ ହେଇଥିବାବେଳେ ଅନୁବାଦ ପୁସ୍ତକ ଜୟନ୍ତ ମହାପାତ୍ରଙ୍କ ରିଲେସନସିପ୍(ସଂପର୍କ),ସୁନୀଲ ଗଙ୍ଗୋପାଧ୍ୟାୟ ଙ୍କ ଅନ୍ୟ ଜୀବନର ସ୍ୱାଦ(ଉପନ୍ୟାସ),ଅଶ୍ୱିନୀ କୁମାରଙ୍କ ବନାରସ ଓ ଅର୍ଦସ(ବନାରସ ଓ ଅନ୍ୟମାନେ) ପୁସ୍ତକ ଓଡ଼ିଆ ସାହିତ୍ୟରେ ଖୁବ୍ ପ୍ରସିିଦ୍ଧି ଲାଭ କରିଛି । କଳାହାଣ୍ଡିରେ ଜନ୍ମିତ କବି ଭାରତ ମାଝୀ ସଂପ୍ରତି ଭୁବନେଶ୍ୱରେ ସାମ୍ବାଦିକତା କରିବା ସହିତ ସାହିତ୍ୟ ସାଧନା ଜାରୀ ରଖିଛନ୍ତି । ତେବେ ଆସନ୍ତା ଜାନୁଆରୀ ୪ ଓ ୫ ଦୁଇଦିନ ଧରି ହେବାକୁ ଥିବା ଏହି ରାଜ୍ୟ ସ୍ତରୀୟ ସୁବର୍ଣ୍ଣ ଜୟନ୍ତୀ ମହୋତ୍ସବର ଉଦଯାପନୀ ଉତ୍ସବରେ କବିଙ୍କୁ ସମ୍ମାନୀତ କରାଯିବ ବୋଲି ଯୁଗଯାତ୍ରୀ ସାହିତ୍ୟ ସଂସଦର ସଭାପତି ପଦ୍ମ ଲୋଚନ ମିଶ୍ର ଓ ସଂପାଦକ ହେମନ୍ତ ସାହୁ ସୂଚନା ପ୍ରଦାନ କରିଛନ୍ତି । ଏହି ମହୋତ୍ସବ ଅବସରରେ ଦିଆଯିବାକୁ ଥିବା ସୁବର୍ଣ୍ଣ ଜୟନ୍ତୀ ଯୁବ ପ୍ରତିଭା ସମ୍ମାନ ଓ ସୁବର୍ଣ୍ଣ ଜୟନ୍ତୀ ନବ ପ୍ରତିଭା ସମ୍ମାନ ଖୁବ୍ ଶିଘ୍ର ଘୋଷଣା କରାଯିବ ବୋଲି ସଂପାଦକ ଶ୍ରୀ ସାହୁ ପ୍ରକାଶ କରିଛନ୍ତି ।
ମ.ରାମପୁର ରୁ ପରମାନନ୍ଦ ବିଶି ଙ୍କ ରିପୋର୍ଟ
