ଜଣାଣ
ମାନଗୋବିନ୍ଦ ସ୍ବାଇଁ
ଘଟଗାଁ ତାରିଣୀ ଶ୍ରୀଫଳ ପୂଜିବା
ଗାଡି ବାଲା ରହି ଯାଆ
ନଡ଼ିଆକୁ ନେବୁ ମୋ ମାଆକୁ ଦେବୁ
ମୋ ମନ ବାଞ୍ଛା କହିଥା।
ତୋ ପାଇଁ ବାନାକୁ ଗାଡିବାଲା ଦେଲି
ମାଆଙ୍କୁ ଭାବ ଜଣାଣ
ବହୁତ ଦୂରରୁ ମୋ ଆଶା ପୂରଣ
ବାରେ ଘେନ ମୋ ପ୍ରଣାମ।
ତାରିଣୀ ମା’ ଯାତ କେତେମୁ ଆନନ୍ଦ
ହସଖୁସି ତା ପୀଠରେ
ନୟନେ ଦେଖିବି ମାଆ ଦୃଶ୍ୟ ଛବି
ଶାନ୍ତି ଜପ ମୋ ମନରେ।
ମାଆଙ୍କୁ କାମନା ଜୀବନ ସାନ୍ତ୍ଵନା
ମାଗୁଛି ମା ଲୋ ଆଶିଷ
ବିପଦ କାଳରେ ଶାହା ହେଉ ଥିବୁ
ମୋ ପାଶେ ଦେବୁ ସାହସ।
ତୋ ନାମ ସ୍ମରଣ ରଖିଛି ଜୀବନ
ମା ମୋର ସକଳ ଶକ୍ତି
କାଳ କାଳ ଉଭା ଶକତି ଦିଅନ୍ତି
ମା ପଦେ ସଦା ଭକତି।
ଗୋଜାବନ୍ଧ ମହାକାଳପଡ଼ା