ପରିଣତି
ରାଗ (ବଙ୍ଗଳା ଶ୍ରୀ )
କହକହ ମନ କିହେବ ତୋହର
ହେଲେଶେଷ ପରିଣତି
ଆସିଲାଣି ମାଡି ଅନ୍ଧାର ରଜନୀ
ଡ଼ାକିଲାଣି ଜନ୍ତୁପତି |1|
ଫିକାଫିକା ଜହ୍ନ ଦୁଗ୍ଧଫେନ ପରି
ଆକାଶ ଅଙ୍ଗନେ ଆଜି
ବିଛେଇ ପଡିଛି ଧୋବଫରଫର
ସୁଧାରେ ଦେହକୁ ସାଜି |2|
ମଲ୍ଲିଫୁଲ ପରି ହସ ସେଆଣିଛି
ମୁଖୁଆସେ ସୁଧାଝରି
ଗୋଲାପୁ ମାଖିଛି ତା’ପରାଗ ରେଣୁ
ଅନ୍ତଃକାଳେ ମନଭରି |3|
ଶାଳ୍ମଳୀ ଦେଇଛି ତା’ଅଧରେ ରଙ୍ଗ
ପଦୁଅଁ ଆଣିଛି ବାସ
ଚମ୍ପକ ବୋଳିଛି ତାଦେହରେ ରଙ୍ଗ
କରିବାକୁ ରଙ୍ଗରାସ |4|
ମୋଜୀବନ ପଦ୍ମ ପାଖୁଡ଼ାରେ ରହି
ସଦାହୁଏ ଢଳଢଳ
ଲୁହର ସାଗରେ କେତେମୁଁ ଦେଇଛି
ପରୀକ୍ଷାଟି ଅବିରଳ |5|
ତା’ଭିତରେ ମୋତେ କରିଅଛି କିଏ
ସନ୍ଦେହ ମୋ’କର୍ମେ ଧର୍ମେ
କେହିବି ଦେଖିଛି ଉତ୍ତମ ଆଖିରେ
ଜୀବନ ଯାତ୍ରାରେ ମର୍ମେ |6|
ମୋତେକେ କରିଛି ଖୁସିରେ ଆଦର
ସୁମନ ସମାନତୋଳି
ମୋତେକେଦେଇଛି ଚଲାବାଟେକେହି
ଅସନା କଳଙ୍କ ବୋଳି |7|
ସୁମନ କଳିକା ତୋଳିଛିକେହାତେ
ବୃନ୍ତ ସିଂହାସନୁ ଆଣି
କେହିପିନ୍ଧିଅଛି ତା’ଦୁଇ କାନରେ
ପ୍ରେମସୌଧ ନିରିମାଣି
ମୋ’ଜୀବନ ପଥେ ପାଇଛି କଷଣ
ସନ୍ଦେହର ମହାଜାଲେ
ପ୍ରତିପଦେ ପଦେ ଦେଇଛି ପରୀକ୍ଷା
ପଡିଛି ଅନେକ ଖାଲେ |9|
କେତେ ପ୍ରପଞ୍ଚକ କେତେ ପ୍ରବଞ୍ଚନା
ଶିକାରେ ଶିକାର ହୋଇ
ପ୍ରଭୁଙ୍କ ଚରଣେ ପ୍ରତୀକ୍ଷା କରିଛି
ଦେବିବୋଲି ପାପଧୋଇ |10|
କାହାକଥା ମୋତେ କରିପାରିନାହିଁ
ଟିକେହେଲେ ପ୍ରଭାବିତ
ଥୁଣ୍ଟାବୃକ୍ଷ ମୁହିଁ ସଲିଳ ପରଶେ
ଦିନେହେବି ପଲ୍ଲବିତ |11|
ଶେଷ ଜୀବନେ ମୁଁ ଧୂପକାଠି ହୋଇ
ପ୍ରଭୂପଦେ ଜଳୁଥିବି
ଜୀବନର ଯେତେ ସୁଗନ୍ଧ ବାସନା
ମନ୍ଦିରରେ ବାଣ୍ଟୁଥିବି |12|
ଶେଷ ଜୀବନେ ମୁଁ ଗ୍ରାମ ଶମଶାନେ
ମୁଠାଏ ପାଉଁଶ ହେବି
ଏହି ପରିଣତି କରିବ ହେ!ପ୍ରଭୂ
ଅନ୍ୟ ପାଇଁ ନାହିଁମତି |13|
ଶ୍ରୀ ବିଦ୍ୟାଧର ମହାନ୍ତ,
ତମ୍ବାହରା,
କେନ୍ଦୁଝର
