ପାପଡାହାଣ୍ଡି,26/11, ମନିସ — ନବରଙ୍ଗପୁର ପାପଡାହାଣ୍ଡି ବ୍ଲକର ବିଭିନ୍ନ ବିଦ୍ୟାଳୟକୁ ଶନିବାର ଏଡିସନାଲ ଡାଇରେକ୍ଟର ସରୋଜ କୁମାର ବେହେରା ପରିଦର୍ଶନ କରିଥିଲେ | ଏହି ସମୟରେ ସେ ଶିକ୍ଷଣ ପରିପୂରକ କାର୍ଯ୍ୟକ୍ରମ ଓ 5ଟି ବିଦ୍ୟାଳୟ ଗୁଡିକର ଟ୍ରାନ୍ସଫୋରମେସନ କାର୍ଯ୍ୟର ତଦାରଖ କରିଥିଲେ | ଏହି ସମୟରେ ଡିଇଓ ପ୍ରଦୀପ କୁମାର ନାଗ, ଏଡିଇଓ ବିଶ୍ଵନାଥ ସାହୁ ଓ ରେଶମ ଲାଲ ନାୟକ, ପାପଡାହାଣ୍ଡି ବିଇଓ ବୀରେନ୍ଦ୍ର କୁମାର ପାଢ଼ୀ, ଜିଲ୍ଲା ପ୍ଲାନିଂ କୋର୍ଡିନେଟର ପ୍ରଦୀପ୍ତ କୁମାର ଷଢଙ୍ଗୀ ପ୍ରମୁଖ ଉପସ୍ଥିତ ଥିଲେ | ସେ ବ୍ଲକର କାଙ୍ଗମାଝୀଗୁଡା, ଶିରିଶି, ଡେଙ୍ଗାଗୁଡାର ବିଦ୍ୟାଳୟ ଗୁଡିକୁ ବୁଲି ଦେଖିଥିଲେ | କରୋନା ସମୟରେ ଛାତ୍ରୀ ଛାତ୍ରଙ୍କ ଯେଉଁ କ୍ଷତି ହୋଇଛି ତାହାର ଭରଣ ପୋଷଣ କରିବା ଲାଗି ପରାମର୍ଶ ଦେଇଥିଲେ |
ପାପଡାହାଣ୍ଡି ରୁ ସ୍ବପ୍ନଜିତ ପଟନାୟକ ଙ୍କ ରିପୋର୍ଟ