ବାଲେଶ୍ଵର,୨୬/୧୧/୨୨- ଟ୍ରକ୍ ଧକ୍କାରେ ଶିକ୍ଷୟିତ୍ରୀ ଗୁରୁତର । ଏପରି ଏକ ଘଟଣା ଘଟିଛି ବାଲେଶ୍ଵର ଜିଲ୍ଲା ଖଇରା ଥାନା ଆଳଦା ତୋରାଣିପଦା ଛକ ନିକଟରେ । ଖବର ସଂଗ୍ରହରୁ ଜଣାଯାଇଛି ଯେ ଶିକ୍ଷୟିତ୍ରୀ ମନ୍ଦାକିନୀ ମଲ୍ଲିକ ଖଇରା ବ୍ଲକ ବାଘୁଆ ନୋଡାଲ ସ୍କୁଲରେ ଶିକ୍ଷୟିତ୍ରୀ ଭାବେ କାର୍ଯ୍ୟ କରନ୍ତି । ପ୍ରତିଦିନ ପରି ଆଜି(୨୬/୧୧/୨୨) ଶିକ୍ଷୟିତ୍ରୀ ଶ୍ରୀମତୀ ମଲ୍ଲିକ ନିଜର ସ୍କୁଟି ଯୋଗେ ବିଦ୍ୟାଳୟକୁ ଯାଉଥିବା ବେଳେ ଭାରସାମ୍ୟ ହରାଇ ଟ୍ରକ୍ ପଛରେ ସ୍କୁଟି ବାଡେଇ ହୋଇଥିଲା ।
ଫଳରେ ଶ୍ରୀମତୀ ମଲ୍ଲିକ ଖଣ୍ଡେ ଦୂର ଛିଟିକି ପଡିଥିଲେ । ଏହାଦେଖି ଛକ ନିକଟରେ ଉପସ୍ଥିତ ଥିବା ଲୋକେ ସଂଗ ସଂଗ ଘଟଣା ସ୍ଥଳକୁ ଦୌଡ଼ି ଯାଇଥିଲେ ଏବଂ ଚିକିତ୍ସା ନିମନ୍ତେ ଆମ୍ବୁଲାନ୍ସ ଯୋଗେ ନିକଟସ୍ଥ ଖଇରା ମେଡ଼ିକାଲକୁ ପଠାଇଥିଲେ । ତାଙ୍କର ଡାହାଣ ହାତଟି ଗୁରୁତର କ୍ଷତି ହୋଇ ଥିବାର ଜଣାଯାଇଛିଛି । ଅବସ୍ଥା ଗୁରୁତର ଥିବାରୁ ପ୍ରାଥମିକ ଚିକିତ୍ସା ପରେ ଅଧିକ ଚିକିତ୍ସା ନିମନ୍ତେ ଖଇରା ମେଡ଼ିକାଲ ଭଦ୍ରକ ମେଡ଼ିକାଲକୁ ରେଫର କରିଛି । ଖବରପାଇ ଖଇରା ପୋଲିସ ଘଟଣା ସ୍ଥଳରେ ପହଞ୍ଚି ଟ୍ରକକୁ ନିଜ ହେପାଜତକୁ ଆଣିଛି ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
