ବଡ଼ପାଞ୍ଜିଆରୀଗୁଡା ଉଚ୍ଚ ବିଦ୍ୟାଳୟ ବାର୍ଷିକ ଉତ୍ସବ ପାଳନ
ଡାବୁଗାଁ, ୧୨/୨ (ମ.ନି.ସ.) – ନବରଙ୍ଗପୁର ଜିଲା ପାପଡାହାଣ୍ଡି ବ୍ଲକ ଅଧୀନ ବଡ଼ପାଞ୍ଜିଆରୀଗୁଡା ସରକାରୀ ଉଚ୍ଚ ବିଦ୍ୟାଳୟ ଠାରେ ବାର୍ଷିକ ଉତ୍ସବ ବୁଧବାର ପାଳନ ହୋଇଯାଇଛି l ଉକ୍ତ ଉତ୍ସବରେ ମୁଖ୍ୟ ଅତିଥି ଭାବରେ ଜ଼ିଲ୍ଲାର ବରିଷ୍ଠ ଗଣିତ ଶିକ୍ଷକ ତଥା ସରକାରୀ ଉଚ୍ଚ 
ବିଦ୍ୟାଳୟ ବଡ଼କୁମୁଲି ର ପ୍ରଧାନଶିକ୍ଷକ ଶ୍ରୀଯୁକ୍ତ ବୈକୁଣ୍ଠ ନାଥ ଜେନା ମୁଖ୍ୟ ଅତିଥି, ସରକାରୀ ଉଛ ବିଦ୍ୟାଳୟ ପଣ୍ଡିକୋଟ ର ପ୍ରଧାନଶିକ୍ଷକ ଶ୍ରୀ ଶିବଶଙ୍କର ସାମଲ ମୁଖ୍ୟ ବକ୍ତା ଓ ସରକାରୀ ଉଚ୍ଚ ବିଦ୍ୟାଳୟ, କଣ୍ଟାମାଳ ର ବିଜ୍ଞାନ ଶିକ୍ଷକ ଜ୍ୟୋତି ରଞ୍ଜନ ନାୟକ, ବିଦ୍ୟାଳୟ ପରିଚାଳନା ସମିତିର ସଭାପତି ଶ୍ରୀଯୁକ୍ତ ଚନ୍ଦ୍ରଶେଖର ନାୟକ ଆଦି 
ସମ୍ମାନିତ ଅତିଥି ରୂପେ ମଞ୍ଚ ଅଳଙ୍କୃତ କରିଥିଲେ l ବିଦ୍ୟାଳୟର ପ୍ରଧାନଶିକ୍ଷକ ଶ୍ରୀ ବାଳକୃଷ୍ଣ ଦାଶ ସଭାପତିତ୍ୱ କରିଥିଲେ l ସହକାରୀ ଶିକ୍ଷକ ବିନୋଦ ବିହାରୀ ରଣା ମଞ୍ଚ ସଂଯୋଜନା କରିଥିଲେ l ବାର୍ଷିକ ଉତ୍ସବ ପାଇଁ ଆୟୋଜିତ ବିଭିନ୍ନ ପ୍ରତିଯୋଗିତାରେ କୃତୀ ପ୍ରତିଯୋଗୀମାନଙ୍କୁ ବରେଣ୍ୟ ଅତିଥି ମାନଙ୍କ ଦ୍ୱାରା ପୁରସ୍କୃତ କରାଯାଇଥିଲା l ବିଦ୍ୟାଳୟ ତରଫରୁ ମୁଖ୍ୟ ଅତିଥିଙ୍କୁ ଏକ ମାନପତ୍ର ସହ ଦୀର୍ଘାୟୁ କାମନା ସହ ସମ୍ବର୍ଦ୍ଧିତ କରାଯାଇଥିଲା I ପୁରସ୍କାର ବିତରଣ ପରେ ଛାତ୍ରଛାତ୍ରୀ ମାନଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା l ଏକ ସୁନ୍ଦର ଶିକ୍ଷଣ ଧର୍ମୀ ସାମାଜିକ ନାଟକ ଯେତେ କାନ୍ଦିଲେ ବି ଲୁହ ସରେନି ପ୍ରକାଶ ରଞ୍ଜନ ମୁଦୁଲି ଙ୍କ ନିର୍ଦେଶନାରେ ପରିବେଷଣ କରାଯାଇଥିଲା l ବାର୍ଷିକ ଉତ୍ସବ କୁ ସାଫଲ୍ୟ ମଣ୍ଡିତ କରିବାରେ ବିଦ୍ୟାଳୟର ସମସ୍ତ ଶିକ୍ଷକ ଶିକ୍ଷୟତ୍ରୀ ଓ ଛାତ୍ରଛାତ୍ରୀ ମାନେ ସହଯୋଗ କରିଥିଲେ l ପରିଶେଷରେ ପ୍ରଧାନ ଶିକ୍ଷକ ସମସ୍ତ ଅତିଥି, ଶିକ୍ଷକ ଶିକ୍ଷୟିତ୍ରୀ ଓ ଛାତ୍ରଛାତ୍ରୀ ଙ୍କୁ ଧନ୍ୟବାଦ ଅର୍ପଣ କରିଥିଲେ l
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
