ପୂଜାରୀଗୁଡା ଠାରେ ବିକଶିତ ଗାଁ ବିକଶିତ ଓଡିଶା ସ୍ୱତନ୍ତ୍ର ଗ୍ରାମ ସଭା ଅନୁଷ୍ଠିତ
ତେନ୍ତୁଳିଖୁଣ୍ଟି ୧୪/୦୨/୨୫ // ତେନ୍ତୁଳିଖୁଣ୍ଟି ବ୍ଲକ ର ପୂଜାରୀଗୁଡା ଗ୍ରାମ ପଞ୍ଚାୟତ କାର୍ଯ୍ୟାଳୟ ଠାରେ ସରପଞ୍ଚ ଅନାଦି ମାଝୀ ଙ୍କର ଅଧ୍ୟକ୍ଷତାରେ ଆଜି ସ୍ୱତନ୍ତ୍ର ଗ୍ରାମ ସଭା ଅନୁଷ୍ଠିତ ହୋଇ ଯାଇଛି।୨୦୨୪-୨୫ ଠାରୁ ୨୦୨୯-୩୦ ପାଞ୍ଚ ବର୍ଷ ପାଇଁ ବିକଶିତ ଗାଁ ବିକଶିତ ଓଡିଶା ଯୋଜନା ର କାର୍ଯ୍ୟ ଖସଡ଼ା ପ୍ରସ୍ତୁତକରି ପ୍ରକଳ୍ପ ତାଲିକା ପ୍ରସ୍ତୁତି କରି ଗ୍ରାମସଭା ରେ ଅନୁମୋଦନ ନିମନ୍ତେ ଗ୍ରାମ ସଭା ଅନୁଷ୍ଠିତ ହୋଇଥିଲା।।ଏହି କାର୍ଯ୍ୟକ୍ରମ ରେ ପୂଜାରୀ ଗୁଡା ଗ୍ରାମ ପଞ୍ଚାୟତ ର ସମସ୍ତ ୱାର୍ଡ ର ଜନସାଧାରଣ ଉପସ୍ଥିତ ରହି ନିଜ ନିଜ ୱାର୍ଡ ର ଆବଶ୍ୟକତା କୁ ପୂରଣ କରିବା ପାଇଁ ଆଗାମୀ ପାଞ୍ଚ ବର୍ଷ ପାଇଁ ବିଭିନ୍ନ ଉନ୍ନତି ମୂଳକ କାର୍ଯ୍ୟ ର ତାଳିକା ପ୍ରସ୍ତୁତ କରି ଗ୍ରାମ ପଂଚାୟତ କାର୍ଯ୍ୟାଳୟ ଠାରେ ପ୍ରଦାନ କରିଛନ୍ତି। ଆଜିର ଏହି କାର୍ଯ୍ୟକ୍ରମ ରେ ବି ପି ସି ଉମା ମହେଶ୍ୱରୀ ପର୍ଯ୍ୟବେକ୍ଷକ ଭାବେ ଯୋଗ ଦେଇଥିବା ବେଳେ ପେଶା କୋର୍ଡିନେଟର ବନାନୀ ଦାସ, ଗ୍ରାମପଞ୍ଚାୟତ ର ପି ଓ ସ୍ୱାଗତିକା ସାହୁ,ଏ ସି ଡି ଓ ଅନନ୍ତ ପୂଜାରୀ ପ୍ରମୁଖ କାର୍ଯ୍ୟକ୍ରମ ପରିଚାଳନା ରେ ସହଯୋଗ କରିଥିଲେ।ପୂର୍ବତନ ସରପଞ୍ଚ କୁମର ପୂଜାରୀ, ୱାର୍ଡ ସଭ୍ୟ ଡମ୍ବରୁ କର୍କରା, ଭୀଷ୍ମ ମାଝୀ ଓ ସମସ୍ତ ୱାଡ଼ ସଭ୍ୟ ଓ ସଭ୍ୟା ଗ୍ରାମ ପଞ୍ଚାୟତ ର ସମସ୍ତ ଅଙ୍ଗନବାଡି କର୍ମୀ ଓ ଜନସାଧାରଣ ଉପସ୍ଥିତ ଥିଲେ।
ଗୋବର୍ଦ୍ଧନ ସାହୁ , ତେନ୍ତୁଳିଖୁଣ୍ଟି
