ଘଣ୍ଟମାଲ୍ ଗ୍ରାମରେ ଷୋହଳ ପ୍ରହର ନାମଯଜ୍ଞ ପାଇଁ ଶୁଭଖମ୍ୱ ସ୍ଥାପନ, ଆସନ୍ତା ମାସ ୪ ତାରିଖରୁ ୭ତାରିଖ ପର୍ଯ୍ୟନ୍ତ ଅନୁଷ୍ଠିତ ହେବ ଉତ୍ସବ
ରୁପ୍ରା, ୨୭/୨ (ଅଜୟ ସେନାପତି ) : ନର୍ଲା ବ୍ଲକ ଅଧିନ ଘଣ୍ଟମାଲ୍ ଗ୍ରାମରେ ଆସନ୍ତା ମାସ ୪ତାରିଖ ରୁ ୭ତାରିଖ ପର୍ଯ୍ୟନ୍ତ ଅନୁଷ୍ଠିତ ହେବାକୁ ଥିବା ଷୋହଳ ପ୍ରହର ନାମଯଜ୍ଞ, କଳସ ଶୋଭାଯାତ୍ରା, ଦଧିଭାଣ୍ଡ ଭଞ୍ଜନ ଓ ନଗର କୀର୍ତ୍ତନ ଉପଲକ୍ଷେ ଗୁରୁବାର ଦିନ ଉକ୍ତ ମଣ୍ଡପରେ ଶୁଭଖମ୍ୱ ସ୍ଥାପନ ହୋଇଯାଇଛି। ଏହି ଉତ୍ସବରେ ପୂଜକ ବାଳମୁକୁନ୍ଦ ବଡପଣ୍ଡା ଓ ସହଯୋଗୀ ରହିଥିବା ବେଳେ ଯଜ୍ଞ କର୍ତ୍ତା ଅଶୋକ ସା ଓ ତାଙ୍କ ପତ୍ନୀ ନିଳାନ୍ଦ୍ରି ସା ଦାୟିତ୍ବ ନିର୍ବାହ 
କରୁଛନ୍ତି। ନାମଯଜ୍ଞ କମିଟିର ସଭାପତି ତଥା ନର୍ଲା ପଞ୍ଚାୟତ ସମିତିର ଭାରପ୍ରାପ୍ତ ଅଧ୍ୟକ୍ଷ ଦୁର୍ଗାପ୍ରସାଦ ମହାନ୍ତି, କାର୍ଯ୍ୟକାରୀ ସଭାପତି ତଥା ଘଣ୍ଟମାଲ୍ ସରପଞ୍ଚ ଦେବେନ୍ଦ୍ର ସା ଓ ସମ୍ପାଦକ ତଥା ସମିତିସଭ୍ୟ ସଂଘର ବ୍ଲକ୍ ସଭାପତି ଜୟ ମେହେରଙ୍କ ନେତୃତ୍ୱ ତଥା ଘଣ୍ଟମାଲ୍ ଗ୍ରାମବାସୀ ଓ ଅଞ୍ଚଳର ମାନ୍ୟଗଣ୍ୟ ବ୍ୟକ୍ତି ମାନଙ୍କ ସହଯୋଗ କ୍ରମେ ନାମଯଜ୍ଞ କିପରି ଶାନ୍ତି ଶୃଙ୍ଖଳା ମଧ୍ୟରେ ସମ୍ପନ୍ନ ହୋଇପାରିବ, ଏଥିପାଇଁ ଗୁରୁବାର ସଂଧ୍ୟାରେ ପ୍ରହରୀ ମଣ୍ଡପ ପରିସରରେ ପୂର୍ଣ୍ଣାଙ୍ଗ ବୈଠକ ଅନୁଷ୍ଠିତ ହୋଇଯାଇଛି। ଉକ୍ତ କମିଟିର ସୂଚନା ମୁତାବକ ଆସନ୍ତା ମାସ ୪ ତାରିଖ ମଙ୍ଗଳବାର ଦିନ କଳସ ଶୋଭାଯାତ୍ରା, ୫ତାରିଖ ବୁଧବାର ଦିନ ନାମଯଜ୍ଞ ଶୁଭାରମ୍ଭ ଓ ୭ତାରିଖ ଶୁକ୍ରବାର ଦିନ ପୁର୍ଣ୍ଣାହୁତି ସହ ଦଧିଭାଣ୍ଡ ଭଞ୍ଜନ ଓ ନଗର କୀର୍ତ୍ତନ ଅନୁଷ୍ଠିତ ହେବ, ସେହିପରି ଷୋହଳ ପ୍ରହର ନାମଯଜ୍ଞର କଳାହାଣ୍ଡି ଜିଲ୍ଲା ସମେତ ବରଗଡ଼, ବଲାଙ୍ଗୀର, ନବରଙ୍ଗପୁର ଓ ଛତିଶଗଡ଼ ର ପ୍ରାୟ ୮ଟି କୀର୍ତ୍ତନ ମଣ୍ଡଳୀ ଅଂଶଗ୍ରହଣ କରିବେ।
( ମ ନି ସ )
