କାର୍ବନ ନିରପେକ୍ଷତା ଅବଲମ୍ବନ କରି ଜଳବାୟୁ ନିୟନ୍ତ୍ରଣ ନେଇ ତାଲିମ
ଡାବୁଗାଁ, ୨୫/୩ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ବ୍ଲକ ସମ୍ମିଳନୀ କକ୍ଷ ଠାରେ କାର୍ବନ ନିରପେକ୍ଷତା ଅବଲମ୍ବନ କରି ଜଳବାୟୁ ନିୟନ୍ତ୍ରଣ ନେଇ ଏକ ତାଲିମ କାର୍ଯ୍ୟକ୍ରମ ମଙ୍ଗଳବାର ଅନୁଷ୍ଠିତ ହୋଇଯାଇଛି | ଏଥିରେ କାର୍ବନ ନିରପେକ୍ଷତା ଅବଲମ୍ବନ କରିବା, ତଦ୍ୱାରା କିପରି ଜଳବାୟୁ ନିୟନ୍ତ୍ରଣ ହେବ, ସବୁଜ ପରିବେଶ ଗଠନ 
ହୋଇପାରିବ, ଧୂମ୍ର ବିହୀନ ଯାନ ଚାଳନା, ସୌର ଶକ୍ତିର ବିନିଯୋଗ, ବୃକ୍ଷ ରୋପଣ, ବାୟୁ ଶକ୍ତି ଓ ଜଳ ଶକ୍ତିର ବ୍ୟବହାର କରିବା, ବସ୍ତୁର ପୁନଃ ବିନିଯୋଗ କରାଯିବା ବିଷୟ ଗୁଡିକ ଉପରେ ତାଲିମ ଦିଆଯାଇଥିଲା l ଏଥିରେ ପ୍ରଶିକ୍ଷକ ଭାବେ ଏବିଡ଼ିଓ ପଦ୍ମନାଭ ତ୍ରିପାଠୀ, ବ୍ଲକ ସାମାଜିକ ସୁରକ୍ଷା ଅଧିକାରୀ ଯତୀନ ପାଣିଗ୍ରାହୀ, ଗ୍ରାମ ପଞ୍ଚାୟତ ଉନ୍ନୟନ ଅଧିକାରୀ ପଦ୍ମନାଭ ଭାଲ୍ଲା ଓ ସିପି ପ୍ରବୀଣ କୁମାର ପଟ୍ଟନାୟକ ପ୍ରମୁଖ ତାଲିମ ଦେଇଥିଲେ l ଏଥିରେ ୭ ଜଣ ଏମବିକେ, ୧୩ ସିଆରପି, ୩୦ ଅଙ୍ଗନୱାଡି କର୍ମୀ ମାନେ ତାଲିମ ନେଇଥିଲେ l ପେସା ସଂଯୋଜକ ଶୁଭଶ୍ରୀ ମହାଙ୍କୁଡ ତାଲିମ କାର୍ଯ୍ୟକ୍ରମ ପରିଚାଳନା କରିଥିଲେ l
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
