ଜୈବିକ ସାର ଉତ୍ପାଦନ କମ୍ପାନୀ ‘ବାୟୋତେଜ ଏଗ୍ରିନୋଭେସନ’ ର ନୂତନ ପ୍ଲାଣ୍ଟ ଉଦଘାଟିତ
ରାଉରକେଲା: ଜୈବିକ ସାର ଉତ୍ପାଦନ କମ୍ପାନୀ ବାୟୋତେଜ ଏଗ୍ରିନୋଭେସନ ର ନୂତନ ପ୍ଲାଣ୍ଟ ଆଜି ଲାଠିକଟା ବ୍ଲକ ଅଧିନସ୍ଥ ସୁଇଡ଼ିହି ଗ୍ରାମରେ ଉଦଘାଟିତ ହୋଇଯାଇଛି l ଏହି ଅବସରରେ ଆୟୋଜିତ ଉଦ୍ଘାଟନୀ ଉତ୍ସବରେ ଏନଆଇଟି ଏଫଟିବିଆଇ ସେଣ୍ଟର ର ମୁଖ୍ୟ ମନୋଜ କୁମାର ମିଶ୍ର ମୁଖ୍ୟଅତିଥି ଭାବେ ଯୋଗ ଦେଇଥିଲେ l ସମ୍ମାନିତ ବକ୍ତା ଭାବେ ରାଜ୍ୟ କୃଷି ବିଜ୍ଞାନ କେନ୍ଦ୍ର ର ବରିଷ୍ଠ ବୈଜ୍ଞାନିକ ଡ଼. ଜୟନ୍ତ କୁମାର ପତି ଓ ଜିଲ୍ଲା କୃଷି ଅଧିକାରୀ, ପାନପୋଷ ଜି. ଜୟନ୍, ଏନଆଇଟି ସେରାମିକ ଇଞ୍ଜିନିଅରିଙ୍ଗ ବିଭାଗ ପ୍ର. ସ୍ବଦେଶ କୁମାର ପ୍ରତିହାର ମଞ୍ଚାସୀନ ଥିଲେ l
ସମ୍ମାନିତ ଅତିଥି ଭାବେ ଏନଆଇଟି ର ପ୍ର. ଭିନି ରାଉତରାୟ ଓ ପ୍ର. କ୍ରିଷ୍ଣା ପ୍ରାମାଣିକ ପ୍ରମୁଖ ଯୋଗ ଦେଇଥିଲେ l କମ୍ପାନୀର ଅନ୍ୟତମ ନିର୍ଦ୍ଦେଶିକା ମୀନା କୁମାରୀ ମହାରଣା ଶୁଭେଚ୍ଛା ଜଣାଇଥିଲେ lକମ୍ପାନୀ ର ପ୍ରତିଷ୍ଠାତା ତଥା ନିର୍ଦ୍ଦେଶକ ଡ଼. ଶିତାରଶ୍ମି ସାହୁ ସ୍ୱାଗତ ଭାଷଣ ଦେବା ସହ କମ୍ପାନୀ ବିଷୟରେ ଆଲୋକପାତ କରିଥିଲେ l ସେ କହିଲେ ଯେ, ଆଇ.ସି.ଏ.ଆର – ଏନ.ଆର.ଆର.ଆଇ, କଟକଙ୍କ ମିଳିତ ଉଦ୍ୟମରେ ଇସ୍ପାତ ଶିଳ୍ପ ରୁ ବାହାରୁଥିବା ଏଲ.ଡି ସ୍ଲାଗ ଓ ଥର୍ମାଲ ପାୱାର ପ୍ଲାଣ୍ଟର ବର୍ଜ୍ୟ ପାଉଁଶକୁ ପ୍ରକ୍ରିୟାକରଣ କରି ଜୈବିକ ସାର ଉତ୍ପାଦନ କ୍ଷେତ୍ରରେ ରେ ଵୟୋତେଜ ଓଡିଶା ର ପ୍ରଥମ କମ୍ପାନୀ l ଏହି ଜୈବିକ ସାର ଚାଷ ଜମିରେ ଥିବା ଏସିଡ ପରିମାଣ କୁ ହ୍ରାସ କରିବା ସହ ଉର୍ବରତା ବୃଦ୍ଧି କରିବାରେ ସହାୟ ହେଉଛି l କେବଳ ସାର ଉତ୍ପାଦନ ନୁହଁ, ଜୈବି କୃଷି ପରାମର୍ଶ ପ୍ରଦାନ ଦିଗରେ ମଧ୍ୟ କାର୍ଯ୍ୟ କରିଆସୁଛି l ଚାଷୀ ମାନେ ଏହାର ସୁଯୋଗ ନେବାକୁ ଡ଼. ସାହୁ ନିବେଦନ କରିଥିଲେ l ଅତିଥି ମାନେ ନିଜ ନିଜ ବକ୍ତବ୍ୟ ରେ ଜୈବ କୃଷି ପ୍ରଣାଳୀ, ଜୈବିକ ସାରର ବ୍ୟବହାର ଓ ପୁଷ୍ଟିକର ଖାଦ୍ୟ ଶସ୍ୟ ଓ ପନିପରିବା ଉତ୍ପାଦନ ଉପରେ ଗୁରୁତ୍ୱ ପ୍ରଦାନ କରିଥିଲେ l ଶେଷରେ କମ୍ପାନୀ ର ଅନ୍ୟତମ ନିର୍ଦ୍ଦେଶକ ସୁନୀଲ ଚୌଧୁରୀ ଧନ୍ୟବାଦ ଅର୍ପଣ କରିଥିଲେ l ଏନଆଇଟି ର ଏଫଟିବିଆଇ ଓ ଅନ୍ୟ ପୃଷ୍ଠପୋଷାକ ମାନଙ୍କ ସହାୟତା ପାଇଁ ମଧ୍ୟ ଧନ୍ୟବାଦ ଜଣାଇଥିଲେ l
ଅତିଥି ମାନେ ପ୍ଲାଣ୍ଟ କୁ ଉଦଘାଟନ କରିବା ସହ ବୁଲି ଦେଖିଥିଲେ l ଏଥିସହ ପ୍ଲାଣ୍ଟ ପରିସରରେ ବୃକ୍ଷ ରୋପଣ କରିଥିଲେ l ଜୈବିକ ସାର ସହ ଚାରା ଉତ୍ପାଦନ, ଜିଆ ଖତ ପ୍ରସ୍ତୁତି ପ୍ରଣାଳୀ ପ୍ରଭୃତି ଦେଖି ଆନନ୍ଦ ପ୍ରକାଶ କରିବା ସହ ଚାଷ କ୍ଷେତ୍ରରେ ଏହା ବେଶ ସହାୟକ ହେବ ବୋଲି ଦୃଢ ଆଶା ପୋଷଣ କରିଥିଲେ l ଏଠାରେ ପ୍ରକାଶ ଯୋଗ୍ୟ ଯେ, ଏହି କମ୍ପାନୀ ବିଭିନ୍ନ ସରକାରୀ ଓ ବେସରକାରୀ ବିଭାଗ ସହଯୋଗ ରେ ଜୈବ କୃଷି କ୍ଷେତ୍ରରେ ବୈପ୍ଲବିକ ପରିବର୍ତନ ପାଇଁ ଉଦ୍ୟମ ଜାରି ରଖିଛି ଏବଂ ବିଭିନ୍ନ ସଂସ୍ଥା ଦ୍ୱାରା ପୁରସ୍କୃତ ମଧ୍ୟ ହୋଇଛି l
ରାଉରକେଲା ରୁ କୁଞ୍ଜ ବିହାରି ରାଉତ ଙ୍କ ରିପୋର୍ଟ୍
